ಜಗತ್ತಿನಲ್ಲಿ ವೇಗವಾಗಿ ಬೆಳೆಯುತ್ತಿರುವ ಆರ್ಥಿಕತೆ ಭಾರತದ್ದು: ಐಎಂಎಫ್
ನವದೆಹಲಿ, ಡಿಸೆಂಬರ್ 19: ಜಗತ್ತಿನ ಆರ್ಥಿಕತೆಗೆ ಭಾರತದ ಕೊಡುಗೆಯ ಪಾಲಿನಲ್ಲಿ ಏರಿಕೆ ಆಗಿದೆ. 2014ರಲ್ಲಿ 2.6% ಇದ್ದದ್ದು 2017ರಲ್ಲಿ 3.2%ಗೆ ಹೆಚ್ಚಳ ಆಗಿದೆ ಎಂದು ವಿಶ್ವ ಅಭಿವೃದ್ಧಿ ಸೂಚ್ಯಂಕ ದತ್ತಾಂಶವು ಮಾಹಿತಿ ಬಹಿರಂಗ ಮಾಡಿದೆ. ಹಣಕಾಸು ಖಾತೆ ರಾಜ್ಯ ಸಚಿವ ಪೊಣ್ ರಾಧಾಕೃಷ್ಣನ್ ರಾಜ್ಯಸಭೆಯಲ್ಲಿ ಪ್ರಶ್ನೆಯೊಂದಕ್ಕೆ ನೀಡಿದ ಉತ್ತರದಲ್ಲಿ ಈ ಮಾಹಿತಿ ಇದೆ.
1960ರಿಂದ 2013ರ ಮಧ್ಯೆ ಜಾಗತಿಕ ಆರ್ಥಿಕತೆ ಭಾರತದ ಅರ್ಥ ವ್ಯವಸ್ಥೆಯ ಸರಾಸರಿ ಕೊಡುಗೆ 1.8%. 2014-15ರಿಂದ 2017-18ರ ಮಧ್ಯೆ ದೇಶದ ಆರ್ಥಿಕತೆಯ ಸರಾಸರಿ 7.3 ಪರ್ಸೆಂಟ್. ಜಗತ್ತಿನಲ್ಲೇ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಪ್ರಮುಖ ಆರ್ಥಿಕತೆ ಭಾರತದ್ದು.
2018-19, 2019-20ರಲ್ಲಿ ಭಾರತದ ಆರ್ಥಿಕತೆಯನ್ನು ಬಹಳ ವೇಗವಾಗಿ ಬೆಳೆಯುತ್ತಿರುವ ಆರ್ಥಿಕತೆ ಎಂದು ಬಿಂಬಿಸಲಾಗಿದೆ. ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆಯು ಅಕ್ಟೋಬರ್ 2018ರಲ್ಲಿ ಬಿಡುಗಡೆ ಮಾಡಿದ ದತ್ತಾಂಶದಲ್ಲಿ ಈ ಅಂಶ ಬಯಲಾಗಿದೆ. 2018-19ರ ಮೊದಲಾರ್ಧದಲ್ಲಿ ಜಿಡಿಪಿ ಬೆಳವಣಿಗೆ ದರ 7.6% ಇದೆ.
ಕೇಂದ್ರ ಸಾಂಖ್ಯಿಕ ಕಚೇರಿ ಮಾಹಿತಿ ಪ್ರಕಾರ, ದೇಶದ ತಲಾದಾಯ ಕೂಡ ಹೆಚ್ಚಳವಾಗಿದೆ. 2014-15ರಲ್ಲಿ 86,647 ರುಪಾಯಿ ಇದ್ದದ್ದು, 2017-18ರಲ್ಲಿ 1,12,835 ರುಪಾಯಿಗೆ ಏರಿಕೆ ಆಗುವ ಮೂಲಕ 30.2 ಪರ್ಸೆಂಟ್ ಹೆಚ್ಚಳ ಕಂಡಿದೆ.
ಭಾರತ -ಟರ್ಕಿ ವ್ಯಾಪಾರ ಒಕ್ಕೂಟವನ್ನು ಉದ್ದೇಶಿಸಿ ಮಂಗಳವಾರ ಮಾತನಾಡಿದ ಕೇಂದ್ರ ಸಚಿವ ಸುರೇಶ್ ಪ್ರಭು, ಮುಂದಿನ ಏಳೆಂಟು ವರ್ಷಗಳಲ್ಲಿ ಭಾರತದ ಆರ್ಥಿಕತೆ ಐದು ಟ್ರಿಲಿಯನ್ ಡಾಲರ್ ಆಗುತ್ತದೆ ಎಂದಿದ್ದಾರೆ.
Click it and Unblock the Notifications
Sign in with Google