ಕರಣಂ ಅವರ 'ಕರ್ಮ' ಇ ಬುಕ್ ರೂಪದಲ್ಲಿ ಈಗ ಲಭ್ಯ
ಬೆಂಗಳೂರು, ಜುಲೈ 21: ಸಾಹಿತ್ಯ ದಿಗ್ಗಜ ಎಸ್ ಎಲ್ ಭೈರಪ್ಪ ಅವರಿಂದ ಮೆಚ್ಚುಗೆ ಪಡೆದ ಕರಣಂ ಪವನ್ ಪ್ರಸಾದ್ ಅವರ ಚೊಚ್ಚಲ ಕನ್ನಡ ಕಾದಂಬರಿ ಈಗ ಇ-ಬುಕ್ ರೂಪದಲ್ಲಿ ಲಭ್ಯವಿದೆ. ಲಂಡನ್ ಮತ್ತು ಧಾರವಾಡವನ್ನು ಕೇಂದ್ರವಾಗಿರಿಸಿಕೊಂಡು www.vividlipi.com ಅಂತರ್ಜಾಲ ತಾಣದ ಉತ್ಸಾಹಿ ಸಾಹಿತ್ಯಾಸಕ್ತ ತಂಡ "ಕರ್ಮ" ಕಾದಂಬರಿಯ ಇ-ಬುಕ್ ಅನ್ನು ತಮ್ಮ ತಾಣದ ಮೂಲಕ ಎಲ್ಲರಿಗೂ ತಲುಪಿಸಲು ಸಜ್ಜಾಗಿದ್ದಾರೆ.
ಈ ಮೂಲಕದ ಸಾಹಿತ್ಯಾಸಕ್ತರು ಬೆರಳಂಚಿನಲ್ಲಿ ಕಾದಂಬರಿಯನ್ನು ಖರೀದಿಸಿ ಡೌನ್ ಲೋಡ್ ಮಾಡಿಕೊಂಡು ತಮ್ಮ ಎಲೆಕ್ಟ್ರಾನಿಕ್ ಉಪಕರಣದಲ್ಲಿ ಓದಬಹುದಾಗಿದೆ. ಈ ಬಗ್ಗೆ ಮಾತನಾಡಿದ ಲೇಖಕ ಕರಣಂ ಪವನ್ ಪ್ರಸಾದ್, ಇ-ಬುಕ್ ಆವೃತ್ತಿ ಮುಖ್ಯವಾಗಿ ಅನಿವಾಸಿ ಭಾರತೀಯರನ್ನು ಗುರಿಯಾಗಿಸಿಕೊಂಡು ಹೊರ ತರಲಾಗಿದೆ.[ತಮಸ್ಸಿನಿಂದ ಸತ್ಯದ ತೇಜಸ್ಸಿನೆಡೆಗೆ ದಾರಿ ತೋರುವ 'ನನ್ನಿ']
ಮುಂದಿನ ಹಂತದಲ್ಲಿ ನನ್ನ ಇತರ ಕೃತಿಗಳಾದ 'ನನ್ನಿ', 'ಪುರಹರ' ಇವುಗಳನ್ನು ಸಹ ಇ-ಬುಕ್ ಆವೃತ್ತಿಯಲ್ಲಿ ಹೊರತರಲಾಗುವುದು. ಈ ಅಂತರ್ಜಾಲ ತಾಣದಲ್ಲಿ ಪ್ರಚಲಿತದಲ್ಲಿರುವ ಇತರ ಲೇಖಕರಾದ ಯುಆರ್ ಅನಂತಮೂರ್ತಿ, ಗಿರೀಶ್ ಕಾರ್ನಾಡ್, ವಿವೇಕ್ ಶಾನಭಾಗ್ ಅವರ ಕೃತಿಗಳ ಇ-ಪುಸ್ತಕ ಆವೃತ್ತಿ ಕೂಡ ಲಭ್ಯವಿದೆ ಕೊಂಡು ಓದಿ' ಎಂದರು.['ನನ್ನಿ' ಎಂದರೆ ನನ್ ಓರ್ವಳ ಸತ್ಯಾನ್ವೇಷಣೆಯ ಕಥೆ]
* ಎಲ್ಲಿ ಖರೀದಿಸಬಹುದು : ಇ- ಪುಸ್ತಕಗಳನ್ನು ಖರೀದಿಸಿ...ಓದಿರಿ..ವಿವಿಡ್ಲಿಪಿಯಲ್ಲಿ.. www.vividlipi.com
* ಕರ್ಮ ಕೃತಿ ಡೌನ್ ಲೋಡ್ ಮಾಡಲು ಈ ಲಿಂಕ್ ಕ್ಲಿಕ್ ಮಾಡಿ
* ಆಂಡ್ರಾಯ್ಡ್ ಮತ್ತು ವಿಂಡೋಸ್ ಡೆಸ್ಕ್ ಟಾಪ್ ಅಪ್ಲಿಕೇಷನ್ ರೂಪದಲ್ಲಿ ಲಭ್ಯ
* ಶೀಘ್ರದಲ್ಲಿ ಧ್ವನಿ ಮುದ್ರಿತ ಪುಸ್ತಕಗಳು (ಆಡಿಯೋ ಪುಸ್ತಕಗಳು) ವಿವಿಡ್ಲಿಪಿಯಲ್ಲಿ...
* ಗೂಗಲ್ ಪ್ಲೇ ಸ್ಟೋರ್ ನಲ್ಲಿರುವ ವಿವಿಡ್ ಲಿಪಿ ಅಪ್ಲಿಕೇಷನ್ ಡೌನ್ ಲೋಡ್ ಲಿಂಕ್ ಇಲ್ಲಿದೆ[ಭೈರಪ್ಪ ಹೊಗಳಿದ 'ಕರ್ಮ' ಕೃತಿ ವಿಶ್ವದೆಲ್ಲೆಡೆ ಲಭ್ಯ]
* ವಿವಿಡ್ಲಿಪಿ ತಂಡ ಆನ್ ಲೈನ್ ಪುಸ್ತಕ ಮಾರಾಟವಲ್ಲದೆ, ಸಾಹಿತ್ಯ ಹಾಗೂ ನಾಟಕಗಳ ಲೈವ್ ಸ್ಟ್ರೀಮಿಂಗ್ ಗೂ ಮುಂದಾಗಿದೆ.
ಕರ್ಮ ಕೃತಿ ಬಗ್ಗೆ : ಭೌತಿಕವಾಗಿಯೂ ಪಾರಮಾರ್ಥಿಕವಾಗಿಯೂ ಶ್ರದ್ಧೆ ಮತ್ತು ನಂಬಿಕೆಯ ನಡುವಿನ ವ್ಯತ್ಯಾಸ ಇದ್ದೇ ಇದೆ. ಈ ವ್ಯತ್ಯಾಸವನ್ನು ಪ್ರಾಯೋಗಿಕವಾಗಿ ಈ ಕೃತಿಯಲ್ಲಿ ಚರ್ಚಿಸಲಾಗಿದೆ.
ಪ್ರಸ್ತುತ ನಗರ ಸಮಾಜದಲ್ಲಿನ ವ್ಯಕ್ತಿ ತನ್ನ ತಂದೆಯ ಸಾವಿನ ನಂತರ ತನ್ನ ಊರಿಗೆ ಅಪ್ಪನ ಕ್ರಿಯೆ ಮಾಡಲು ಹೋಗಿ ಆ ಅಪರಕ್ರಿಯೆಯ ದಿನಗಳಲ್ಲಿ ಸಂಭವಿಸುವ ತೊಳಲಾಟ, ಭೂತ, ವರ್ತಮಾನಗಳ ಜಗ್ಗಾಟ, ಬಂಧಗಳ ಮನೋ ವ್ಯಾಪಾರ ಇವೆಲ್ಲವನ್ನೂ ಸಮಕಾಲೀನ ಶೈಲಿಯಲ್ಲಿ ಕಟ್ಟಿಕೊಟ್ಟಿರುವ ಕಾದಂಬರಿ ಕರ್ಮ.
ಬಿಡುಗಡೆಯಾದ ಎರಡೇ ವರ್ಷದಲ್ಲಿ ನಾಲ್ಕು ಮುದ್ರಣಗಳನ್ನು ಕಂಡಿರುವ ಈ ಕೃತಿ ಅಪಾರ ಜನಮನ್ನಣೆ ಮತ್ತು ತಾತ್ವಿಕ ಚರ್ಚೆಯನ್ನು ಸಾಹಿತ್ಯ ವಲಯದಲ್ಲಿ ಹುಟ್ಟುಹಾಕಿದೆ. ನಾಟಕಕಾರ ಮತ್ತು ಕಾದಂಬರಿಕಾರರಾದ ಕರಣಂ ಪವನ್ ಪ್ರಸಾದರ ಮೊದಲ ಕಾದಂಬರಿಯಿದು. (ಒನ್ಇಂಡಿಯಾ ಸುದ್ದಿ)
Click it and Unblock the Notifications
Sign in with Google