Budget 2023: ಕೋವಿಡ್ನಿಂದ ಬಳಲುತ್ತಿರುವ ಸಾರಿಗೆ ಉದ್ಯಮ ಚೇತರಿಕೆಗೆ ಒತ್ತು ನೀಡಬೇಕಿದೆ ಕೇಂದ್ರ- ಉದ್ಯಮಿಗಳ ನಿರೀಕ್ಷೆಗಳೇನು?
2020 ಮತ್ತು 2021 ರಲ್ಲಿ ಸಾರಿಗೆ ಉದ್ಯಮವು ಹೆಚ್ಚು ಆಘಾತಕ್ಕೆ ಈಡಾಗಿದೆ. ಕೋವಿಡ್ ಸಾಂಕ್ರಾಮಿಕದಂತಹ ಸಮಯದಲ್ಲಿ ಸಾರಿಗೆ ಮೇಲೆ ಹೆಚ್ಚು ದುಷ್ಪರಿಣಾಮವಾಗಿದೆ. ಈಗ ಸಾರಿಗೆ ಉದ್ಯಮವು ಮತ್ತೆ ಪುಟಿದೇಳುತ್ತಿದೆ. ಇದಕ್ಕೆ ಬೇಡಿಕೆ ಹೆಚ್ಚುತ್ತಿದೆ. ಇದು ಚೇತರಿಕೆಯ ದಾರಿಯಲ್ಲಿದ್ದರೂ, ಈ ವಲಯವು ಇನ್ನೂ ಪೂರ್ವ-ಸಾಂಕ್ರಾಮಿಕ ಮಟ್ಟವನ್ನು ತಲುಪಿಲ್ಲ. ಈ ಹಿನ್ನೆಲೆಯಲ್ಲಿ ಸಾರಿಗೆ ಉದ್ಯಮವು ಬಜೆಟ್ 2023 ರಿಂದ ಹಲವು ಕೊಡುಗೆಗಳನ್ನು ನಿರೀಕ್ಷಿಸುತ್ತಿದೆ.
Budget 2023 Live: ಕೇಂದ್ರ ಬಜೆಟ್ಗೂ ಮುನ್ನ ಷೇರುಪೇಟೆ ಶುಭಾರಂಭ
ಕೋವಿಡ್ ಸಾಂಕ್ರಾಮಿಕದ ಹೊಡೆತ
COVID ಏಕಾಏಕಿ ಪ್ರವಾಸೋದ್ಯಮ ಚಟುವಟಿಕೆಗಳ ಸಂಪೂರ್ಣ ನಿಲುಗಡೆಗೆ ಕಾರಣವಾಯಿತು. ಉದ್ಯೋಗ ನಷ್ಟಗಳಾದವು. ಉದ್ಯಮವು ಅದರ ಆದಾಯದಲ್ಲಿ ದೊಡ್ಡ ಮಟ್ಟದ ಕುಸಿತ ಕಂಡಿತು. ಕಂಪನಿಗಳಿಗೆ ಲಾಭದಾಯಕತೆ, ಉದ್ಯೋಗ ನಷ್ಟಗಳು ಮತ್ತು ವ್ಯಾಪಾರ ಸ್ಥಗಿತಗೊಳಿಸುವಿಕೆಗಳಲ್ಲಿ ಗಮನಾರ್ಹ ಕುಸಿತವನ್ನು ನಾವು ಕಂಡಿದ್ದೇವೆ ಎಂದು ಡೆಲಾಯ್ಟ್ ಇಂಡಿಯಾದ ಪಾಲುದಾರ ರಜತ್ ಮಹಾಜನ್ 'ಮನಿ ಕಂಟ್ರೋಲ್' ಹೇಳಿದ್ದಾರೆ.
ಎಷ್ಟು ಉದ್ಯೋಗಗಳ ಕಡಿತ?
2020 ರ ಆರಂಭದಲ್ಲಿ COVID-19 ನ ಮೂರು ಅಲೆಗಳಿಂದಾಗಿ ಉದ್ಯಮದಲ್ಲಿ ತೊಡಗಿಸಿಕೊಂಡಿರುವ ಸುಮಾರು 21.5 ಮಿಲಿಯನ್ ಜನರು ತಮ್ಮ ಉದ್ಯೋಗವನ್ನು ಕಳೆದುಕೊಂಡಿದ್ದಾರೆ ಎಂದು ಕೇಂದ್ರ ಪ್ರವಾಸೋದ್ಯಮ ಸಚಿವ ಜಿ ಕಿಶನ್ ರೆಡ್ಡಿ ಕಳೆದ ವರ್ಷ ಮಾರ್ಚ್ನಲ್ಲಿ ಪ್ರಶ್ನೋತ್ತರ ವೇಳೆಯಲ್ಲಿ ಲೋಕಸಭೆಗೆ ತಿಳಿಸಿದ್ದಾರೆ.ಪ್ರವಾಸೋದ್ಯಮ ಸಚಿವಾಲಯದ ಅಧ್ಯಯನದ ಪ್ರಕಾರ, ಮೊದಲ ಅಲೆಯುಲ್ಲಿ 14.5 ಮಿಲಿಯನ್ ಉದ್ಯೋಗಗಳು ಮತ್ತು ಎರಡನೇ ಮತ್ತು ಮೂರನೇ ಅಲೆಗಳಲ್ಲಿ ಕ್ರಮವಾಗಿ 5.2 ಮಿಲಿಯನ್ ಮತ್ತು 1.8 ಮಿಲಿಯನ್ ಉದ್ಯೋಗಗಳು ಕಡಿತಗೊಂಡಿವೆ.
ಮಾನವಶಕ್ತಿಯ ಕೊರತೆ
ಸಾಂಕ್ರಾಮಿಕ ಸಮಯದಲ್ಲಿ ಉದ್ಯೋಗ ಕಳೆದುಕೊಂಡ ಅನೇಕರು ಪರ್ಯಾಯ ವೃತ್ತಿ ಆಯ್ಕೆಗಳನ್ನು ಆರಿಸಿಕೊಂಡಿರುವುದರಿಂದ ನಾವು ವಿಮಾನಯಾನ ಮತ್ತು ಆತಿಥ್ಯ ಕ್ಷೇತ್ರಗಳಲ್ಲಿ ಮಾನವಶಕ್ತಿಯ ಕೊರತೆಯನ್ನು ಎದುರಿಸುತ್ತಿದ್ದೇವೆ ಎಂದು ಬ್ರೈಟ್ಸನ್ ಟ್ರಾವೆಲ್ ಪ್ರೈವೇಟ್ ಲಿಮಿಟೆಡ್ನ ಭಾರತದ ಮುಖ್ಯಸ್ಥ ಸಂದೀಪ್ ಅರೋರಾ ಹೇಳಿದ್ದಾರೆ. ಕೊರೊನಾವೈರಸ್ನ ಮೂರು ಅಲೆಗಳ ಸಮಯದಲ್ಲಿ ಪ್ರವಾಸೋದ್ಯಮ ಆರ್ಥಿಕತೆಯು ಗಮನಾರ್ಹವಾಗಿ ಕುಸಿದಿದೆ, ಇದು ಈ ವಲಯ ಮೇಲೆ ತೀವ್ರ ಹೊಡೆತ ನೀಡಿದೆ ಎಂದು ಕೇಂದ್ರ ಸಚಿವರು ಹೇಳಿದ್ದಾರೆ.
ಪ್ರವಾಸಿಗರ ಸಂಖ್ಯೆಯಲ್ಲಿ ಕುಸಿತ
COVID-19 ಕಾರಣದಿಂದಾಗಿ ದೇಶಕ್ಕೆ ಪ್ರವಾಸಿಗರ ಆಗಮನವು 93 ಪ್ರತಿಶತದಷ್ಟು, ಎರಡನೇ ಅಲೆಯ್ಲಿ 79 ಪ್ರತಿಶತ ಮತ್ತು ಮೂರನೇ ತರಂಗದಲ್ಲಿ 64 ಪ್ರತಿಶತದಷ್ಟು ಕಡಿಮೆಯಾಗಿದೆ ಎಂದು ವರದಿಯಾಗಿದೆ. ಕಳೆದ ವರ್ಷ ಏಪ್ರಿಲ್ನಲ್ಲಿ ಕ್ರಿಸಿಲ್ ರೇಟಿಂಗ್ ಅಧ್ಯಯನವು ಭಾರತದ ಪ್ರವಾಸೋದ್ಯಮವು FY24 ರಲ್ಲಿ ಮಾತ್ರ ಪೂರ್ಣ ಚೇತರಿಕೆ ಕಾಣಲಿದೆ ಮತ್ತು FY23 ರಲ್ಲಿ 70 ಪ್ರತಿಶತದಷ್ಟು ಪೂರ್ವ ಕೋವಿಡ್ ಮಟ್ಟವನ್ನು ತಲುಪುತ್ತದೆ ಎಂದು ಹೇಳಿದೆ.
ಕೇಂದ್ರ ಬಜೆಟ್ ಮೇಲೆ ಕಣ್ಣು
ಸಾಂಕ್ರಾಮಿಕ ರೋಗದ ಪ್ರಭಾವದಿಂದ ಉದ್ಯಮವು ನಿಧಾನವಾಗಿ ಚೇತರಿಸಿಕೊಳ್ಳುತ್ತಿರುವಾಗ, ವಿಮಾನಗಳು ಮತ್ತು ಹೋಟೆಲ್ಗಳ ಮೇಲಿನ ಹೆಚ್ಚಿನ ಜಿಎಸ್ಟಿ ದರಗಳ ಕಡಿತದ ಮೇಲೆ ಗಮನವಿದೆ. ಕಳೆದ ಬಜೆಟ್ನಲ್ಲಿ ಸರ್ಕಾರದಿಂದ ಸೀಮಿತ ಬೆಂಬಲದ ವ್ಯಕ್ತಿವಾಗಿತ್ತು. ಈ ವರ್ಷವಾದರೂ ಉತ್ತಮ ಕೊಡಗೆಗಳನ್ನು ನೀಡಬಹುದೆಂದು ಆಶಿಸಲಾಗಿದೆ. ವಿದೇಶಿ ಪ್ರಜೆಗಳಿಗೆ ಒದಗಿಸಲಾದ ಪ್ರವಾಸೋದ್ಯಮ ಸೇವೆಗಳು ಜಿಎಸ್ಟಿ ವಿನಾಯಿತಿಗೆ ಅರ್ಹವಾಗಿರಬೇಕು ಎಂದು ಯಾತ್ರಾ ಆನ್ಲೈನ್ ಲಿಮಿಟೆಡ್ನ ಸಹ-ಸಂಸ್ಥಾಪಕ ಮತ್ತು ಸಿಇಒ ಧ್ರುವ ಶೃಂಗಿ ಹೇಳಿದ್ದಾರೆ. ವಿಮಾನಯಾನ ವಲಯಕ್ಕೆ ಪರಿಹಾರ ನೀಡಲು ಎಟಿಎಫ್ (ಏವಿಯೇಷನ್ ಟರ್ಬೈನ್ ಇಂಧನ) ಅನ್ನು ಜಿಎಸ್ಟಿ ವ್ಯಾಪ್ತಿಯಲ್ಲಿ ತರಬೇಕು ಎಂದು ಅವರು ಹೇಳಿದ್ದಾರೆ.
'ಪ್ರವಾಸೋದ್ಯಮ ಮತ್ತು ಆತಿಥ್ಯ ಉದ್ಯಮವು ಬಜೆಟ್ 2023-24 ರಿಂದ ಹೆಚ್ಚಿನ ಪರಿಹಾರ ಮತ್ತು ಬೆಂಬಲ ಪ್ರೋತ್ಸಾಹವನ್ನು ನಿರೀಕ್ಷಿಸುತ್ತದೆ. ವಿಶೇಷವಾಗಿ ಉದ್ಯಮದ ಮೇಲೆ COVID-19 ಬೀರಿದ ಒಟ್ಟಾರೆ ಪರಿಣಾಮವನ್ನು ಪರಿಗಣಿಸಿ ಬಜೆಟ್ ಅನ್ನು ಮಂಡಿಸಬೇಕಿದೆ' ಎಂದು ವಾಟರ್ವೇಸ್ ಲೀಸರ್ ಪ್ರೈವೇಟ್ ಲಿಮಿಟೆಡ್ನ ಅಧ್ಯಕ್ಷ ಮತ್ತು ಸಿಇಒ ಜುರ್ಗೆನ್ ಬೈಲೋಮ್ ಹೇಳಿದರು.
Click it and Unblock the Notifications
Sign in with Google