5ಜಿ ತಂತ್ರಜ್ಞಾನಕ್ಕಾಗಿ ಕೊರಿಯಾ ಕಂಪನಿ ಜತೆ ಏರ್ ಟೆಲ್ ಒಪ್ಪಂದ

Posted By:
Subscribe to Oneindia Kannada

ನವದೆಹಲಿ, ಸೆಪ್ಟೆಂಬರ್ 13: ಭಾರತದಲ್ಲಿ ಶೀಘ್ರವೇ 5ಜಿ ತಂತ್ರಜ್ಞಾನದ ಮೊಬೈಲ್ ನೆಟ್ ವರ್ಕ್ ಆರಂಭಿಸಲು ಉದ್ದೇಶಿಸಿರುವ ಏರ್ ಟೆಲ್ ಸಂಸ್ಥೆ, ಈ ಕುರಿತಂತೆ ದಕ್ಷಿಣ ಕೊರಿಯಾದ ಸಂಸ್ಥೆಯಾದ ಎಸ್.ಕೆ. ಟೆಲಿಕಾಂ ಜತೆಗೆ ಒಪ್ಪಂದವೊಂದಕ್ಕೆ ಸಹಿ ಹಾಕಿದೆ.

5 ಜಿ ತಂತ್ರಜ್ಞಾನ ಪರೀಕ್ಷೆಗೆ ಇಳಿದ ಬಿಎಸ್ಎನ್ಎಲ್

ಭಾರತೀಯ ದೂರ ಸಂಪರ್ಕ ಕ್ಷೇತ್ರದಲ್ಲಿ ದೈತ್ಯ ಕಂಪನಿಯಾಗಿರುವ ಏರ್ ಟೆಲ್, ಈ ಹಿಂದೆ 4 ಜಿ ತಂತ್ರಜ್ಞಾನವನ್ನು ಭಾರತಕ್ಕೆ ತಂದ ಮೊಟ್ಟಮೊದಲ ಮೊಬೈಲ್ ಸೇವಾ ಸಂಸ್ಥೆಯೆಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು. ಇದೀಗ, ಅದೇ ಸಂಸ್ಥೆ ಈಗ ಹೊಸತೊಂದು ಶಕೆ ಆರಂಭಿಸಲು ಸಜ್ಜಾಗಿದೆ.

Airtel to deliver 5G speed network soon, ties up with SK Telecom

ಈ ಬಗ್ಗೆ ಮಾಧ್ಯಮಗಳಿಗೆ ವಿವರಣೆ ನೀಡಿರುವ ಭಾರ್ತಿ ಏರ್ ಟೆಲ್ ಸಂಸ್ಥೆಯ ಮುಖ್ಯಸ್ಥ ಸುನಿಲ್ ಭಾರ್ತಿ ಮಿತ್ತಲ್, ''ಈ ಒಪ್ಪಂದದಿಂದಾಗಿ, ಭಾರತದಲ್ಲಿ ಏರ್ ಟೆಲ್ ಸೇವೆ ಉಪಯೋಗಿಸುತ್ತಿರುವ ಗ್ರಾಹಕರಿಗೆ ಶೀಘ್ರದಲ್ಲೇ ಅತ್ಯಾಧುನಿಕ ಸಂಪರ್ಕ ತಂತ್ರಜ್ಞಾನವನ್ನು ಸ್ವೀಕರಿಸುವ ಸುಸಮಯ ಒದಗಲಿದೆ'' ಎಂದು ತಿಳಿಸಿದರು.

ಈಗಾಗಲೇ ಭಾರತೀಯ ಟೆಲಿಕಾಂ ಕ್ಷೇತ್ರದಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಸುವ ಮೂಲಕ ಏರ್ ಟೆಲ್ ಕಂಪನಿಗೆ ಸಡ್ಡು ಹೊಡೆದಿರುವ ರಿಲಯನ್ಸ್ ಕಂಪನಿಗೆ ಪೈಪೋಟಿಯೊಡ್ಡುವ ಲೆಕ್ಕಾಚಾರದಲ್ಲಿ ಏರ್ ಟೆಲ್ ಸಂಸ್ಥೆ ಈಗ 5ಜಿ ತಂತ್ರಜ್ಞಾನವನ್ನು ಭಾರತಕ್ಕೆ ತರಲು ಮುಂದಾಗಿದೆ.

ಏತನ್ಮಧ್ಯೆ, ಸರ್ಕಾರಿ ಸ್ವಾಮ್ಯದ ಬಿಎಸ್ ಎನ್ ಎಲ್ ಸಂಸ್ಥೆಯೂ ಮುಂದಿನ ವರ್ಷ ತಾನು ಭಾರತದಲ್ಲಿ 5ಜಿ ತಂತ್ರಜ್ಞಾನವನ್ನು ಪರಿಚಯಿಸುವುದಾಗಿ ತಿಳಿಸಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
One of India's largest telecom companies by market share, Bharti Airtel, on Wednesday tied up with South Korean firm SK Telecom in a bid to build the most advanced communication network in India.
Please Wait while comments are loading...