ಜನವರಿ 2020ರಿಂದ ಟಾಟಾ ಕಾರುಗಳ ಬೆಲೆ ಏರಿಕೆ
ನವದೆಹಲಿ, ಡಿಸೆಂಬರ್ 04: ಬಿಎಸ್ 6 ಗುಣಮಟ್ಟಕ್ಕೆ ಅನುಗುಣವಾಗಿ ಕಾರು ಉತ್ಪಾದನೆ ಪ್ರಕ್ರಿಯೆ ಬದಲಾಯಿಸಲಾಗಿದ್ದು, ಜನವರಿ 2020ರಿಂದ ಎಲ್ಲಾ ಬಗೆಯ ಪ್ರಯಾಣಿಕರ ವಾಹನಗಳ ಬೆಲೆ ಏರಿಕೆ ಮಾಡಲಾಗುವುದು ಎಂದು ಟಾಟಾ ಮೋಟರ್ಸ್ ಬುಧವಾರದಂದು ಪ್ರಕಟಿಸಿದೆ.
ಹಾಚ್ ಬ್ಯಾಕ್ ಟಿಯಾಗೋದಿಂದ ಎಸ್ ಯು ವಿ ಹಾರಿಯರ್ ತನಕ, 4.39 ಲಕ್ಷ ರು ನಿಂದ 16. 85 ಲಕ್ಷ ರು(ದೆಹಲಿ ಎಕ್ಸ್ ಶೋರೂಂ ಬೆಲೆ)ತನಕ ವಿವಿಧ ಬಗೆಯ ವಾಹನಗಳನ್ನು ಟಾಟಾ ಮೋಟರ್ಸ್ ಮಾರುಕಟ್ಟೆಗೆ ಬಿಡುತ್ತಿದೆ.
ಬಿಎಸ್ 6 ಉತ್ಪನ್ನಗಳು ಸಂಪೂರ್ಣ ಜಾರಿಯಾಗುವ ಹೊತ್ತಿಗೆ ಟಾಟಾ ಸಂಸ್ಥೆ ಕಾರುಗಳ ಬೆಲೆಯೂ ಏರಿಕೆ ಮಾಡುವುದು ಅನಿವಾರ್ಯ ಎಂದು ಟಾಟಾ ಮೋಟರ್ಸ್ ನ ನಿರ್ದೇಶಕರಲ್ಲಿ ಒಬ್ಬರಾದ ಮಾಯಾಂಕ್ ಪರೀಕ್ ಅವರು ಪಿಟಿಐ ಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.
ಕಾರು ಕೊಳ್ಳುವ ಕನಸಿಗೆ ತಡೆ ಹಾಕಿದ ಮಾರುತಿ ಸುಝುಕಿ
ಏಪ್ರಿಲ್ 2020ರಿಂದ ಬಿಎಸ್ 6 ನಿಯಮಗಳು ಕಡ್ಡಾಯವಾಗಿ ಜಾರಿಗೆ ಬರಲಿದೆ. ಟಾಟಾ ಮೋಟರ್ಸ್ ವಾಹನಗಳ ಬೆಲೆ ಏರಿಕೆ ಪ್ರಮಾಣದ ಬಗ್ಗೆ ಹೆಚ್ಚಿನ ಮಾಹಿತಿಯಿಲ್ಲವಾದರೂ, 10,000 ರು ನಿಂದ 15,000 ರು ತನಕ ಏರಿಕೆ ನಿರೀಕ್ಷೆಯಿದೆ.
ಮಾರುತಿ ಸುಜುಕಿ, ಟೊಯೋಟಾ, ಮಹೀಂದ್ರಾ ಅಂಡ್ ಮಹೀಂದ್ರಾ, ಮರ್ಸಿಡೀಸ್ ಬೆಂಜ್ ಕೂಡಾ ಇದೇ ಹಾದಿ ಹಿಡಿಯುವ ಸಾಧ್ಯತೆ ಹೆಚ್ಚಿದೆ. ಆದರೆ ಹ್ಯುಂಡೈ ಮೋಟರ್ಸ್ ಇಂಡಿಯಾ, ಹೋಂಡಾ ಕಾರ್ಸ್ ಇಂಡಿಯಾ ಸಂಸ್ಥೆಗಳು ಜನವರಿ ತಿಂಗಳಿನಲ್ಲಿ ತಮ್ಮ ಸಂಸ್ಥೆಯ ವಾಹನಗಳ ಬೆಲೆಯನ್ನು ಏರಿಕೆ ಮಾಡದಿರಲು ನಿರ್ಧರಿಸಿವೆ.
Click it and Unblock the Notifications
Sign in with Google