ಬೆಂಗಳೂರಿನಿಂದ ಹೊಸ ಮಾರ್ಗದಲ್ಲಿ ಹಲವು ವಿಮಾನಗಳ ಸಂಚಾರ
ಬೆಂಗಳೂರು, ಸೆಪ್ಟೆಂಬರ್ 25 : ಬೆಂಗಳೂರಿನ ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಹಲವು ಹೊಸ ವಿಮಾನ ಸೇವೆಗಳು ಆರಂಭವಾಗಲಿದೆ. ಅಕ್ಟೋಬರ್ ಮತ್ತು ನವೆಂಬರ್ ತಿಂಗಳಿನಲ್ಲಿ ಹೊಸ ವಿಮಾನಗಳ ಹಾರಾಟ ಆರಂಭಿಸಲಿವೆ.
ಮಂಗಳೂರು, ವಾರಣಾಸಿ, ಉದಯ್ಪುರ, ರಾಯ್ಪುರ, ಕೊಯಮತ್ತೂರು ಸೇರಿದಂತೆ ವಿವಿಧ ಪ್ರದೇಶಗಳಿಗೆ ಹೊಸ ವಿಮಾನಗಳ ಸೇವೆ ಆರಂಭವಾಗಲಿದೆ. ಇಂಡಿಗೋ, ಸ್ಪೈಸ್ ಜೆಟ್ ವಿಮಾನಯಾನ ಸಂಸ್ಥೆಗಳು ಹೊಸ ಮಾರ್ಗದಲ್ಲಿ ಹಾರಾಟ ಪ್ರಾರಂಭ ಮಾಡಲಿವೆ.
ಇಂಡಿಗೂ ಸಂಸ್ಥೆ ಒಟ್ಟು 9 ವಿಮಾನ ಸೇವೆಯನ್ನು ಆರಂಭಿಸಲಿದೆ. ಇವುಗಳಲ್ಲಿ 8 ದೇಶಿಯ ಮತ್ತು 1 ಅಂತರರಾಷ್ಟ್ರೀಯ ವಿಮಾನವಾಗಿದೆ.
ವಿಮಾನಗಳ ಪಟ್ಟಿ
* ಸ್ಪೈಸ್ ಜೆಟ್ ಅಕ್ಟೋಬರ್ 1 ರಿಂದ ಬೆಂಗಳೂರು-ಮಂಗಳೂರು ವಿಮಾನ ಸೇವೆ ಆರಂಭಿಸಲಿದೆ. ವಾರದಲ್ಲಿ ಆರು ದಿನಗಳ ಕಾಲ ಈ ವಿಮಾನ ಹಾರಾಟ ನಡೆಸಲಿದೆ.
* ಬೆಂಗಳೂರು-ಕೊಯಮತ್ತೂರು ನಡುವೆ 2 ನೇರ ವಿಮಾನಗಳನ್ನು ಸ್ಪೈಸ್ ಜೆಟ್ ಆರಂಭಿಸಲಿದೆ. ಈ ವಿಮಾನಗಳು ಸಹ ವಾರದಲ್ಲಿ 6 ದಿನಗಳ ಕಾಲ ಸಂಚಾರ ನಡೆಸಲಿವೆ.
* ಅಕ್ಟೋಬರ್ 8ರಿಂದ ಸ್ಪೈಸ್ ಜೆಟ್ ಮಧುರೈ, ನವೆಂಬರ್ 7ರಿಂದ ವಾರಣಾಸಿ ಮತ್ತು ಉದಯ್ಪುರ್ ನಡುವೆ ವಿಮಾನ ಹಾರಾಟ ಆರಂಭಿಸಲಿದೆ.
* ಅಕ್ಟೋಬರ್ 28ರಿಂದ ಇಂಡಿಗೋ ವಿಮಾನ ನೇರವಾಗಿ ಪುಣೆಗೆ ಸಂಚಾರ ಆರಂಭಿಸಲಿದೆ.
* ನವೆಂಬರ್ 1 ರಿಂದ ಇಂಡಿಗೋ ಚೆನ್ನೈ ಮತ್ತು ರಾಯಪುರಕ್ಕೆ ವಿಮಾನ ಹಾರಾಟ ಪ್ರಾರಂಭ ಮಾಡಲಿದೆ.
* ನವೆಂಬರ್ 15ರಿಂದ ಇಂಡಿಗೋ ಅಗರ್ತಾಲ, ಅಲಹಾಬಾದ್, ಇಂದೋರ್, ವಡೋದರ, ಬಿಹಾರಕ್ಕೆ ಹಾರಾಟ ನಡೆಸಲಿದೆ.
* ಅಕ್ಟೋಬರ್ 27ರಿಂದ ಬೆಂಗಳೂರು-ಬ್ಯಾಂಕಾಕ್ ನಡುವೆ ನೇರ ವಿಮಾನ ಹಾರಾಟವನ್ನು ಇಂಡಿಗೋ ಆರಂಭಿಸಲಿದೆ.
Click it and Unblock the Notifications
Sign in with Google