ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಟಿ 2 ರಿಂದ ಆರಂಭವಾಗಬೇಕಿದ್ದ ಕಾರ್ಯಾಚರಣೆ ಮುಂದೂಡಿಕೆ

ಬೆಂಗಳೂರು, ಆಗಸ್ಟ್ 30: ಬೆಂಗಳೂರಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್‌ 2 ರಿಂದ ಆಗಸ್ಟ್ 31 ರಂದು ಆರಂಭಿಸಬೇಕಿದ್ದ ಕಾರ್ಯಾಚರಣೆಯನ್ನು ಮುಂಡೂಡಲಾಗಿದ್ದು, ಹೊಸ ದಿನಾಂಕವನ್ನು ಶೀಘ್ರದಲ್ಲೇ ಘೋಷಿಸಲಾಗುತ್ತದೆ.

ಆಗಸ್ಟ್ 31 ರಂದು ಬೆಳಿಗ್ಗೆ 10:45 ರಿಂದ ಹೊರಡುವ ಮತ್ತು ಆಗಮಿಸುವ ಎಲ್ಲಾ ಅಂತರರಾಷ್ಟ್ರೀಯ ವಿಮಾನಗಳು ಟರ್ಮಿನಲ್‌ 2 ನಿಂದ ಕಾರ್ಯಾಚರಣೆಯನ್ನು ಪ್ರಾರಂಭಿಸುತ್ತವೆ ಎಂದು ಈ ಹಿಂದೆ ತಿಳಿಸಲಾಗಿತ್ತು.

ಏರ್‌ ಇಂಡಿಯಾ ಹಾಗೂ ಇಂಡಿಗೋ ಏರಲೈನ್ಸ್‌ ಈ ಎರಡು ಭಾರತೀಯ ಸಂಸ್ಥೆ ಸೇರಿ ಒಟ್ಟು 27 ವಿಮಾನಯಾನ ಸಂಸ್ಥೆಗಳು T1 ನಿಂದ ವಿಶಾಲವಾದ T2ಗೆ ಸ್ಥಳಾಂತರಗೊಂಡವರು. ಈ ಎಲ್ಲ ಸಂಸ್ಥೆಗಳು ಇನ್ಮುಂದೆ ಟರ್ಮಿನಲ್ 2ನಿಂದಲೇ ಕಾರ್ಯಾಚರಣೆ ನಡೆಸಲಿವೆ ಎಂದು ತಿಳಿಸಲಾಗಿತ್ತು

ಸಿಂಗಪುರ ಏರ್‌ಲೈನ್ಸ್‌ನ (SQ 508) ಟಿ2 ನಲ್ಲಿ 10.55 ಕ್ಕೆ ಲ್ಯಾಂಡ್‌ ಆಗಲಿರುವ ಮೊದಲ ಅಂತಾರಾಷ್ಟ್ರೀಯ ವಿಮಾನ ಆಗಿದೆ. ಇನ್ನೂ 11.45 ಕ್ಕೆ ಸಿಂಗಾಪುರಕ್ಕೆ ಹೊರಡುವ (SQ 509) ಮೊದಲ ವಿಮಾನ ಟಿ2ನಿಂದ ಹಾರಲಿದೆ ಎಂದು ಏರ್‌ಪೋರ್ಟ್ ಅಧಿಕಾರಿಗಳು ಮಾಹಿತಿ ನೀಡಿದ್ದರು.

Breaking: @BLRAirport postpones shifting of international operations to Terminal 2 of Kempegowda International Airport, Bengaluru which was originally scheduled for August 31, 2023.

New date will be announced on Wednesday. https://t.co/GCJh2wbSkA

— ChristinMathewPhilip (@ChristinMP_) August 30, 2023

25 ಅಂತಾರಾಷ್ಟ್ರೀಯ (ಎತಿಹಾದ್, ಕ್ವಾಂಟಾಸ್, ಬ್ರಿಟಿಷ್ ಏರ್‌ವೇಸ್ ಮತ್ತು ಕತಾರ್ ಏರ್‌ವೇಸ್) ಸಂಸ್ಥೆಯ ವಿಮಾನಗಳು ಟರ್ಮಿನಲ್ 2ನಿಂದಲೇ ಪೂರ್ಣ ಪ್ರಮಾಣದ ಕಾರ್ಯಾಚರಣೆ ನಡೆಸಲಿವೆ. ಇದರೊಂದಿಗೆ ಏರ್‌ ಇಂಡಿಯಾ ಮತ್ತು ಇಂಡಿಗೋ ಇವೆರೆಡು ಮಾತ್ರ ಇಲ್ಲಿಂದ ಸೇವೆ ನೀಡಲಿರುವ ಭಾರತೀಯ ನಾಗರಿಕ ವಿಮಾನಯಾನ ಸಂಸ್ಥೆಗಳಾಗಿವೆ.

ಒಟ್ಟು ಸುಮಾರು 27 ವಿಮಾನಯಾನ ಸಂಸ್ಥೆಗಳು ಟಿ1ನಿಂದ ಟಿ2 ಗೆ ಸ್ಥಳಾಂತರಗೊಂಡರೆ, ಇನ್ನುಳಿದ ಸುಮಾರು 200 ವಿಮಾನಗಳನ್ನು ಒಳಗೊಂಡ ಇಂಡಿಗೋ ಸಂಸ್ಥೆ ದೇಶೀಯ ಕಾರ್ಯಾಚರಣೆಗಳು T1 ನಿಂದಲೇ ಸೇವೆ ಮುಂದುವರಿಸಲಿವೆ. ಇದರಲ್ಲಿ ಯಾವ ಬದಲಾವಣೆಗಳು ಇಲ್ಲ ಎಂದು ಹೇಳಲಾಗಿದೆ.

ಕೆಐಎನ ಟರ್ಮಿನಲ್ 2ರ ಹಂತ 1 ಅನ್ನು ಟರ್ಮಿನಲ್ ಇನ್ ಎ ಗಾರ್ಡನ್ ಎಂದು ಹೆಸರಿಸಲಾಗಿದೆ. ಇದು ಬೆಂಗಳೂರು ಉದ್ಯಾನ ನಗರಿಯ ಪ್ರತಿಬಿಂಬದಂತೆ ನಿರ್ಮಿಸಲಾಗಿದೆ. ಸುಮಾರು 5,000 ಕೋಟಿ ರೂ. ಅಂದಾಜು ವೆಚ್ಚದಲ್ಲಿ ನಿರ್ಮಾಣ ಮಾಡಲಾಗಿದೆ. ಕಳೆದ 9 ತಿಂಗಳ ಹಿಂದೆ 2022ರ ನವೆಂಬರ್ ನಲ್ಲಿ ಪ್ರಧಾನಮಂತ್ರಿಗಳಿಂದ ಟಿ2 ಉದ್ಘಾಟನೆಗೊಂಡಿದೆ. ಅದಾದ ಬಳಿಕ 2023ರ ಜನವರಿ 15ರಿಂದ ಟಿ2 ಮೂಲಕ ಭಾರತೀಯ ಮೂಲದ ಸಂಸ್ಥೆಯಿಂದ ವಿಮಾನ ಕಾರ್ಯಾಚರಣೆ ಆರಂಭವಾಯಿತು.

English summary

The operation which was supposed to start from Terminal 2 of bengaluru Kempegowda International Airport on August 31 has been postponed and the new date will be announced soon.