ಭಾರತೀಯ ಷೇರುಪೇಟೆ ಚೇತರಿಕೆ: ಸೆನ್ಸೆಕ್ಸ್ 524 ಪಾಯಿಂಟ್ಸ್ ಏರಿಕೆ

ಮುಂಬೈ, ಜೂನ್ 19: ಇಂದು ಭಾರತೀಯ ಷೇರು ಮಾರುಕಟ್ಟೆ ಚೇತರಿಕೆ ಸಾಧಿಸಿದೆ. ಬಿಎಸ್‌ಇ ಸೂಚ್ಯಂಕ ಸೆನ್ಸೆಕ್ಸ್ ಸುಮಾರು 523.68 ಅಂಕಗಳನ್ನು ಗಳಿಸಿ 34731.73 ಮಟ್ಟದಲ್ಲಿ ಮುಚ್ಚಿದೆ. 152.75 ಪಾಯಿಂಟ್‌ಗಳ ಲಾಭದೊಂದಿಗೆ ನಿಫ್ಟಿ 10244.40 ಮಟ್ಟದಲ್ಲಿ ದಿನದ ವಹಿವಾಟು ಕೊನೆಗೊಳಿಸಿದೆ.

ಇಂದು ಬಿಎಸ್‌ಇಯಲ್ಲಿ ಒಟ್ಟು 2778 ಕಂಪನಿಗಳು ವಹಿವಾಟು ನಡೆಸಿದ್ದು, ಈ ಪೈಕಿ ಸುಮಾರು 1774 ಷೇರುಗಳು ತೀವ್ರವಾಗಿ ಏರಿ 856 ಷೇರುಗಳು ಮುಚ್ಚಲ್ಪಟ್ಟವು. ಅದೇ ಸಮಯದಲ್ಲಿ, 148 ಕಂಪನಿಗಳ ಷೇರು ಬೆಲೆಯಲ್ಲಿ ಯಾವುದೇ ವ್ಯತ್ಯಾಸವಿರಲಿಲ್ಲ. ಅದೇ ಸಮಯದಲ್ಲಿ, ಡಾಲರ್ ಎದುರು ರೂಪಾಯಿ ಮೌಲ್ಯ 76.18 ರೂ.ಗೆ ಕೊನೆಗೊಂಡಿತು, ಡಾಲರ್ ವಿರುದ್ಧ 5 ಪೈಸೆ ಕಳೆದುಕೊಂಡಿತು.

ಅಗ್ರಗಳಿಕೆ ಸಾಧಿಸಿದ ಷೇರುಗಳು (ನಿಫ್ಟಿ)

ನಿಫ್ಟಿಯಲ್ಲಿ ಅಗ್ರ ಲಾಭ ಗಳಿಸಿದ ಬಜಾಜ್ ಫಿನ್‌ಸರ್ವ್ ಪಾಲು ಸುಮಾರು 472 ರುಪಾಯಿಗಳ ಏರಿಕೆ ಕಂಡು 5,899.80 ರು.ಗೆ ತಲುಪಿದೆ.

ಬಜಾಜ್ ಫೈನಾನ್ಸ್ ಷೇರುಗಳು ಸುಮಾರು 173 ರುಪಾಯಿಗಳ ಏರಿಕೆ ಕಂಡು 2,698.60 ರುಪಾಯಿ, ಟಾಟಾ ಮೋಟಾರ್ಸ್ ಷೇರುಗಳು ಸುಮಾರು 6 ರುಪಾಯಿಗಳ ಏರಿಕೆ ಕಂಡು 102.50 ರುಪಾಯಿ ಹಾಗೂ ರಿಲಯನ್ಸ್ ಷೇರುಗಳು ತಲಾ 104 ರುಪಾಯಿಗಳ ಏರಿಕೆ ಕಂಡು 1,759.40 ರುಪಾಯಿಗೆ ತಲುಪಿದೆ. ಭಾರ್ತಿ ಇನ್ಫ್ರಾಟೆಲ್ ಷೇರುಗಳು ಸುಮಾರು 10 ರುಪಾಯಿಗಳ ಏರಿಕೆ ಕಂಡು 218.85 ರುಪಾಯಿ ಮುಟ್ಟಿದೆ.

ಕುಸಿತ ಕಂಡ ಷೇರುಗಳು
ಇಂಡಸ್ಇಂಡ್ ಬ್ಯಾಂಕಿನ ಷೇರುಗಳು ಸುಮಾರು 16 ರು.ಗಳ ಇಳಿಕೆ ಕಂಡು 483.65 ರುಪಾಯಿಗೆ ತಲುಪಿದೆ. ವೇದಾಂತದ ಷೇರುಗಳು ಸುಮಾರು 2 ರುಪಾಯಿ ಕಳೆದುಕೊಂಡು 105.25 ರು.ಗೆ ತಲುಪಿದೆ. ಎಚ್‌ಸಿಎಲ್ ಟೆಕ್ ಷೇರು ಸುಮಾರು 9 ರು.ಗಳನ್ನು ಇಳಿಕೆಯಾಗಿ 569.60 ರು.ಗೆ ಮುಚ್ಚಿದೆ. ಐಟಿಸಿ ಷೇರುಗಳು ಸುಮಾರು 3 ರು.ಗಳ ಇಳಿಕೆ ಕಂಡು 184.05 ರುಪಾಯಿ ಹಾಗೂ ಮಹೀಂದ್ರಾ ಮತ್ತು ಮಹೀಂದ್ರಾ ಷೇರುಗಳು ಸುಮಾರು 7 ರುಪಾಯಿಗಳ ಕುಸಿತದೊಂದಿಗೆ 500.05 ರುಪಾಯಿ ದಾಖಲಾಗಿದೆ.

English summary

On Friday India's share market good recovered. Sensex Jumps Over 500 Points, Nifty Ends Above 10,200