ಜೊಮಾಟೊ ಐಆರ್ಸಿಟಿಸಿ ಒಪ್ಪಂದ: ರೈಲು ಪ್ರಯಾಣದ ಸಮಯ ಬರಲಿದೆ ಆಹಾರ
ನವದೆಹಲಿ, ಅಕ್ಟೋಬರ್ 19: ಭಾರತದಲ್ಲಿ ರೈಲಿನಲ್ಲಿ ಪ್ರಯಾಣಿಸುವಾಗ ಹಸಿವಾಗುವುದು ಸಹಜ. ಕೆಲವರು ತಮ್ಮದೇ ಆದ ಆಹಾರವನ್ನು ತಂದರೆ, ಕೆಲವರು ಮಾರಾಟಗಾರರು ತಂದ ತಿಂಡಿಗಳನ್ನು ಒಂದು ನಿಲ್ದಾಣದಲ್ಲಿ ಖರೀದಿಸಿ ತಿನ್ನುತ್ತಾರೆ. ಆದರೆ ಈಗ ರೈಲಿನಲ್ಲಿ ಪ್ರಯಾಣಿಸುವಾಗ ನಿಮಗೆ ಬೇಕಾದ ಆಹಾರವನ್ನು ಆರ್ಡರ್ ಮಾಡಿ ತಿನ್ನಬಹುದಾಗಿದೆ.
ಹೌದು, ಈಗ ನೀವು ಜೊಮಾಟೊದಲ್ಲಿ ಫುಡ್ ಆರ್ಡರ್ ಮಾಡಿ ರೈಲಿನಲ್ಲಿ ಡೆಲಿವರಿ ಪಡೆಯಬಹುದು. ಅದಕ್ಕಾಗಿಯೇ ಐಆರ್ಸಿಟಿಸಿ ಜೊಮಾಟೊ ಒಪ್ಪಂದ ಮಾಡಿಕೊಂಡಿವೆ. ಭಾರತೀಯ ರೈಲ್ವೇಸ್ ಕ್ಯಾಟರಿಂಗ್ ಮತ್ತು ಟೂರಿಸಂ ಕಾರ್ಪೊರೇಷನ್ (IRCTC) ಮುಂಗಡ-ಆರ್ಡರ್ ಮಾಡಿದ ಊಟದ ವಿತರಣೆಗಾಗಿ ಜನಪ್ರಿಯ ಆಹಾರ ವಿತರಣಾ ಅಪ್ಲಿಕೇಶನ್ ಜೊಮಾಟಿ ಜೊತೆಗೆ ಕೈಜೋಡಿಸಿದೆ.
ಹೀಗಾಗಿ ಗ್ರಾಹಕರಿಗೆ ಆಹಾರ ವಿತರಣಾ ಸೇವೆಯ ಆಯ್ಕೆಗಳನ್ನು ವಿಸ್ತರಿಸಿದೆ. ಎಕ್ಸ್ಚೇಂಜ್ ಫೈಲಿಂಗ್ನಲ್ಲಿ, ಐಆರ್ಸಿಟಿಸಿ ತನ್ನ ಇ-ಕ್ಯಾಟರಿಂಗ್ ವಿಭಾಗದ ಅಡಿಯಲ್ಲಿ ತಮ್ಮ ಆಯ್ಕೆಯ ಆಹಾರವನ್ನು ಆರ್ಡರ್ ಮಾಡಲು ರೈಲಿನಲ್ಲಿ ಪ್ರಯಾಣಿಸುವವರಿಗೆ ಲಭ್ಯವಿರುವ ಆಯ್ಕೆಗಳ ಶ್ರೇಣಿಯನ್ನು ಹೆಚ್ಚಿಸಲು ಜೊಮಾಟೊ ಜೊತೆ ಕೈಜೋಡಿಸಿದೆ ಎಂದು ಹೇಳಿದೆ.
ಈ ಸೌಲಭ್ಯ ಹೊಂದಿರುವ ನಿಲ್ದಾಣಗಳು:
ಜನಪ್ರಿಯ ಆಹಾರ ವಿತರಣಾ ಅಪ್ಲಿಕೇಶನ್ ಐಆರ್ಸಿಟಿಸಿಯ ಇ-ಕ್ಯಾಟರಿಂಗ್ ಪೋರ್ಟಲ್ ಮೂಲಕ ಪ್ರೀ ಆರ್ಡರ್ ಮಾಡಿದ ಊಟವನ್ನು ಪೂರೈಸುತ್ತದೆ. ಸದ್ಯಕ್ಕೆ ಈ ಸೇವೆಯು ಐದು ರೈಲು ನಿಲ್ದಾಣಗಳಲ್ಲಿ ಲಭ್ಯವಿರುತ್ತದೆ. ವಾರಣಾಸಿ, ಲಕ್ನೋ, ನವದೆಹಲಿ, ಕಾನ್ಪುರ ಮತ್ತು ಪ್ರಯಾಗರಾಜ್. ಹಬ್ಬದ ಋತುವನ್ನು ಗಮನದಲ್ಲಿಟ್ಟುಕೊಂಡು ಐಆರ್ಸಿಟಿಸಿ ತನ್ನ ಪ್ರಯಾಣಿಕರಿಗೆ ವಿಶೇಷ ಸೇವೆಗಳು ಮತ್ತು ಕೊಡುಗೆಗಳನ್ನು ಒದಗಿಸುತ್ತಿದೆ. ಅದರ ಕೇಟರಿಂಗ್ ವಿಭಾಗವು ಉಪವಾಸದ ಪ್ರಯಾಣಿಕರ ವಿಶೇಷ ಬೇಡಿಕೆಯನ್ನು ಗಮನದಲ್ಲಿಟ್ಟುಕೊಂಡು ವಿಶೇಷ ನವರಾತ್ರಿ ಥಾಲಿಗಳನ್ನು ಒದಗಿಸುತ್ತಿದೆ.
ಅಕ್ಟೋಬರ್ 18 ರ ಬೆಳಿಗ್ಗೆ ಜೊಮಾಟೊ ಷೇರಿನ ಬೆಲೆಯು 52 ವಾರಗಳ ಗರಿಷ್ಠ 115 ರೂಪಾಯಿಗಳನ್ನು ಮುಟ್ಟಿತು. ಈ ವರ್ಷದ ಸೆಪ್ಟೆಂಬರ್ನಲ್ಲಿ MSRTC ಯ ಆನ್ಲೈನ್ ಬಸ್ ಬುಕಿಂಗ್ ಸೇವೆಗಳನ್ನು ಸಕ್ರಿಯಗೊಳಿಸಲು IRCTC ಮಹಾರಾಷ್ಟ್ರ ರಾಜ್ಯ ರಸ್ತೆ ಸಾರಿಗೆ ನಿಗಮದೊಂದಿಗೆ (MSTRC) IRCTC ಯ ಬಸ್ ಬುಕಿಂಗ್ ಪೋರ್ಟಲ್ ಮೂಲಕ ಒಪ್ಪಂದ ಮಾಡಿಕೊಂಡಿತು.
ಭಾರತೀಯ ರೈಲ್ವೆಯ ವಿಶೇಷ ರೈಲುಗಳು
ಭಾರತದಲ್ಲಿ ದಸರಾ, ದೀಪಾವಳಿ ಮತ್ತು ಛತ್ ಪೂಜೆಯಂತಹ ಹಬ್ಬಗಳನ್ನು ಬಹಳ ವೈಭವದಿಂದ ಆಚರಿಸಲಾಗುತ್ತದೆ. ಟಿಕೆಟ್ಗಳಿಗೆ ಹೆಚ್ಚಿನ ಬೇಡಿಕೆ ಮತ್ತು ಈ ಸಮಯದಲ್ಲಿ ಜನರು ಪ್ರಯಾಣಿಸುವ ಅಗತ್ಯವನ್ನು ಗಮನದಲ್ಲಿಟ್ಟುಕೊಂಡು ಭಾರತೀಯ ರೈಲ್ವೆ ಹಲವಾರು ವಿಶೇಷ ರೈಲುಗಳನ್ನು ಬಿಟ್ಟಿದೆ. ವರದಿಗಳ ಪ್ರಕಾರ, ಭಾರತೀಯ ರೈಲ್ವೇಯು ಫಿರೋಜ್ಪುರದಿಂದ ಪಾಟ್ನಾ, ಜಮ್ಮು ತಾವಿಯಿಂದ ಬರೌನಿ ಮತ್ತು ಆನಂದ್ ವಿಹಾರದಿಂದ ಸಹರ್ಸಾಗೆ ವಿಶೇಷ ರೈಲುಗಳನ್ನು ಓಡಿಸಲಿದೆ.
Click it and Unblock the Notifications
Sign in with Google