ಫೇಸ್ಬುಕ್ ಖಾತೆ ನಿಷ್ಕ್ರಿಯಗೊಳಿಸಿದ ಪ್ಲೇಬಾಯ್!
ಬೆಂಗಳೂರು, ಮಾರ್ಚ್ 29: ಫೇಸ್ಬುಕ್ ನಿಂದ ಮಾಹಿತಿ ಸೋರಿಕೆ ಕಾರಣ ನೀಡಿ ಅನೇಕ ಸಂಸ್ಥೆಗಳು ತಮ್ಮ ಅಧಿಕೃತ ಫೇಸ್ಬುಕ್ ಖಾತೆಗಳನ್ನು ನಿಷ್ಕ್ರಿಯಗೊಳಿಸುತ್ತಿವೆ. ಎಲಾನ್ ಮಾಸ್ಕ್ ಅವರು ಸ್ಪೇಸ್ ಎಕ್ಸ್ ಹಾಗೂ ಟೆಲ್ಸಾದ ಫೇಸ್ಬುಕ್ ಖಾತೆಗಳನ್ನು ಡಿಲೀಟ್ ಮಾಡಲು ನಿರ್ಧರಿಸಿದ ಬಳಿಕ ಈಗ ಪ್ಲೇಬಾಯ್ ಸರದಿ.
ಮತ್ತೊಮ್ಮೆ ಡಿಲೀಟ್ ಫೇಬ್ಲುಕ್ ಚಾಲ್ತಿಯಲ್ಲಿದೆ. ಪುರುಷರ ಲೈಫ್ ಸ್ಟೈಲ್ ಮ್ಯಾಗಜೀನ್ ಪ್ಲೇಬಾಯ್ ತನ್ನ ಖಾತೆಯನ್ನು ನಿಷ್ಕ್ರಿಯಗೊಳಿಸಲಿದೆ ಎಂದು ಸಂಸ್ಥೆಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಕೂಪರ್ ಹೆಫ್ನರ್ ಅವರು ಟ್ವೀಟ್ ಮಾಡಿದ್ದಾರೆ.
ಫೇಸ್ಬುಕ್ 50 ಮಿಲಿಯನ್ ಬಳಕೆದಾರರ ಡೇಟಾ ಸೋರಿಕೆ ಮಾಡಿದೆ ಎಂಬ ಕೇಂಬ್ರಿಡ್ಜ್ ಎನಾಲಿಟಿಕಾದ ವರದಿ ನೀಡಿದ್ದು, ಈ ಎಲ್ಲಾ ಬೆಳವಣಿಗೆಗೆ ಕಾರಣವಾಗಿದೆ. ವರದಿ ಬಂದ ಬಳಿಕ ಫೇಸ್ಬುಕ್ ತನ್ನ ಗೌಪ್ಯತೆ ಹಾಗೂ ಭದ್ರತೆಯನ್ನು ಹೆಚ್ಚಿಸಿಕೊಂಡಿದೆ. ಆದರೆ, ಇದೆಲ್ಲವನ್ನು ಒಪ್ಪಿಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದಿರುವ ಪ್ಲೇಬಾಯ್, ಈ ನಿರ್ಧಾರಕ್ಕೆ ಬಂದಿದೆ.
We are stepping away from Facebook pic.twitter.com/4yFIdk2eDE
— Cooper Hefner (@cooperhefner) March 28, 2018
ಪ್ಲೇಬಾಯ್ ಫಾಲೋವರ್ ಗಳಾಗಿದ್ದ 25 ಮಿಲಿಯನ್ ಜನರ ಗೌಪ್ಯತೆಗೆ ಧಕ್ಕೆ ತರಬಾರದು ಎಂಬ ಉದ್ದೇಶದಿಂದ ಈ ಕ್ರಮ ಅನಿವಾರ್ಯ ಎಂದು ಸಿಇಒ ಕೂಪರ್ ಅವರು ಹೇಳಿದ್ದಾರೆ.