• search
  • Live TV
ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಜಲ ಜಾಗೃತಿಗೆ ವಿಶೇಷ 'ಸಬ್‌ಮರ್ಜ್' ಪ್ರದರ್ಶನ ಮೇಳ

|

ಬೆಂಗಳೂರು, ಡಿಸೆಂಬರ್ 17:ನೀರಿನ ಸಂರಕ್ಷಣೆ ಕುರಿತು ಸ್ಮಿತ್ ಸೋನಿಯನ್ ಅಂಡ್ ಸ್ಮಿತ್ ಸೋನಿಯನ್ ಟ್ರಾವೆಲ್ ಎಕ್ಸಿಬಿಷನ್ ಸರ್ವೀಸ್ ಕಂಪನಿ ಹಾಗೂ ಸೈನ್ಸ್‌ ಗ್ಯಾಲರಿ ಬೆಂಗಳೂರು ಸಂಸ್ಥೆಯ ಸಹಯೋಗದಲ್ಲಿ 45 ದಿನಗಳ ವಿಶೇಷ ಪ್ರದರ್ಶನ ಮೇಳೆ ಆಯೋಜಿಸಲಾಗಿದೆ.

ಮುಂದಿನ 45 ದಿನಗಳ ಕಾಲ ನಡೆಯಲಿರುವ ಈ ಪ್ರದರ್ಶನ ಮೇಳದಲ್ಲಿ ನೀರಿನ ಸಂರಕ್ಷಣೆ ಕುರಿತಂತೆ ಪ್ರದರ್ಶನ ಮೇಳದಲ್ಲಿ ವಿಭಿನ್ನ ಮಾದರಿಗಳನ್ನು ಪ್ರಸ್ತುತಪಡಿಸಲಾಗುತ್ತದೆ.

ನೀರಿನ ಅಗತ್ಯ, ಬಳಕೆ ಹಾಗೂ ನೀರಿನ ಸಂರಕ್ಷಣೆ ಮಾಡದಿದ್ದರೆ ಮುಂದೆ ಎದುರಿಸಬೇಕಾಗಬಹುದಾದ ಸವಾಲುಗಳ ಕುರಿತು ಮಕ್ಕಳಿಗೆ , ಸಾರ್ವಜನಿಕರಿಗೆ ಅರಿವು ಮೂಡಿಸಲಾಗುತ್ತದೆ.

ಅದಲ್ಲದೆ ಹೀಗೆ ನೀರಿನ ದುರ್ಬಳಕೆ ಮುಂದುವರೆಸಿ ಒಂದೊಮ್ಮೆ ಭವಿಷ್ಯದಲ್ಲಿ ನೀರೇ ಇಲ್ಲದಿದ್ದರೆ ಏನಾಗಬಹುದು ಎನ್ನುವುದನ್ನು ತಿಳಿಸಲಾಗುತ್ತದೆ.

ಇದಕ್ಕಾಗಿಯೇ ಸುಮಾರು 12 ವಿಶೇಷ ಮಾದರಿಗಳನ್ನು ಸಂಸ್ಥೆ ಪ್ರದರ್ಶನ ಮೇಳದಲ್ಲಿ ಇರಿಸಿದೆ.

ಈ ಕಾರ್ಯಕ್ರಮದ ಕುರಿತು ಮಾತನಾಡಿರುವ ರಾಜ್ಯ ಸರ್ಕಾರದ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಐಎನ್ಎಸ್ ಪ್ರಸಾದ್ ದೇಶ ಹಾಗೂ ಬೆಂಗಳೂರು ನಗರಕ್ಕೆ ನೀರಿನ ರಕ್ಷಣೆ ಅತಿ ಪ್ರಮುಖ ಕಾರ್ಯವಾಗಿದೆ.

ಬೆಂಗಳೂರು ನಾಗರಿಕರು ಅದರಲ್ಲೂ ವಿಶೇಷವಾಗಿ ಯುವಜನತೆಯಲ್ಲಿ ನೀರಿನ ಸಂರಕ್ಷಣೆ ಬಗ್ಗೆ ಜಾಗೃತಿ ಮೂಡಿಸುವಲ್ಲಿ ಈ ಕಾರ್ಯಕ್ರಮ ಪ್ರಮುಖ ಪಾತ್ರವಹಿಸಲಿದೆ ಎಂದಿದ್ದಾರೆ.

ವಿಜ್ಞಾನವನ್ನು ಜನರ ಬಳಿಗೆ ತಂದು ನೀರಿನ ರಕ್ಷಣೆ ಹೇಗೆ ಮಾಡಬಹುದು ಎನ್ನುವುದನ್ನು ಸಂಸ್ಥೆ ಮಾಡಿ ತೋರಿಸುತ್ತಿದೆ. ಇದು ಬೆಂಗಳೂರಿಗೆ ಹೊಸ ಟ್ರೇಡ್ ಮಾರ್ಕ್ ಆಗಲಿದೆ ಎಂದು ಬಯೋಕಾನ್ ಮುಖ್ಯಸ್ಥೆ ಕಿರಣ್ ಮಜುಂದಾರ್ ಷಾ ಹೇಳಿದ್ದಾರೆ.

ಈ ಪ್ರದರ್ಶನದಲ್ಲಿ 12 ವಿಭಿನ್ನ ಮಾದರಿ ತಯಾರಿಸಲಾಗಿದ್ದು, ಇದರಲ್ಲಿ ನೀರನ್ನು ಭೂಮಿಯ ಒಂದು ಸಂಪನ್ಮೂಲದ ಹೊರತಾಗಿಯೂ ವಿಭಿನ್ನ ಅಗತ್ಯದ ಬಗ್ಗೆ ವಿವರಿಸಲಾಗಿದೆ. ಈ ಪ್ರದರ್ಶನ ಮೇಳದಲ್ಲಿ ಕಾರ್ಯಾಗಾರ, ಸರಣಿ ಉಪನ್ಯಾಸ ತರಗತಿಗಳು ಇರಲಿವೆ.

ಈ ಕಾರ್ಯಾಗಾರವು ಡಿಸೆಂಬರ್ 15ರಂದು ಆರಂಭವಾಗಿದ್ದು, ಜನವರಿ 30ರವರೆಗೆ ದೊಮ್ಮಲೂರಿನ ಬೆಂಗಳೂರು ಇಂಟರ್‌ನ್ಯಾಷನಲ್ ಸೆಂಟರ್‌ನಲ್ಲಿ ನಡೆಯಲಿದೆ.

ಸೋಮವಾರದಿಂದ ಶುಕ್ರವಾರದವರೆಗೆ ಮಧ್ಯಾಹ್ನ 1ರಿಂದ ರಿಂದ ರಾತ್ರಿ 9 ವಾರಾಂತ್ಯದಲ್ಲಿ ಬೆಳಗ್ಗೆ 11ರಿಂದ ರಾತ್ರಿ 9ರವರೆಗೆ ನಡೆಯಲಿದೆ.

English summary
Science Gallery Bengaluru Conductiong First Ever Exhibition session on Water. This Sub Merge Programme will make awareness on usage of water.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X