Gold Price: ಆಭರಣ ಪ್ರಿಯರಿಗೆ ಸಿಹಿಸುದ್ದಿ; ಸತತ 2ನೇ ದಿನವೂ ಇಳಿಕೆಯತ್ತ ಚಿನ್ನದ ದರ, ಎಷ್ಟಿದೆ ಇಂದಿನ ಬೆಲೆ?

ಭಾರತೀಯ ಸಂಸ್ಕೃತಿಯಲ್ಲಿ ಚಿನ್ನವನ್ನು ಕೇವಲ ಲೋಹವೆಂದು ತಿಳಿದಿಲ್ಲ, ಬದಲಾಗಿ ಅದೊಂದು ಆಸ್ತಿ. ಭಾರತೀಯ ಮಹಿಳೆಯರಿಗೆ ಮತ್ತು ಚಿನ್ನಕ್ಕೆ ಅವಿನಾಭಾವ ಸಂಬಂಧವಿದೆ. ಜಗತ್ತು ಎಷ್ಟೇ ಆಧುನಿಕತೆಯತ್ತ ವಾಲಿದರೂ, ಚಿನ್ನದ ಮೇಲಿನ ವ್ಯಾಮೋಹ ಮಾತ್ರ ಭಾರತೀಯ ಮಹಿಳೆಯರಲ್ಲಿ ಕಿಂಚಿತ್ತೂ ಕಡಿಮೆಯಾಗಿಲ್ಲ. ಕೇವಲ ಆಕರ್ಷಕ ಆಭರಣವಾಗಿ ಮಾತ್ರವಲ್ಲದೆ, ಕುಟುಂಬದ ಭವಿಷ್ಯದ ಆರ್ಥಿಕ ಭದ್ರತೆಯ ದೃಷ್ಟಿಯಿಂದಲೂ ಮಹಿಳೆಯರು ಚಿನ್ನದ ಮೇಲೆ ಹೂಡಿಕೆ ಮಾಡಲು ಸದಾ ಮುಂದಿರುತ್ತಾರೆ.

ಹಬ್ಬ-ಹರಿದಿನಗಳು, ವಿವಾಹ ಮಹೋತ್ಸವಗಳು, ನಾಮಕರಣ ಅಥವಾ ಇನ್ಯಾವುದೇ ಶುಭ ಸಮಾರಂಭಗಳು ಇರಲಿ, ಅವರ ಮೊದಲ ಆಯ್ಕೆ ಬಂಗಾರವೇ ಆಗಿರುತ್ತದೆ. ಸಣ್ಣದೊಂದು ಆರ್ಥಿಕ ಉಳಿತಾಯದ ಯೋಚನೆ ಬಂದರೂ ಅವರು ಚಿನ್ನದ ಖರೀದಿಗೆ ಆದ್ಯತೆ ನೀಡುತ್ತಾರೆ. ಈ ಕಾರಣಕ್ಕಾಗಿಯೇ ಪ್ರತಿದಿನ ಮಾರುಕಟ್ಟೆಯಲ್ಲಿ ಚಿನ್ನದ ದರ ಎಷ್ಟಿದೆ ಎಂದು ತಿಳಿಯುವ ಕುತೂಹಲ ಎಲ್ಲರಲ್ಲೂ ಇರುತ್ತದೆ. ವಿಶೇಷವಾಗಿ, ಬೆಂಗಳೂರಿನಲ್ಲಿ ಚಿನ್ನ, ಬೆಳ್ಳಿ ಬೆಲೆ ಎಷ್ಟಿದೆ ಎಂಬುದನ್ನು ಗ್ರಾಹಕರು ಹಾಗೂ ಆಭರಣ ಪ್ರಿಯರು ನಿತ್ಯವೂ ಅತ್ಯಂತ ಕಾತರದಿಂದ ಗಮನಿಸುತ್ತಾರೆ.

ಜಾಗತಿಕ ಮಾರುಕಟ್ಟೆಯ ಟ್ರೆಂಡ್ ಮತ್ತು ಮುಂಬರುವ ಅಮೆರಿಕದ ಫೆಡರಲ್ ರಿಸರ್ವ್ ಪಾಲಿಸಿ ಸಭೆಯ ನಿರೀಕ್ಷೆಯಲ್ಲಿರುವ ಹೂಡಿಕೆದಾರರ ನಡೆಯಿಂದಾಗಿ, ಇಂದು (ಜೂನ್ 17, 2026) ದೇಶೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆಯಲ್ಲಿ ಕೊಂಚ ಇಳಿಕೆ ಕಂಡುಬಂದಿದೆ. ಆಭರಣ ಖರೀದಿಗೆ ಕಾಯುತ್ತಿದ್ದವರಿಗೆ ಇದು ಸಣ್ಣ ನಿರಾಳತೆ ತಂದಿದೆ.

ನಿನ್ನೆಗೆ (ಜೂನ್ 16) ಹೋಲಿಸಿದರೆ ಇಂದು ಚಿನ್ನದ ದರ ತಗ್ಗಿದೆ. ನಿನ್ನೆ ಮಾರುಕಟ್ಟೆಯಲ್ಲಿ 22 ಕ್ಯಾರೆಟ್ ಚಿನ್ನದ ಬೆಲೆ 1 ಗ್ರಾಂಗೆ 13,875 ರೂ. ಇತ್ತು, ಇಂದು ಅದು 13,850 ರೂ.ಗೆ ಇಳಿಕೆಯಾಗಿದೆ ಅಂದರೆ 1 ಗ್ರಾಂ ಮೇಲೆ 25 ರೂ. ಕಮ್ಮಿಯಾಗಿದೆ. ಅಂತೆಯೇ 24 ಕ್ಯಾರೆಟ್ ಶುದ್ಧ ಚಿನ್ನದ ಬೆಲೆ ನಿನ್ನೆ 15,137 ರೂ. ಇತ್ತು, ಇಂದು 15,110 ರೂ.ಗೆ ಕುಸಿದಿದೆ.

ಇನ್ನು ಬೆಳ್ಳಿ ಬೆಲೆಯಲ್ಲಿ ಯಾವುದೇ ಬದಲಾವಣೆ ಕಂಡುಬಂದಿಲ್ಲ. ನಿನ್ನೆಯಂತೆ ಇಂದೂ ಕೂಡ 1 ಗ್ರಾಂ ಬೆಳ್ಳಿಯ ಬೆಲೆ 265 ರೂ. ಮತ್ತು 1 ಕೆಜಿ ಬೆಳ್ಳಿಗೆ 2,65,000 ರೂ. ದರ ನಿಗದಿಯಾಗಿದೆ.

ಅಂತಾರಾಷ್ಟ್ರೀಯ ಮಟ್ಟದಲ್ಲಿ ನಡೆಯುತ್ತಿರುವ ಭೌಗೋಳಿಕ-ರಾಜಕೀಯ ಬೆಳವಣಿಗೆಗಳು, ಅಮೆರಿಕ ಮತ್ತು ಇರಾನ್ ನಡುವಿನ ಶಾಂತಿ ಒಪ್ಪಂದದ ನಿರೀಕ್ಷೆಗಳು ಹಾಗೂ ಜಾಗತಿಕ ಆರ್ಥಿಕ ನೀತಿಗಳ ಬದಲಾವಣೆಗಳು ಎಂಸಿಎಕ್ಸ್ ಮಾರುಕಟ್ಟೆಯ ಮೇಲೆ ನೇರ ಪರಿಣಾಮ ಬೀರುತ್ತಿವೆ.

ದೇಶದ ಪ್ರಮುಖ ನಗರಗಳಲ್ಲಿ ಇಂದಿನ 22 ಕ್ಯಾರೆಟ್ 1 ಗ್ರಾಂ ಚಿನ್ನದ ನಿಖರ ಬೆಲೆ ಪಟ್ಟಿ ಹೀಗಿದೆ:

ಬೆಂಗಳೂರು - 13,850 ರೂಪಾಯಿ

ದೆಹಲಿ - 13,865 ರೂಪಾಯಿ

ಚೆನ್ನೈ - 14,030 ರೂಪಾಯಿ

ಮುಂಬೈ - 13,850 ರೂಪಾಯಿ

ಹೈದರಾಬಾದ್ - 13,850 ರೂಪಾಯಿ

ಅಹಮದಾಬಾದ್ - 13,855 ರೂಪಾಯಿ

ಪುಣೆ - 13,850 ರೂಪಾಯಿ

ಕೋಲ್ಕತ್ತಾ - 13,850 ರೂಪಾಯಿ

ಒಟ್ಟಾರೆಯಾಗಿ ಹೇಳುವುದಾದರೆ, ಜೂನ್ 17ರ ಈ ದಿನ 22 ಕ್ಯಾರೆಟ್ ಮತ್ತು 24 ಕ್ಯಾರೆಟ್ ಚಿನ್ನದ ದರವು ಗ್ರಾಂಗೆ ಅನುಕ್ರಮವಾಗಿ 25 ರೂ. ಹಾಗೂ 27 ರೂ.ಗಳಷ್ಟು ಅಗ್ಗವಾಗಿದೆ. ಆದರೆ, ಬೆಳ್ಳಿ ದರವು ಯಾವುದೇ ಬದಲಾವಣೆ ಇಲ್ಲದೆ ಸ್ಥಿರತೆಯನ್ನು ಕಾಯ್ದುಕೊಂಡಿದ್ದು, ಖರೀದಿದಾರರಿಗೆ ತಮ್ಮ ಬಜೆಟ್ ಅನ್ನು ಯೋಜಿಸಲು ಇದು ಉತ್ತಮ ಅವಕಾಶವನ್ನು ಒದಗಿಸಿದೆ.

ಗಮನಿಸಿ: ಮೇಲೆ ನೀಡಲಾಗಿರುವ ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳು ಮೂಲ ದರಗಳಾಗಿವೆ. ನೀವು ಆಭರಣ ಮಳಿಗೆಗೆ ತೆರಳಿ ಖರೀದಿಸುವಾಗ ಸ್ಥಳೀಯ ತೆರಿಗೆಗಳು, ಮೇಕಿಂಗ್ ಚಾರ್ಜಸ್ ಮತ್ತು ಶೇಕಡಾ 3ರಷ್ಟು ಜಿಎಸ್‌ಟಿ ಆಧಾರದ ಮೇಲೆ ಅಂತಿಮ ಬಿಲ್ ಮೊತ್ತದಲ್ಲಿ ಕೊಂಚ ಏರಿಕೆಯಾಗಬಹುದು.

English summary

Check the latest gold and silver rates in Bengaluru and across India for June 17, 2026. 22K, 24K gold prices drop today. City-wise rates updated here.