ಏರ್ ಇಂಡಿಯಾದಿಂದ ನ್ಯೂಯಾರ್ಕ್, ಪ್ಯಾರಿಸ್, ಫ್ರಾಂಕ್‌ಫರ್ಟ್‌ಗೆ ಹೊಸ ವಿಮಾನ

ಮುಂಬೈ, ನವೆಂಬರ್ 28: ಟಾಟಾ ಗ್ರೂಪ್ ಒಡೆತನದ ಏರ್ ಇಂಡಿಯಾ ಬುಧವಾರ ಮುಂಬೈನಿಂದ ನ್ಯೂಯಾರ್ಕ್, ಪ್ಯಾರಿಸ್ ಮತ್ತು ಫ್ರಾಂಕ್‌ಫರ್ಟ್‌ಗೆ ಹೊಸ ವಿಮಾನಗಳನ್ನು ಮುಂದಿನ ವರ್ಷದ (2023) ಫೆಬ್ರವರಿಯಿಂದ ಪ್ರಾರಂಭಿಸುವುದಾಗಿ ಘೋಷಿಸಿದೆ.

ಇದಲ್ಲದೆ, ಏರ್‌ ಇಂಡಿಯಾ ಸಂಸ್ಥೆಯು ದೆಹಲಿಯಿಂದ ಕೋಪನ್ ಹ್ಯಾಗನ್, ಮಿಲನ್ ಮತ್ತು ವಿಯೆನ್ನಾದೊಂದಿಗೆ ಸಂಪರ್ಕಿಸುವ ತಡೆರಹಿತ ವಿಮಾನಗಳನ್ನು ಪುನರಾರಂಭಿಸುವುದಾಗಿ ಘೋಷಿಸಿದೆ. ಮುಂಬೈನಿಂದ ನ್ಯೂಯಾರ್ಕ್ (ಜೆಎಫ್‌ಕೆ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ) ದೈನಂದಿನ ಸೇವೆಯು ಮುಂದಿನ ವರ್ಷ ಫೆಬ್ರವರಿ 14 ರಿಂದ ಪ್ರಾರಂಭವಾಗಲಿದೆ ಎಂದು ಏರ್ ಇಂಡಿಯಾ ತಿಳಿಸಿದೆ.

ಹೊಸದಾಗಿ ಬಾಡಿಗೆಗೆ ಪಡೆದ ವಿಮಾನಗಳೊಂದಿಗೆ ತನ್ನ ವಿಮಾನಗಳನ್ನು ಹೆಚ್ಚಿಸುವಲ್ಲಿ ಬೆಳವಣಿಗೆಯನ್ನು ಏರ್‌ ಇಂಡಿಯಾ ಮುಂದುವರೆಸಿದೆ. ಈಗ ಇರುವ ವಿಮಾನಗಳನ್ನು ಹೆಚ್ಚಿನ ಪ್ರಯಾಣಿಕ ಸೇವೆಗೆ ಒದಗಿಸಲಾಗುತ್ತಿದೆ ಎಂದು ಏರ್ ಇಂಡಿಯಾ ಹೇಳಿದೆ. ಏರ್ ಇಂಡಿಯಾ ಕ್ಯಾಬಿನ್ ಸಿಬ್ಬಂದಿಯ ಕೊರತೆಯನ್ನು ಎದುರಿಸುತ್ತಿರುವ ಸಮಯದಲ್ಲೇ ಅಂತಾರಾಷ್ಟ್ರೀಯ ವಿಮಾನಗಳ ಹೆಚ್ಚುವರಿ ಸೇವೆಯನ್ನು ಘೋಷಿಸಿದೆ.

ಸಿಬ್ಬಂದಿಯ ಕೊರತೆಯ ನಡುವೆ ವಿಮಾನಯಾನವು ವಲಸಿಗ ಪೈಲಟ್‌ಗಳನ್ನು ನೇಮಿಸಿಕೊಳ್ಳಲು ಬಯಸುತ್ತಿದೆ. ಈ ವರ್ಷದ ಆರಂಭದಲ್ಲಿ ತನ್ನ ಖಾಯಂ ಉದ್ಯೋಗಿಗಳಿಗಾಗಿ ಕಂಪನಿಯ ಸ್ವಯಂ ನಿವೃತ್ತಿ ಯೋಜನೆ (ವಿಆರ್‌ಎಸ್) ಯೋಜನೆಯನ್ನು ಅನುಸರಿಸಿ ನಿವೃತ್ತಿ ಹೊಂದಲು ನಿರ್ಧರಿಸಲಾಗಿತ್ತು. ತನ್ನ ಕ್ಯಾಬಿನ್ ಸಿಬ್ಬಂದಿಗೆ ಅವರ ಸೇವಾ ಅವಧಿಯನ್ನು ಎರಡು ವಿಸ್ತರಿಸಲು ಸಹ ಅವಕಾಶ ನೀಡಿದೆ.

ನ್ಯೂಯಾರ್ಕ್, ಮಿಲನ್, ವಿಯೆನ್ನಾಗೆ ವಿಮಾನ

ನಮ್ಮ ಐದು ವರ್ಷಗಳ ರೂಪಾಂತರ ಯೋಜನೆಯಾದ ವಿಹಾನ್‌.ಎಐ ಭಾರತದ ಜಾಗತಿಕ ಮಾರ್ಗಗಳನ್ನು ಹೆಚ್ಚು ಬಲಪಡಿಸುವುದು, ಭಾರತದ ಪ್ರಮುಖ ನಗರಗಳನ್ನು ಇನ್ನಷ್ಟು ಅಂತಾರಾಷ್ಟ್ರೀಯ ದೇಶಗಳೊಂದಿಗೆ ಸಂಪರ್ಕಿಸುತ್ತದೆ. ಈ ಹೊಸ ತಡೆರಹಿತ ವಿಮಾನಗಳು ನ್ಯೂಯಾರ್ಕ್, ಮಿಲನ್, ವಿಯೆನ್ನಾ, ಕೋಪನ್ ಹ್ಯಾಗನ್ , ಪ್ಯಾರಿಸ್ ಮತ್ತು ಫ್ರಾಂಕ್‌ಫರ್ಟ್ ನಗರಗಳನ್ನು ಘೋಷಿಸಲಾಗಿದೆ ಎಂದು ಏರ್ ಇಂಡಿಯಾದ ಸಿಇಒ ಮತ್ತು ಎಂಡಿ ಕ್ಯಾಂಪ್‌ಬೆಲ್ ವಿಲ್ಸನ್ ಹೇಳಿದರು.

ನೆವಾರ್ಕ್ ಲಿಬರ್ಟಿ ವಿಮಾನ ನಿಲ್ದಾಣಕ್ಕೆ ಸೇವೆ

ಮುಂಬೈನಿಂದ ನ್ಯೂಯಾರ್ಕ್‌ಗೆ ವಿಮಾನ ಸೇವೆ ಹಾಗೂ ದೆಹಲಿಯಿಂದ ನ್ಯೂಯಾರ್ಕ್‌ಗೆ ದೈನಂದಿನ ಸೇವೆ ಮತ್ತು ನೆವಾರ್ಕ್ ಲಿಬರ್ಟಿ ವಿಮಾನ ನಿಲ್ದಾಣಕ್ಕೆ ವಾರಕ್ಕೆ ನಾಲ್ಕು ಬಾರಿ ವಿಮಾನಗಳನ್ನು ಹಾರಿಸುತ್ತದೆ. ಇದು ಏರ್ ಇಂಡಿಯಾದ ಭಾರತ ಅಮೆರಿಕಾ ಪ್ರಯಾಣವನ್ನು ವಾರಕ್ಕೆ 47 ತಡೆರಹಿತ ವಿಮಾನಗಳಿಗೆ ಹೆಚ್ಚಿಸಿದೆ ಎಂದು ಅದು ಹೇಳಿದೆ.

ದೆಹಲಿಯಿಂದ ಕೋಪನ್‌ಹೇಗನ್‌ಗೆ ಸೇವೆ

ಇದಲ್ಲದೆ ಏರ್ ಇಂಡಿಯಾ ಫೆಬ್ರವರಿ 1 ರಿಂದ ವಾರಕ್ಕೆ ನಾಲ್ಕು ಬಾರಿ ದೆಹಲಿಯಿಂದ ಮಿಲನ್ ಮಾರ್ಗದಲ್ಲಿ ವಿಮಾನ ಸೇವೆ ನೀಡಲಿದೆ. ದೆಹಲಿಯಿಂದ ವಿಯೆನ್ನಾ ಮತ್ತು ದೆಹಲಿಯಿಂದ ಕೋಪನ್‌ಹೇಗನ್‌ನಲ್ಲಿ ಕ್ರಮವಾಗಿ ಫೆಬ್ರವರಿ 18 ಮತ್ತು ಮಾರ್ಚ್ 1, 2023 ರಿಂದ ವಾರಕ್ಕೆ ಮೂರು ವಿಮಾನಗಳನ್ನು ಏರ್‌ಲೈನ್ ಇಂಡಿಯಾ ಪ್ರಾರಂಭಿಸಲಿದೆ.

ಫ್ರಾಂಕ್‌ಫರ್ಟ್‌ಗೆ ಅಂತಾರಾಷ್ಟ್ರೀಯ ವಿಮಾನ

ಮುಂಬೈನಿಂದ ಮುಂದಿನ ತ್ರೈಮಾಸಿಕದಲ್ಲಿ ಪ್ಯಾರಿಸ್ (ವಾರಕ್ಕೆ ಮೂರು ಬಾರಿ) ಮತ್ತು ಫ್ರಾಂಕ್‌ಫರ್ಟ್‌ಗೆ (ವಾರಕ್ಕೆ ನಾಲ್ಕು ಬಾರಿ) ಹೊಸ ವಿಮಾನಗಳನ್ನು ಹಾರಿಸಲು ಯೋಜಿಸಲಾಗಿದೆ ಎಂದು ಅದು ಹೇಳಿದೆ. ಈ ಎಲ್ಲಾ ವಿಮಾನಗಳು 18 ಬಿಸಿನೆಸ್ ಕ್ಲಾಸ್ ಮತ್ತು 238 ಎಕಾನಮಿ ಕ್ಲಾಸ್ ಆಸನಗಳನ್ನು ಒಳಗೊಂಡಿರುವ ಏರ್ ಇಂಡಿಯಾದ ಬಿ787-8 ಡ್ರೀಮ್‌ಲೈನರ್ ವಿಮಾನದಿಂದ ಮಾರ್ಗಗಳನ್ನು ಸಂಪರ್ಕಿಸುತ್ತದೆ. ಈ ವಿಮಾನಗಳ ಆರಂಭದೊಂದಿಗೆ ಏರ್ ಇಂಡಿಯಾ ಯುರೋಪ್‌ನ ಏಳು ನಗರಗಳಿಗೆ 79 ಸಾಪ್ತಾಹಿಕ ತಡೆರಹಿತ ವಿಮಾನಗಳೊಂದಿಗೆ ಹಾಗೂ ಯುಕೆಗೆ 48 ಮತ್ತು ಕಾಂಟಿನೆಂಟಲ್ ಯುರೋಪ್‌ಗೆ 31 ವಿಮಾನಗಳ ಸೇವೆ ಸಲ್ಲಿಸುವುದಾಗಿ ಹೇಳಿದೆ.

English summary

Tata Group-owned Air India on Wednesday announced new flights from Mumbai to New York, Paris and Frankfurt from February next year (2023).