ಸತತ 10ನೇ ದಿನ ಚಿನ್ನದ ಬೆಲೆ ಏರಿಕೆ: ಬೆಳ್ಳಿ ಬೆಲೆ ಕೊಂಚ ಕುಸಿತ

Updated: Thursday, July 30, 2020, 11:06 [IST]

ನವದೆಹಲಿ, ಜುಲೈ 30: ಭಾರತೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಏರುತ್ತಲೇ ಸಾಗಿದ್ದು, ಸತತ 10 ದಿನ ಹಳದಿ ಲೋಹದ ಬೆಲೆ ಜಿಗಿದಿದೆ.

ಎಂಸಿಎಕ್ಸ್‌ನಲ್ಲಿ, ಆಗಸ್ಟ್‌ ಚಿನ್ನದ ಭವಿಷ್ಯವು ಪ್ರತಿ ಗ್ರಾಂಗೆ ಶೇ. 0.21 ರಷ್ಟು ಏರಿಕೆಗೊಂಡು 53,300 ರೂಪಾಯಿಗೆ ತಲುಪಿದೆ. 10 ದಿನಗಳಲ್ಲಿ ಅಮೂಲ್ಯವಾದ ಲೋಹವು 10 ಗ್ರಾಂಗೆ, 5,500 ರೂಪಾಯಿ ಅಥವಾ ಸುಮಾರು ಶೇ. 11ರಷ್ಟು ಹೆಚ್ಚಾಗಿದೆ.

ಎಂಸಿಎಕ್ಸ್‌ನಲ್ಲಿನ ಬೆಳ್ಳಿ ಭವಿಷ್ಯವು ಪ್ರತಿ ಕೆಜಿಗೆ ಶೇ. 0.22ರಷ್ಟು ಏರಿಕೆಗೊಂಡು ಕೆಜಿಗೆ 65,212 ರೂಪಾಯಿಗೆ ತಲುಪಿದೆ.

ಹಿಂದಿನ ಅಧಿವೇಶನದಲ್ಲಿ, ಚಿನ್ನವು 10 ಗ್ರಾಂಗೆ ಆರಂಭಿಕ ವಹಿವಾಟಿನಲ್ಲಿ ಇಳಿಕೆ ಕಂಡು ನಂತರ ಶೇ.1.4ರಷ್ಟು ಅಥವಾ 730 ರೂಪಾಯಿ ಏರಿಕೆಯಾಗಿತು. ಅಲ್ಲದೆ ಹೊಸ ಗರಿಷ್ಠ 53,399 ರೂಪಾಯಿ ಅನ್ನು ಮುಟ್ಟಿದೆ. ಬೆಳ್ಳಿ ಶೇ. 0.5ರಷ್ಟು ಹೆಚ್ಚಾಗಿದೆ.

ಜಾಗತಿಕ ಮಾರುಕಟ್ಟೆಗಳಲ್ಲಿ, ಒಂಬತ್ತು ದಿನಗಳ ಸತತ ಏರಿಕೆ ನಂತರ ಚಿನ್ನದ ಬೆಲೆ ಹೊಸ ಉತ್ತುಂಗಕ್ಕೇರಿತು. ಸ್ಪಾಟ್ ಚಿನ್ನ ಶೇ. 0.3ರಷ್ಟು ಇಳಿಕೆಯಾಗಿ ಔನ್ಸ್‌ಗೆ 1,965.90 ಡಾಲರ್‌ಗೆ ತಲುಪಿದೆ. ಮಂಗಳವಾರ, ಬೆಲೆಗಳು ಸಾರ್ವಕಾಲಿಕ ಗರಿಷ್ಠ 1,981 ಡಾಲರ್‌ಗೆ ತಲುಪಿದೆ. ಈ ವಾರ 2,000 ಡಾಲರ್‌ಗೆ ಏರಿದ ನಂತರ ಚಿನ್ನದ ಭವಿಷ್ಯವು ಶೇ. 0.2ರಷ್ಟು ಹೆಚ್ಚಳದಿಂದ 1,981.60 ಡಾಲರ್‌ಗೆ ವಹಿವಾಟು ನಡೆಸಿತು.

ಇತರ ಅಮೂಲ್ಯ ಲೋಹಗಳ ಪೈಕಿ, ಬೆಳ್ಳಿ ಶೇ. 0.2 ನಷ್ಟು ಕಡಿಮೆಯಾಗಿ ಔನ್ಸ್‌ಗೆ 24.2614 ಡಾಲರ್‌ಗೆ ತಲುಪಿದೆ. ಈ ವರ್ಷ ಇಲ್ಲಿಯವರೆಗೆ ಚಿನ್ನವು ಜಾಗತಿಕ ಮಾರುಕಟ್ಟೆಗಳಲ್ಲಿ ಸುಮಾರು ಶೇ. 30ರಷ್ಟು ಹೆಚ್ಚಾಗಿದೆ, ಇದು ಲೋಹಕ್ಕೆ ಸುರಕ್ಷಿತವಾದ ಬೇಡಿಕೆಯ ನಡುವೆ, ದುರ್ಬಲ ಡಾಲರ್, ಕಡಿಮೆ ಬಡ್ಡಿದರಗಳು ಮತ್ತು ಕೊರೊನಾವೈರಸ್ ಪ್ರಕರಣಗಳ ಉಲ್ಬಣದಿಂದ ಪ್ರೇರಿತವಾಗಿದೆ.