ರಾಜ್ಯದಲ್ಲಿ ಸರ್ಕಾರಿ ಕೇಬಲ್ ಸೇವೆ ಆರಂಭಿಸ್ತೇವೆ: ಬೇಗ್
ಮಂಗಳೂರು, ಡಿ. 9: ರಾಜ್ಯ ಸರ್ಕಾರವೇ ಕೇಬಲ್ ಟಿವಿ ಸೇವೆ ಆರಂಭಿಸಲು ಯೋಚಿಸುತ್ತಿದೆ... ಹೀಗೆಂದು ಹೇಳಿದವರು ರಾಜ್ಯದ ವಾರ್ತಾ ಸಚಿವ ಆರ್. ರೋಷನ್ ಬೇಗ್. ಹಿಂದೊಮ್ಮೆ ಈ ಕುರಿತು ಪ್ರಸ್ತಾಪಿಸಿದ್ದ ರೋಷನ್ ಬೇಗ್ ಪುನರುಚ್ಛರಿಸಿದ್ದಾರೆ. [ಅಗ್ಗದ ದರದಲ್ಲಿ ಸರ್ಕಾರದಿಂದ ಕೇಬಲ್ ಸೇವೆ]
ನಗರದಲ್ಲಿ ಪತ್ರಕರ್ತರೊಂದಿಗೆ ಮಾತನಾಡುತ್ತ ಸಚಿವರು ಈ ವಿಷಯ ತಿಳಿಸಿದರು. ಕೇಬಲ್ ಟಿವಿ ನಿರ್ವಾಹಕರು ಪ್ರತಿ ಮನೆಗಳಿಂದ ಮಾಸಿಕ 400ರಿಂದ 500 ರೂ. ವಸೂಲಿ ಮಾಡುತ್ತಾರೆ. ಗ್ರಾಹಕರು ಇಚ್ಛಿಸದ ಚಾನಲ್ಗಳನ್ನೂ ಕೊಡುತ್ತಿದ್ದಾರೆ ಎಂಬ ದೂರು ಬಂದಿದೆ. ಆದ್ದರಿಂದ ಸರ್ಕಾರಿ ಕೇಬಲ್ ಟಿವಿ ಸೇವೆ ಆರಂಭಿಸಲು ಯೋಚಿಸುತ್ತಿದೆ ಎಂದು ತಿಳಿಸಿದರು. [ಕೇಬಲ್ ಟಿವಿ ನೋಡಲು ಹೆಚ್ಚು ಹಣ ಪಾವತಿಸಿ]
ತಮಿಳುನಾಡಿನಲ್ಲಿ ಅಲ್ಲಿನ ಸರ್ಕಾರ ಈಗಾಗಲೇ ಪ್ರತಿ ಮನೆಗೆ ಮಾಸಿಕ 100 ರೂ. ಶುಲ್ಕಕ್ಕೆ ಕೇಬಲ್ ಸೇವೆ ನೀಡುತ್ತಿದೆ. ಇದೇ ಮಾದರಿಯನ್ನು ಕರ್ನಾಟಕದಲ್ಲೂ ಅನುಸರಿಸಲು ಯೋಜಿಸಲಾಗಿದೆ ಎಂದು ರೋಶನ್ ಬೇಗ್ ತಿಳಿಸಿದರು. [ಹಲವೆಡೆ ಟಿವಿ9, ನ್ಯೂಸ್ 9 ಪ್ರಸಾರ ಇಲ್ಲ]
ಈ ಯೋಜನೆ ಜಾರಿಗೆ ಕೇಂದ್ರ ಸರ್ಕಾರದ ಒಪ್ಪಿಗೆ ಬೇಕಾಗುತ್ತದೆ. ಆದ್ದರಿಂದ ಶೀಘ್ರ ಕೇಂದ್ರದ ಮಾಹಿತಿ ಮತ್ತು ವಾರ್ತಾ ಪ್ರಸಾರ ಇಲಾಖೆ ಸಚಿವ ರವಿಶಂಕರ ಪ್ರಸಾದ ಅವರನ್ನು ಭೇಟಿಯಾಗಿ ಚರ್ಚಿಸುವುದಾಗಿ ರೋಷನ್ ಬೇಗ್ ತಿಳಿಸಿದ್ದಾರೆ.
Click it and Unblock the Notifications
Sign in with Google