Pizza Price Reduction: 50% ರಷ್ಟು ಪಿಜ್ಜಾ ದರ ಕಡಿತಗೊಳಿಸಿದ ಡೊಮಿನೋಸ್, ಪಿಜ್ಜಾ ಹಟ್
ಪಿಜ್ಜಾ ಸಾಕಷ್ಟು ಜನಪ್ರಿಯತೆ ಪಡೆದ ಖಾದ್ಯ. ಇದಕ್ಕೆ ಸಾಕ್ಷಿ ದೊಡ್ಡ ಪಿಜ್ಜಾ ಸಂಸ್ಥೆಗಳಾದ ಡೊಮಿನೋಸ್ ಹಾಗೂ ಪಿಜ್ಜಾ ಹಟ್ಗಳ ಬೆಳವಣಿಗೆ. ಆದರೀಗ ಪಿಜ್ಜಾ ಮನೆಯಲ್ಲೂ ಸುಲಭವಾಗಿ ತಯಾರಿಸಬಹುದಾಗಿರುವುದರಿಂದ ಸಣ್ಣ ಸಣ್ಣ ಅಂಗಡಿಗಳು ಪಿಜ್ಜಾ ಮಾರಾಟಕ್ಕೆ ಇಳಿದಿವೆ.
ಅತ್ಯಂತ ಕಡಿಮೆ ದರದಲ್ಲಿ ರುಚಿಕರವಾದ ಗ್ರಾಹಕರ ಕೈಗೆಟಕುವ ಬೆಲೆಯಲ್ಲಿ ಪಿಜ್ಜಾ ಮಾರಾಟ ಮಾಡಲಾಗುತ್ತಿದೆ. ಹೀಗೆ ಮಾರುಕಟ್ಟೆಯಲ್ಲಿ ಸಣ್ಣ ಸ್ಪರ್ಧಿಗಳ ಸಂಖ್ಯೆ ಹೆಚ್ಚಾಗುತ್ತಿದ್ದಂತೆ ಡೊಮಿನೋಸ್ ಹಾಗೂ ಪಿಜ್ಜಾ ಹಟ್ಗಳು ಪಿಜ್ಜಾ ಬೆಲೆ ಕಡಿಮೆ ಮಾಡಲು ನಿರ್ಧರಿಸಿವೆ.
ಸಣ್ಣ ಪ್ರತಿಸ್ಪರ್ಧಿಗಳೊಂದಿಗೆ ಸ್ಪರ್ಧಿಸಲು ಡೊಮಿನೋಸ್ ಪಿಜ್ಜಾಗಳ ದರವನ್ನು ಶೇಕಡ 50ರಷ್ಟು ಕಡಿತಗೊಳಿಸಿದೆ. ಮಾರುಕಟ್ಟೆಯಲ್ಲಿ ತನ್ನ ಗ್ರಾಹಕರನ್ನು ಆಕರ್ಷಿಸಲು ಹಾಗೂ ಕಳೆದುಕೊಳ್ಳದೇ ಇರಲು ಡೊಮಿನೊಸ್ ಹಾಗೂ ಪಿಜ್ಜಾ ಹಟ್ಗಳು ಜನಪ್ರಿಯಾ ಪಿಜ್ಜಾಗಳ ದರವನ್ನು ಅರ್ಧದಷ್ಟು ಕಡಿತಗೊಳಿಸಿವೆ.
ಟಾಸಿನ್, ಗೋಪಿಜ್ಜಾ, ಲಿಯೋಸ್ ಪಿಜ್ಜೇರಿಯಾ, ಮೊಜೊಪಿಜ್ಜಾ, ಓವೆನ್ಸ್ಟೋರಿ ಮತ್ತು ಲಾ ಪಿನೋಜ್ನಂತಹ ಸಣ್ಣ ಮತ್ತು ಹೊಸ ಪ್ರತಿಸ್ಪರ್ಧಿಗಳ ಹೊರಹೊಮ್ಮುವಿಕೆಯಿಂದಾಗಿ ಪಿಜ್ಜಾ ವಿಭಾಗ ಹೆಚ್ಚು ಸ್ಪರ್ಧಾತ್ಮಕವಾಗಿದೆ. ಹೀಗಾಗಿ ಪ್ರತಿಷ್ಠಿತ ದೊಡ್ಡ ಪಿಜ್ಜಾ ಸಂಸ್ತೆಗಳು ವಿಕಸನಗೊಳ್ಳುತ್ತಿರುವ ಮಾರುಕಟ್ಟೆ ಪರಿಸ್ಥಿತಿಗಳಿಗೆ ಹೊಂದಿಕೊಳ್ಳುವ ಅಗತ್ಯವಿದೆ. ಹೀಗಾಗಿ ಬದಲಾಗುತ್ತಿರುವ ಗ್ರಾಹಕರ ಆದ್ಯತೆಗಳನ್ನು ಪೂರೈಸಲು ಮುಂದಾಗಿವೆ.
ಡೊಮಿನೊ ಕಳೆದ ವಾರ ತನ್ನ ಚಂದಾದಾರರಿಗೆ "ದೊಡ್ಡ ಪಿಜ್ಜಾಗಳ ಮೇಲೆ ಎಪಿಕ್ ಬೆಲೆ ಕುಸಿತ" ಕುರಿತು ಸಂದೇಶಗಳನ್ನು ಕಳುಹಿಸಿದೆ ಎಂದು ಎಕನಾಮಿಕ್ ಟೈಮ್ಸ್ ಸೆಪ್ಟೆಂಬರ್ 4 ರಂದು ವರದಿ ಮಾಡಿದೆ. ಸಸ್ಯಾಹಾರಿ ಪಿಜ್ಜಾಗಳ ಬೆಲೆಯನ್ನು 799 ರೂ.ನಿಂದ 499 ರೂ.ಗೆ ಮತ್ತು ನಾನ್ ವೆಜ್ ದೊಡ್ಡ ಪಿಜ್ಜಾಗಳ ಬೆಲೆಯನ್ನು 919 ರೂ.ನಿಂದ 549 ರೂ.ಗೆ ಇಳಿಸುವ ಮೂಲಕ ಡೊಮಿನೊಸ್ ಪಿಜ್ಜಾ ಮಹತ್ವದ ಹೆಜ್ಜೆ ಇಟ್ಟಿದೆ ಎಂದು ವರದಿ ತಿಳಿಸಿದೆ.
ಈ ಕಾರ್ಯತಂತ್ರದ ಕ್ರಮವು ಡೊಮಿನೊಸ್ ಪಿಜ್ಜಾಗಳನ್ನು ಹೆಚ್ಚು ಸುಲಭವಾಗಿ ಮತ್ತು ಸ್ಪರ್ಧಾತ್ಮಕವಾಗಿಸುವ ಗುರಿಯನ್ನು ಹೊಂದಿದೆ. ವಿಶೇಷವಾಗಿ ಭಾರತೀಯ QSR ಮಾರುಕಟ್ಟೆಯಲ್ಲಿ ಉದಯೋನ್ಮುಖ ಮತ್ತು ಸಣ್ಣ ಪ್ರತಿಸ್ಪರ್ಧಿಗಳೊಂದಿಗೆ ಸ್ಪರ್ಧಿಸಲು ಈ ನಿರ್ಧಾರ ತುಂಬಾ ಮಹತ್ವದ್ದಾಗಿದೆ.
ಗಮನಾರ್ಹವಾಗಿ ಡೊಮಿನೊಸ್, ಬರ್ಗರ್ ಕಿಂಗ್, ಪಿಜ್ಜಾ ಹಟ್ ಮತ್ತು ಕೆಎಫ್ಸಿಯಂತಹ ಅನೇಕ ಪ್ರಸಿದ್ಧ ಪಾಶ್ಚಿಮಾತ್ಯ-ಶೈಲಿಯ QSR ಬ್ರ್ಯಾಂಡ್ಗಳು ಕಳೆದ ಮೂರು ತ್ರೈಮಾಸಿಕಗಳಲ್ಲಿ ಮಾರಾಟದಲ್ಲಿ ನಿಧಾನಗತಿಯನ್ನು ಕಂಡಿವೆ. ಏಕೆಂದರೆ ಸ್ಥಳೀಯ ಪ್ರತಿಸ್ಪರ್ಧಿಗಳು. ಇವುಗಳ ಹೆಚ್ಚಿನ ಸ್ಪರ್ಧೆ ಮತ್ತು ಗ್ರಾಹಕರ ಆದ್ಯತೆಗಳ ಮೇಲಿನ ಹಣದುಬ್ಬರದ ಪ್ರಭಾವ ಪ್ರತಿಷ್ಠಿತ ಕಂಪನಿಗಳ ಮೇಲೆ ಉಂಟು ಮಾಡಿದೆ.
ಪ್ರತಿಕ್ರಿಯೆಯಾಗಿ, ಈ ದೊಡ್ಡ ಬ್ರ್ಯಾಂಡ್ಗಳು ಬೆಲೆಗಳನ್ನು ಕಡಿಮೆ ಮಾಡುವ ಮೂಲಕ ತಮ್ಮ ಕಾರ್ಯತಂತ್ರಗಳನ್ನು ಸರಿಹೊಂದಿಸುತ್ತಿವೆ. ಕಡಿಮೆ ಬೆಲೆ ಮಾತ್ರವಲ್ಲದೆ, ಹೊಸ ಗ್ರಾಹಕರನ್ನು ಆಕರ್ಷಿಸಲು ಹಿಂದೆ ಬಳಸದ ನಗರಗಳಿಗೆ ತಮ್ಮ ಉಪಸ್ಥಿತಿಯನ್ನು ವಿಸ್ತರಿಸುತ್ತಿವೆ.
ಯಮ್ ಬ್ರಾಂಡ್ಸ್-ಮಾಲೀಕತ್ವದ ಪಿಜ್ಜಾ ಹಟ್ ಒಂದು ಮಿಲಿಯನ್ಗಿಂತಲೂ ಹೆಚ್ಚು ಜನಸಂಖ್ಯೆಯನ್ನು ಹೊಂದಿರುವ ಮಾರುಕಟ್ಟೆಗಳನ್ನು ಗುರಿಯಾಗಿಸಿಕೊಂಡು ತನ್ನ ವಿಸ್ತರಣೆಯನ್ನು ಸಕ್ರಿಯವಾಗಿ ರೂಪಿಸುತ್ತಿದೆ. ಇದೀಗ ಅದರ ಬೆಲೆಯನ್ನು ಹಿಂದಿನ ಬೆಲೆ 200 ರೂ.ಗಿಂತ 79 ರೂಪಾಯಿಗೆ ಕಡಿಮೆ ಮಾಡಿದೆ.
Click it and Unblock the Notifications
Sign in with Google