ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ಹೆಂಡತಿ ಮೇಲೆ ಆಸಿಡ್ ಎರಚಿದ ಪತಿರಾಯ

|
Google Oneindia Kannada News

ಬೆಂಗಳೂರು, ಸೆ. 22 : ಪತಿಯೇ ಪತ್ನಿ ಮೇಲೆ ಆಸಿಡ್‌ ಎರಚಿರುವ ಅಮಾನವೀಯ ಘಟನೆ ವರ್ತೂರಿನ ಗಾಂಧಿ ವೃತ್ತದ ಬಳಿ ಶನಿವಾರ ನಡೆದಿದೆ.

ಉಲ್ಫತ್ ಬಾನು (27) ಆಸಿಡ್‌ ದಾಳಿಗೊಳಗಾದ ಮಹಿಳೆ. ಈಕೆಯ ಪತಿ ಫೈರೋಜ್‌ ಖಾನ್ ಆಸಿಡ್‌ ದಾಳಿ ಮಾಡಿದ್ದು ಆತನನ್ನು ಬಂಧಿಸಲಾಗಿದೆ. ದಾಳಿಯಿಂದ ಉಲ್ಫತ್ ಬಾನು ಅವರಿಗೆ ಗಂಭೀರ ಗಾಯಗಳಾಗಿದೆ.(ಭಗ್ನ ಪ್ರೇಮ: ಯುವತಿಯ ಮುಖಕ್ಕೆ ಆಸಿಡ್)

acid
ಕಾರು ಚಾಲಕನಾಗಿ ಕೆಲಸ ಮಾಡಿಕೊಂಡಿದ್ದ ಫೈರೋಜ್‌ ಖಾನ್ 12 ವರ್ಷದ ಹಿಂದೆ ಉಲ್ಫತ್ ಬಾನು ಅವರನ್ನು ಮದಿವೆಯಾಗಿದ್ದ. ದಂಪತಿಗೆ ಇಬ್ಬರು ಮಕ್ಕಳಿದ್ದು ಗಂಡ-ಹೆಂಡತಿ ನಡುವೆ ಆಗಾಗ ಗಲಾಟೆ ನಡೆಯುತ್ತಿತ್ತು.

ಶನಿವಾರ ಸಂಜೆ ಮತ್ತೆ ಗಲಾಟೆ ನಡೆದಿದ್ದು ಪರಿಸ್ಥಿತಿ ವಿಕೋಪಕ್ಕೆ ಹೋಗಿದೆ. ಈ ವೇಳೆ ತಾಳ್ಮೆ ಕಳೆದುಕೊಂಡ ಫೈರೋಜ್‌ ಖಾನ್ ಟಾಯ್ಲೆಟ್‌ ಸ್ವಚ್ಛ ಮಾಡಲು ತಂದಿದ್ದ ಆಸಿಡ್‌ನ್ನು ಹೆಂಡತಿಯ ಮೇಲೆ ಎರಚಿದ್ದಾನೆ. ಕಿರುಚಿಕೊಳ್ಳುತ್ತಾ ಬೀದಿಗೆ ಬಂದ ಉಲ್ಫತ್ ಬಾನು ಅವರನ್ನು ಅಕ್ಕಪಕ್ಕದವರು ನಿಮ್ಹಾನ್ಸ್‌ಗೆ ದಾಖಲಿಸಿದ್ದಾರೆ. ಮುಖ, ಭುಜ ಮತ್ತು ಎದೆಯ ಭಾಗದಲ್ಲಿ ಗಂಭೀರ ಗಾಯಗಳಾಗಿರುವ ಉಲ್ಫತ್ ಬಾನು ಅವರನ್ನು ತುರ್ತು ನಿಗಾ ಘಟಕದಲ್ಲಿ ಇರಿಸಲಾಗಿದೆ.(c)

ಉಮಾಶ್ರೀ ಭೇಟಿ
ಆಸ್ಪತ್ರೆಗೆ ಭೇಟಿ ನೀಡಿದ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಸಚಿವೆ ಉಮಾಶ್ರೀ, ಸಂತ್ರಸ್ತೆಗೆ ತಕ್ಷಣ ಒಂದು ಲಕ್ಷ ರೂ. ಪರಿಹಾರ ಘೋಷಿಸಿದರು. ಘಟನೆಯ ಸಂಪೂರ್ಣ ತನಿಖೆ ನಡೆಸಲಾಗುವುದು. ಇಂಥ ಘಟನೆಗಳು ನಾಗರಿಕ ಸಮಾಜಕವನ್ನು ಅಪಹಾಸ್ಯ ಮಾಡುತ್ತವೆ, ಈ ಬಗ್ಗೆ ರಾಜ್ಯ ಮಹಿಳಾ ಘಟಕದೊಂದಿಗೂ ಚರ್ಚೆ ಮಾಡಲಾಗುವುದು ಎಂದು ತಿಳಿಸಿದರು.

English summary
Woman suffered burns on her face and hands after her husband threw acid at her at their home near Gandhi Circle under Varthur police station limits on Saturday. According to the police, Firoze Khan (33), a driver, attacked his wife Ulfat Banu following a heated argument. Hearing her screams, the neighbours intervened and rushed her to Victoria Hospital.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X