ರೂಪಾಯಿ ಕರೆನ್ಸಿಯಲ್ಲೇ ವಹಿವಾಟು ನಡೆಸಲು ಆರ್ಬಿಐ ಅನುಮತಿ
ಮುಂಬೈ, ಜುಲೈ 12: ಭಾರತ ನಡೆಸುವ ಅಂತಾರಾಷ್ಟ್ರೀಯ ವ್ಯವಹಾರದಲ್ಲಿ ರೂಪಾಯಿ ಕರೆನ್ಸಿ ಮೂಲಕವೇ ವಹಿವಾಟು ನಡೆಸಲು ಅನುವಾಗುವಂತೆ ಆರ್ಬಿಐ ವ್ಯವಸ್ಥೆ ಮಾಡಿದೆ. ಈ ಕ್ರಮದಿಂದ ಭಾರತದ ಜಾಗತಿಕ ವ್ಯವಹಾರಕ್ಕೆ ಪುಷ್ಠಿ ಸಿಗುವ ನಿರೀಕ್ಷೆ ಇದೆ.
"ಜಾಗತಿಕ ವ್ಯಾಪಾರ ಹೆಚ್ಚಿಸಲು, ಅದರಲ್ಲೂ ಭಾರತದ ರಫ್ತನ್ನು ಉತ್ತೇಜಿಸುವ ದೃಷ್ಟಿಯಿಂದ ಹಾಗೂ ರೂಪಾಯಿ ಕರೆನ್ಸಿ ಮೇಲೆ ಇರುವ ಜಾಗತಿಕ ವ್ಯಾಪಾರಿ ಸಮುದಾಯದ ಆಸಕ್ತಿಯ ದೃಷ್ಟಿಯಿಂದ ರಫ್ತು ಮತ್ತು ಆಮದು ವ್ಯವಹಾರದಲ್ಲಿ ರೂಪಾಯಿಯಲ್ಲೇ ವಹಿವಾಟು ನಡೆಸುವ ವ್ಯವಸ್ಥೆಯನ್ನು ಜಾರಿಗೊಳಿಸಲು ನಿರ್ಧರಿಸಲಾಗಿದೆ" ಎಂದು ಅಧಿಕೃತ ಡೀಲರ್ ಬ್ಯಾಂಕುಗಳಿಗೆ ಬರೆದ ಪತ್ರದಲ್ಲಿ ಆರ್ಬಿಐ ತಿಳಿಸಿದೆ.
ಆಥರೈಸ್ಡ್ ಡೀಲರ್ ಬ್ಯಾಂಕುಗಳು ಮುಂಬೈನಲ್ಲಿರುವ ಆರ್ಬಿಐ ಕಚೇರಿಯ ವಿದೇಶಿ ವಿನಿಮಯ ವಿಭಾಗದಿಂದ ಪೂರ್ವಾನುಮತಿ ಪಡೆದುಕೊಳ್ಳುವ ಅಗತ್ಯ ಇದೆ. ಅದಾದ ಬಳಿಕ ರೂಪಾಯಿ ಕರೆನ್ಸಿಯಲ್ಲಿ ವಹಿವಾಟು ನಡೆಸುವ ವ್ಯವಸ್ಥೆಯನ್ನು ಆರ್ಬಿಐ ಅಳವಡಿಸಲಿದೆ.
ನಿರ್ದಿಷ್ಟ ಉದ್ದೇಶಕ್ಕಾಗಿ ವಿದೇಶಿ ವಿನಿಮಯ ಖರೀದಿ ಮತ್ತು ಮಾರಾಟಕ್ಕೆ ಆರ್ಬಿಐ ಅನುಮತಿ ನೀಡಿರುವ ಬ್ಯಾಂಕುಗಳು ಕೆಟಗರಿ-1 ಆಥರೈಸ್ಡ್ ಡೀಲರ್ ಬ್ಯಾಂಕುಗಳೆನಿಸಿವೆ. ಆಂಧ್ರ ಬ್ಯಾಂಕ್, ಕಾರ್ಪೊರೇಶನ್ ಬ್ಯಾಂಕ್, ಹೆಚ್ಡಿಎಫ್ಸಿ, ಕರ್ನಾಟಕ ಬ್ಯಾಂಕ್ ಇತ್ಯಾದಿ ಸೇರಿ ನೂರಕ್ಕೂ ಹೆಚ್ಚು ಎಡಿ ಬ್ಯಾಂಕುಗಳಿವೆ.
ವಿನಿಮಯ ದರ ಹೇಗೆ ನಿಗದಿ?
ಎರಡು ದೇಶಗಳ ನಡುವೆ ನಡೆಯುವ ವ್ಯಾಪಾರದಲ್ಲಿ ಕರೆನ್ಸಿಗಳ ವಿನಿಮಯ ದರ ಮಾರುಕಟ್ಟೆ ಆಧಾರದಲ್ಲಿ ನಿರ್ಧಾರ ಆಗುತ್ತದೆ. ಆರ್ಬಿಐ ರೂಪಿಸಿರುವ ವಿಧಾನದ ಪ್ರಕಾರ ರೂಪಾಯಿ ಕರೆನ್ಸಿಯಲ್ಲಿ ವ್ಯವಹಾರದ ವಹಿವಾಟು ನಡೆಯಬೇಕಾಗುತ್ತದೆ.
ಈ ಬಗ್ಗೆ ಹಣಕಾಸು ವಿಶ್ಲೇಷಕ ಅನಂತ್ ನಾರಾಯಣ್ ಹೇಳುವುದು ಹೀಗೆ: "ಆರ್ಬಿಐ ಹೊರಡಿಸಿದ ಈ ಸುತ್ತೋಲೆಯನ್ನು ನೋಡಿದಾಗ ಮೊದಲು ಅನಿಸಿದ್ದು, ಇದು ರಷ್ಯಾದ ರೂಬಲ್-ರುಪಾಯಿ ವ್ಯವಹಾರವನ್ನು ರೂಪಾಯಿಯಲ್ಲೇ ನಡೆಸಲು ಅನುವಾಗುವ ರೀತಿಯಲ್ಲಿ ರೂಪಿಸಿರುವಂತೆ ತೋರುತ್ತದೆ. ಆದರೆ, ಅಗತ್ಯ ಬಿದ್ದರೆ ಭಾರತದ್ದೇ ಪರ್ಯಾಯ ಹಣಕಾಸು ವಹಿವಾಟು ವ್ಯವಸ್ಥೆಗೆ (SWIFT) ಆದ್ಯತೆ ಕೊಡಲು ನಡೆಸಿರುವ ಸಿದ್ಧತೆಯಂತೆ ತೋರುತ್ತದೆ" ಎಂದು ಹೇಳುತ್ತಾರೆ.
ವಿಶೇಷ ವೋಸ್ಟ್ರೋ ಖಾತೆ
ಭಾರತದಲ್ಲಿರುವ ಎಡಿ ಬ್ಯಾಂಕುಗಳು ವಿಶೇಷ ವೋಸ್ಟ್ರೋ (Special Vostro) ಖಾತೆಗಳನ್ನು ತೆರೆಯಲು ಅನುಮತಿಸಲಾಗಿದೆ. ಭಾರತದೊಂದಿಗೆ ವಹಿವಾಟು ನಡೆಸುವ ದೇಶದ ಬ್ಯಾಂಕಿನೊಂದಿಗೆ ಭಾರತದ ಒಂದು ಎಡಿ ಬ್ಯಾಂಕ್ ವೋಸ್ಟ್ರೋ ಖಾತೆಯನ್ನು ತೆರೆಯಬೇಕಾಗುತ್ತದೆ.
"ಭಾರತದ ವ್ಯಾಪಾರಿಗಳು ಆಮದು ಮಾಡಿಕೊಂಡಾಗ ರೂಪಾಯಿ ಲೆಕ್ಕದಲ್ಲಿ ಹಣವನ್ನು ಇನ್ನೊಂದು ದೇಶದ ಬ್ಯಾಂಕಿನ ಸ್ಪೆಷಲ್ ವೋಸ್ಟ್ರೋ ಖಾತೆಗೆ ಪಾವತಿಸಬೇಕಾಗುತ್ತದೆ," ಎಂದು ಆರ್ಬಿಐ ತಿಳಿಸಿದೆ.
ರಫ್ತು ಮಾಡಿದಾಗ
ಭಾರತದ ವ್ಯಾಪಾರಿಗಳು ತಮ್ಮ ಸರಕನ್ನು ಅಥವಾ ಸೇವೆಯನ್ನು ರಫ್ತು ಮಾಡಿದಾಗ ಇನ್ನೊಂದು ದೇಶದ ಬ್ಯಾಂಕಿನ ವಿಶೇಷ ವೋಸ್ಟ್ರೋ ಖಾತೆಯಿಂದ ಅವರಿಗೆ ರೂಪಾಯಿ ಲೆಕ್ಕದಲ್ಲಿ ಹಣ ಜಮೆಯಾಗುತ್ತದೆ ಎಂದು ಆರ್ಬಿಐ ಸುತ್ತೋಲೆಯಲ್ಲಿ ವಿವರಿಸಲಾಗಿದೆ.
ಡಾಲರ್ ಕರೆನ್ಸಿ ಬೈಪಾಸ್
ಸಾಮಾನ್ಯವಾಗಿ ಅಂತಾರಾಷ್ಟ್ರೀಯ ವ್ಯವಹಾರ ಅಮೆರಿಕದ ಡಾಲರ್ ಕರೆನ್ಸಿಯಲ್ಲೇ ನಡೆಯುತ್ತದೆ. ಆದರೆ, ಡಾಲರ್ ಎದುರು ರೂಪಾಯಿ ಮೌಲ್ಯ ತೀರಾ ಕುಸಿಯುತ್ತಿರುವುದು ಭಾರತದ ಆಮದು ಮತ್ತು ರಫ್ತು ವ್ಯವಹಾರಕ್ಕೆ ಹಿನ್ನಡೆಯಾಗಿದೆ. ರಷ್ಯಾ, ಶ್ರೀಲಂಕಾ ಮೊದಲಾದ ದೇಶಗಳ ಜೊತೆ ಭಾರತ ಡಾಲರ್ ಕರೆನ್ಸಿಯ ವಿನಿಯಮ ದರದಲ್ಲಿ ವಹಿವಾಟು ನಡೆಸುವುದಕ್ಕಿಂತ ನೇರವಾಗಿ ರೂಪಾಯಿ ಕರೆನ್ಸಿಯಲ್ಲಿ ವಹಿವಾಟು ನಡೆಸುವುದು ಭಾರತಕ್ಕೆ ಅನುಕೂಲ ಎಂದು ಭಾವಿಸಲಾಗಿದೆ.
ಭಾರತ ಮತ್ತು ಶ್ರೀಲಂಕಾ ನಡುವೆ ನಡೆಯುವ ವಾರ್ಷಿಕ ವ್ಯಾಪಾರ 3.6 ಬಿಲಿಯನ್ ಡಾಲರ್ನಷ್ಟಿದೆ. ಶ್ರೀಲಂಕಾದ ಅತಿದೊಡ್ಡ ಟ್ರೇಡಿಂಗ್ ಪಾರ್ಟ್ನರ್ ದೇಶಗಳ ಪಟ್ಟಿಯಲ್ಲಿ ಭಾರತದ್ದು ಎರಡನೇ ಸ್ಥಾನ. ಈಗ ಆರ್ಬಿಐ ತೆಗೆದುಕೊಂಡಿರುವ ಹೊಸ ಕ್ರಮವು ಈ ವ್ಯವಹಾರಕ್ಕೆ ಪುಷ್ಟಿ ನೀಡುವ ನಿರೀಕ್ಷೆ ಇದೆ.
(ಒನ್ಇಂಡಿಯಾ ಸುದ್ದಿ)
-
Bengaluru: ಬೆಳ್ಳಂಬೆಳಗ್ಗೆ ಬೆಂಗಳೂರಿನ ಸಮಸ್ಯೆಗಳು: ಬೇರೆ ಊರುಗಳಿಂದ ಬಂದ ಮೆಜೆಸ್ಟಿಕ್ನಲ್ಲಿ ಸಂಕಷ್ಟ, 7 ಪ್ರಮುಖ ಸಂಕಷ್ಟಗಳು -
Karnataka Weather: ಇಂದು ರಾಜ್ಯದ ಈ ಜಿಲ್ಲೆಗಳಲ್ಲಿ ಗುಡುಗು, ಬಿರುಗಾಳಿ ಸಹಿತ ಮಳೆಯಾಗುವ ಮುನ್ಸೂಚನೆ -
Jobs: ಕಂದಾಯ ಇಲಾಖೆಯಲ್ಲಿ 500 ಹೊಸ ಗ್ರಾಮ ಆಡಳಿತ ಅಧಿಕಾರಿ ಹುದ್ದೆಗಳಿಗೆ ಶೀಘ್ರದಲ್ಲೇ ನೇಮಕಾತಿ -
March 24 Horoscope: ಈ 3 ರಾಶಿಗಳಿಗೆ ಅದೃಷ್ಟದ ಬಾಗಿಲು ತೆರೆದುಕೊಳ್ಳಲಿದೆ -
ಕೂಲಿಗೆ ಹೋಗಿದ್ದ ವಿದ್ಯಾರ್ಥಿನಿಯನ್ನು ದ್ರಾಕ್ಷಿ ತೋಟದಿಂದಲೇ ಕರೆತಂದು SSLC ಪರೀಕ್ಷೆ ಬರೆಸಿದ ಗದಗ ಬಿಇಒ -
Bengaluru Land: ಕಾಡುಗೋಡಿಯಲ್ಲಿ 78 ಜಾಗ ಹಿಂತಿರುಗಿಸುವಂತೆ ಎಂಬೆಸ್ಸಿಗೆ ಕೆಐಎಸಿಬಿ ಆದೇಶ -
Train Ticket: ರೈಲು ಟಿಕೆಟ್ ರದ್ದತಿ, ಮರುಪಾವತಿ ರೂಲ್ಸ್ ಬದಲಾವಣೆ: ಏಪ್ರಿಲ್ನಿಂದ ಹೊಸ ನಿಯಮ -
Mutton: ಕುಕ್ಕರ್ 20 ಬಾರಿ ಕೂಗಿದರೂ ಬೇಯದ ತಲೆ ಮಟನ್: ಪೊಲೀಸ್ ಠಾಣೆಗೆ ಪಾತ್ರೆ ಹಿಡಿದು ಬಂದು ರಾದ್ಧಾಂತ -
Viral Post: 'ಬೆಂಗಳೂರು ಟ್ರಾಫಿಕ್' ಕಿರಿಕಿರಿ ತಪ್ಪಿಸಲು ಆಫೀಸ್ನಿಂದ ಮನೆಗೆ ನಡೆದುಕೊಂಡು ಹೋಗುತ್ತಿರುವ ಮಹಿಳೆ -
Gas: ಬೆಳಗಾವಿಯಲ್ಲಿ ಸಿಲಿಂಡರ್, ಇಂಧನ ಲಭ್ಯತೆಯ ಬಗ್ಗೆ: ಜಿಲ್ಲಾಧಿಕಾರಿ ಮೊಹಮ್ಮದ್ ರೋಷನ್ ಅಪ್ಡೇಟ್ಸ್ -
Liquor Ban: ಬೆಂಗಳೂರಲ್ಲಿ 48 ಗಂಟೆಗಳ ಕಾಲ ಮದ್ಯ ಮಾರಾಟ ನಿಷೇಧ, ಎಲ್ಲೆಲ್ಲಿ - ಯಾಕೆ ಇಲ್ಲಿದೆ ಮಾಹಿತಿ -
Bengaluru property: ಬೆಂಗಳೂರು ಆಸ್ತಿ ತೆರಿಗೆ ಬಾಕಿದಾರರಿಗೆ ಇದೀಗ ಬಿಗ್ ಶಾಕ್: ಪಾಲಿಕೆಗಳೇ ಆಸ್ತಿ ಖರೀದಿ
Click it and Unblock the Notifications
Sign in with Google