• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಮಾಲ್ವೇರ್ ಕಾಟ, ಬ್ಯಾಂಕಿಂಗ್ ಆಪ್ ಬಳಕೆ ಬಗ್ಗೆ ಎಚ್ಚರ

By Mahesh
|
Google Oneindia Kannada News

ಬೆಂಗಳೂರು, ಜನವರಿ 05: ಮೊಬೈಲ್ ಬ್ಯಾಂಕಿಂಗ್ ಅಪ್ಲಿಕೇಷನ್ ಸೇರಿದಂತೆ ಮೊಬೈಲ್ ಹಾಗೂ ಆನ್ಲೈನ್ ಮೂಲಕ ವ್ಯವಹಾರ ನಡೆಸುವ ಆಪ್ ಗಳ ಮೇಲೆ ಮಾಲ್ವೇರ್ ದಾಳಿ ಮಾಡುತ್ತಿರುವ ಆತಂಕಕಾರಿ ಸುದ್ದಿ ಬಂದಿದೆ.

ಗ್ಲೋಬಲ್ ಐಟಿ ಸೆಕ್ಯೂರಿಟಿ ಕಂಪನಿ ಕ್ವಿಕ್ ಹೀಲ್ ಪ್ರಕಟಣೆಯಂತೆ, ಆಂಡ್ರಾಯ್ಡ್ ಬ್ಯಾಂಕಿಂಗ್ ಅಪ್ ಮೇಲೆ ಟ್ರೋಜನ್(Android.banker.A2f8a) ದಾಳಿ ಮಾಡುತ್ತಿದ್ದು, ಎಚ್ ಡಿ ಎಫ್ ಸಿ, ಐಸಿಐಸಿಐ, ಎಸ್ ಬಿ ಐ ಸೇರಿದಂತೆ ಸುಮಾರು 232 ಬ್ಯಾಂಕುಗಳ ಮೊಬೈಲ್ ಅಪ್ಲಿಕೇಷನ್ ನ ಮಾಹಿತಿ ಕದ್ದು ಹಾಳು ಮಾಡುವ ಸಾಧ್ಯತೆಯಿದೆ.

ಸ್ಮಾರ್ಟ್ ಫೋನಿನಲ್ಲಿರುವ ಬ್ಯಾಂಕಿಂಗ್ ಆಪ್ ನಲ್ಲಿರುವ ಮಾಹಿತಿ ಕದ್ದು, ನಕಲಿ ಸೂಚನೆಯೊಂದನ್ನು ರವಾನೆ ಮಾಡಿ ಪಾಸ್ವರ್ಡ್ ಹಾಗೂ ಲಾಗಿನ್ ಮಾಹಿತಿ ಪಡೆಯುವ ಹ್ಯಾಕರ್ಸ್ ಗಳ ತಂತ್ರದ ಬಗ್ಗೆ ಕ್ವಿಕ್ ಹೀಲ್ ಎಚ್ಚರಿಸಿದೆ.

ನಕಲಿ ಎಸ್ ಎಂ ಎಸ್ ಹಾಗೂ ಮೇಲ್ ಗೆ ಯಾವುದೇ ಪ್ರತಿಕ್ರಿಯೆ ನೀಡಬೇಡಿ, ನಕಲಿ ಆಪ್ ಗಳನ್ನು ಡೌನ್ಲೋಡ್ ಮಾಡಬೇಡಿ, Unknown Sources app ಡಿಸೆಬಲ್ ಮಾಡಿರಿ ಎಂದು ಕ್ವಿಕ್ ಹೀಲ್ ಹೇಳಿದೆ.

ಒಟಿಪಿ ಕೂಡಾ ಓದಬಲ್ಲ ಈ ಮಾಲ್ವೇರ್ ಅತ್ಯಂತ ಭಯಾನಕವಾಗಿದ್ದು, ಎರಡು ಸ್ತರದ ಭದ್ರತೆಯನ್ನು ಮೀರಿ ನಿಮ್ಮ ಮಾಹಿತಿ ಕದಿಯುವ ಸಾಮರ್ಥ್ಯ ಹೊಂದಿದೆ. ನಿಮ್ಮ ಮೊಬೈಲಿನ ರಿಂಗಿಂಗ್, ಸಂದೇಶಗಳ ಸೆಟ್ಟಿಂಗ್ಸ್ ಕೂಡಾ ಬದಲಾಯಿಸಬಲ್ಲುದು. ಇತ್ತೀಚೆಗೆ ಭಾರತದಲ್ಲಿ ಲಕ್ಷಕ್ಕೂ ಅಧಿಕ ಡೆಬಿಟ್ ಕಾರ್ಡಿನ ಮಾಹಿತಿ ಸೋರಿಕೆ ಪ್ರಕರಣ ಬೆಳಕಿಗೆ ಬಂದ ಬೆನ್ನಲ್ಲೇ ಈ ಸುದ್ದಿ ಬಂದಿರುವುದು ಗ್ರಾಹಕರನ್ನು ಬೆಚ್ಚಿಬೀಳಿಸಿದೆ.

English summary
Internet security firm Quick Heal Security Labs says it has identified a new Android malware that can masquerade as more than 200 banking apps including some Indian ones.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X