ಮುಂದುವರಿದ ವಜಾ: ಶೇ 9ರಷ್ಟು ಉದ್ಯೋಗಿಗಳನ್ನು ತೆಗೆದುಹಾಕಿದ GoDaddy- ಸಿಇಒ ಇಮೇಲ್ನಲ್ಲಿ ಏನಿದೆ?
ಜಾಗತಿಕ ವೆಬ್ ಹೋಸ್ಟಿಂಗ್ ಪ್ಲಾಟ್ಫಾರ್ಮ್ GoDaddy ಸಿಇಒ ಅಮನ್ ಭೂತಾನಿ, ಹೆಚ್ಚು ಕಷ್ಟಕರವಾದ ಆರ್ಥಿಕ ಪರಿಸ್ಥಿತಿಗಳಿಂದಾಗಿ ಕಂಪನಿಯು ತನ್ನ ಉದ್ಯೋಗಿಗಳ ಶೇ 8 ರಷ್ಟು ವಜಾಗೊಳಿಸುವುದಾಗಿ ಘೋಷಿಸಿದ್ದಾರೆ
ಜಾಗತಿಕ ವೆಬ್ ಹೋಸ್ಟಿಂಗ್ ಪ್ಲಾಟ್ಫಾರ್ಮ್ GoDaddy ಸಿಇಒ ಅಮನ್ ಭೂತಾನಿ, ಹೆಚ್ಚು ಕಷ್ಟಕರವಾದ ಆರ್ಥಿಕ ಪರಿಸ್ಥಿತಿಗಳಿಂದಾಗಿ ಕಂಪನಿಯು ತನ್ನ ಉದ್ಯೋಗಿಗಳ ಶೇ 8 ರಷ್ಟು ವಜಾಗೊಳಿಸುವುದಾಗಿ ಘೋಷಿಸಿದ್ದಾರೆ. ಸಿಬ್ಬಂದಿ ಸದಸ್ಯರಿಗೆ ಇಮೇಲ್ ಕಳಿಸಿರುವ ಭೂತಾನಿ, ಪ್ರತಿ ವಿಭಾಗ ಮತ್ತು ಸಂಸ್ಥೆಯ ಹಲವಾರು ಹಂತಗಳ ನೌಕರರನ್ನು ವಜಾಗೊಳಿಸಿರುವುದಾಗಿ ತಿಳಿಸಿದ್ದಾರೆ. ಈ ಸಂಸ್ಥೆಯ ಹೆಚ್ಚಿನ ವಜಾಗಳು ಯುಎಸ್ನಲ್ಲಿವೆ.
'ನಮ್ಮ ಮೂರು ಬ್ರ್ಯಾಂಡ್ಗಳಾದ ಮೀಡಿಯಾ ಟೆಂಪಲ್, ಮೇನ್ ಸ್ಟ್ರೀಟ್ ಹಬ್ ಮತ್ತು 123 ರೆಗ್ ಅನ್ನು GoDaddy ಯೊಂದಿಗೆ ಹೆಚ್ಚು ಆಳವಾಗಿ ಸಂಯೋಜಿಸಲು ಕೆಲಸ ನಡೆಯುತ್ತಿದೆ. ಈ ಕಾರಣ ವಜಾಗೊಳಿಸುವುದು ಅನಿವಾರ್ಯವಾಗಿದೆ' ಎಂದು ಅವರು ಬರೆದಿದ್ದಾರೆ. ವಜಾಗೊಂಡಿರುವ ತಂಡದ ಸದಸ್ಯರ ಜೊತೆ ಚರ್ಚಿಸಲು ಅವರನ್ನು ಸಭೆಗೆ ಆಹ್ವಾನಿಸಿದೆ.
'ಗ್ರಾಹಕರು ಮತ್ತು ತಂಡದ ಸದಸ್ಯರು ಈಗಾಗಲೇ ಬ್ರಾಂಡ್ ಅನ್ನು ಉತ್ತಮ ರೀತಿಯಲ್ಲಿ ನಡೆಸಿಕೊಂಡಿದ್ದಾರೆ. ಉನ್ನತ ಸ್ಥಿತಿಗೆ ಕರೆದೊಯ್ದಿದ್ದಾರೆ. GoDaddy ಈ ಪರಿವರ್ತನೆಯ ಬಗ್ಗೆ ತಿಳಿದಿದ್ದಾರೆ. ತಂಡದ ಸದಸ್ಯರೊಂದಿಗೆ ಕೆಲವೊಂದಿಷ್ಟು ಮಾಹಿತಿಗಳನ್ನು ಹಂಚಿಕೊಳ್ಳಬೇಕಿದೆ. ಹೀಗಾಗಿ, ಸಭೆಗೆ ಆಹ್ವಾನಿಸಲಾಗಿದೆ' ಎಂದು ಭೂತಾನಿ ಮಾಹಿತಿ ನೀಡಿದ್ದಾರೆ. 123 ರೆಗ್ನಲ್ಲಿನ ಕೆಲವು ಉದ್ಯೋಗಗಳು ದೀರ್ಘಾವಧಿಯ ಅಗತ್ಯವಿರುವುದಿಲ್ಲ ಎಂದು ತಿಳಿಸಲಾಗಿದೆ.
ಪ್ರಾದೇಶಿಕ ನಿಯಮಗಳು ಮತ್ತು ಸಂಪ್ರದಾಯಗಳಿಗೆ ಅನುಸಾರವಾಗಿ, ಕಂಪನಿಯು ಪ್ರಭಾವಿತ ಉದ್ಯೋಗಿಗಳಿಗೆ ಪರಿವರ್ತನೆಯ ಪ್ಯಾಕೇಜ್ ಅನ್ನು ಒದಗಿಸುತ್ತಿದೆ. ಇದು US ನಲ್ಲಿ ನಡೆಯುತ್ತಿರುವ ಕೋರ್ ಬೆನಿಫಿಟ್ ಕವರೇಜ್ನೊಂದಿಗೆ 12 ವಾರಗಳ ಪಾವತಿಸಿದ ಆಡಳಿತಾತ್ಮಕ ರಜೆಯನ್ನು ಒಳಗೊಂಡಿರುತ್ತದೆ.
GoDaddy ಯ ಸಿಇಒ ಪ್ರಕಾರ, ತಂಡದ ಸದಸ್ಯರು ವಿಸ್ತೃತ ಆರೋಗ್ಯ ಪ್ರಯೋಜನಗಳಿಗೆ ಅರ್ಹರಾಗುತ್ತಾರೆ. ಔಟ್ಪ್ಲೇಸ್ಮೆಂಟ್ ಮತ್ತು ಇಮಿಗ್ರೇಷನ್ ಕೌನ್ಸೆಲಿಂಗ್ ಸೌಕರ್ಯವನ್ನು ವಜಾಗೊಂಡ ನೌಕರರಿಗೆ ನೀಡಲಾಗುತ್ತದೆ.
ವರದಿ ಪ್ರಕಾರ, 336 ಕ್ಕೂ ಹೆಚ್ಚು ಪ್ರಮುಖ ಕಂಪನಿಗಳು ಹೊಸ ವರ್ಷದ ಎರಡು ತಿಂಗಳೊಳಗೆ 1 ಲಕ್ಷಕ್ಕೂ ಹೆಚ್ಚು ಟೆಕ್ ಉದ್ಯೋಗಿಗಳನ್ನು ವಜಾಗೊಳಿಸಿವೆ.
2023 ರಲ್ಲಿ ಉದ್ಯೋಗಿಗಳನ್ನು ವಜಾಗೊಳಿಸಿದ ಟೆಕ್ ಕಂಪನಿಗಳ ಪಟ್ಟಿ ಇಲ್ಲಿದೆ
1. ಮೈಕ್ರೋಸಾಫ್ಟ್ ಲೇಆಫ್ಗಳು - 10,000 ಉದ್ಯೋಗಿಗಳು (5% ಉದ್ಯೋಗಿಗಳು)
2. ಅಮೆಜಾನ್ ಲೇಆಫ್ಗಳು - 8,000 (ಕಾರ್ಯಪಡೆಯ 3%)
3. ಸೇಲ್ಸ್ಫೋರ್ಸ್ ಲೇಆಫ್ಗಳು - 8,000 (ಕಾರ್ಯಪಡೆಯ 10%)
4. ಡೆಲ್ ಲೇಆಫ್ಗಳು - 6,650 (ಕಾರ್ಯಪಡೆಯ 5%)
5. IBM ಲೇಆಫ್ಗಳು - 3,900 (ಕಾರ್ಯಪಡೆಯ 2%)
6. SAP ಲೇಆಫ್ಗಳು - 3,000 (ಕಾರ್ಯಪಡೆಯ 3%)
7. ಜೂಮ್ ಲೇಆಫ್ಗಳು - 1,300 (ಕಾರ್ಯಪಡೆಯ 15%)
8. ಕಾಯಿನ್ಬೇಸ್ ಲೇಆಫ್ಗಳು - 950 (ಕಾರ್ಯಪಡೆಯ 20%)
9. ಯಾಹೂ ಲೇಆಫ್ಗಳು - 1,600 (ಕಾರ್ಯಪಡೆಯ 20%)
10. GitHub ಲೇಆಫ್ಗಳು - 300 (ಕಾರ್ಯಪಡೆಯ 10%).
Click it and Unblock the Notifications
Sign in with Google