ಉಡಾನ್ ಯೋಜನೆ: ರಾಜ್ಯಕ್ಕೆ ಹೊಸ 15 ವಿಮಾನ ಸೌಲಭ್ಯ

Published: Thursday, January 25, 2018, 11:47 [IST]

ಬೆಂಗಳೂರು, ಜನವರಿ 25: ಎರಡನೇ ಮತ್ತು ಮೂರನೇ ಹಂತದ ನಗರಗಳಿಗೆ ವಿಮಾನ ಯಾನ ಸಂಪರ್ಕ ಕಲ್ಪಿಸುವ ಕೇಂದ್ರ ಸರ್ಕಾರದ ಮಹತ್ವಕಾಂಕ್ಷಿ ಉಡಾನ್ ಯೋಜನೆಯಲ್ಲಿ ಕರ್ನಾಟಕಕ್ಕೆ ಒಟ್ಟು 15 ವಿಮಾನ ಸಂಪರ್ಕಗಳು ಲಭಿಸಿವೆ.

ಇದರಲ್ಲಿ 12 ವಿಮಾನಗಳು ಉತ್ತರ ಕರ್ನಾಟಕ ಭಾಗದ ಪ್ರಮುಖ ನಗರ ಹುಬ್ಬಳ್ಳಿಯನ್ನು ದೇಶದ ವಿವಿಧೆಡೆ ಸಂಪರ್ಕಿಸಲಿವೆ. ಉಳಿದಂತೆ ಮೂರು ವಿಮಾನಗಳು ಕೊಪ್ಪಳದಿಂದ ಹಾರಾಟ ನಡೆಸಲಿವೆ. ರಾಷ್ಟ್ರರಾಜಧಾನಿ ನವದೆಹಲಿಯ ನ್ಯಾಷನಲ್ ಮೀಡಿಯ ಸೆಂಟರ್ ನಲ್ಲಿ ಕರೆದಿದ್ದ ಪತ್ರಿಕಾಗೋಷ್ಠಿಯಲ್ಲಿ ನಾಗರಿಕ ವಿಮಾನಯಾನ ಸಚಿವ ಅಶೋಕ್ ಗಜಪತಿರಾಜು ಮಾಹಿತಿ ನೀಡಿದರು.

ಜನಸಾಮಾನ್ಯರಿಗೆ ಕೈಗೆಟುಕುವ ದರದಲ್ಲಿ ವಿಮಾನ ಯಾನ ಸೌಲಭ್ಯ ದಕ್ಕಬೇಕು, ವ್ಯವಹಾರ ಸರಳೀಕರಣ ಮತ್ತು ಪ್ರಾದೇಶಿಕ ಭಾಗಗಳಿಗೂ ವಿಮಾನಯಾನ ಸೌಲಭ್ಯದ ವಿಸ್ತರಣೆ ಆಗಬೇಕು ಎಂಬ ಉದ್ದೇಶದಿಂದ ಕೇಂದ್ರ ಸರ್ಕಾರ ಉಡಾನ್ ಯೋಜನೆ ಜಾರಿಗೊಳಿಸುತ್ತಿದೆ. ಕರ್ನಾಟಕಕ್ಕೆ ಲಭಿಸಿರುವ ವಿಮಾನಗಳು ಪ್ರತಿದಿನ ಹಾರಾಟ ನಡೆಸಲಿದ್ದು ಇವುಗಳ ದರ ಕೂಡ ನಿಗದಿಯಾಗಿದೆ. ಉಡಾನ್ ಯೋಜನೆಯ ಘೋಷಣೆಯ ಸಂದರ್ಭದಲ್ಲಿ ಧಾರವಾಡ ಸಂಸದ ಪ್ರಹ್ಲಾದ್ ಜೋಷಿ ಉಪಸ್ಥಿತರಿದ್ದರು.
ಎಲ್ಲಿಂದ ಎಲ್ಲಿಗೆ ವಿಮಾನಯಾನ ಕಂಪನಿ ಗರಿಷ್ಠ ದರ