Prevent Pickle in Monsoon: ಮಳೆಗಾಲದಲ್ಲಿ ಉಪ್ಪಿನಕಾಯಿ ಕೆಡಬಾರದೇ? ಹೀಗೆ ಮಾಡಿ..
ಮುಂಗಾರು ಹಂಗಾಮಿನಲ್ಲಿ ಆಹಾರ ಸಂಗ್ರಹಿಸುವುದು ದೊಡ್ಡ ಸವಾಲಿನ ಕೆಲಸ. ಮಳೆಗಾಲದಲ್ಲಿ ಗಾಳಿಯಲ್ಲಿ ತೇವಾಂಶ ಹೆಚ್ಚಿರುತ್ತದೆ. ಹಾಗಾಗಿ ಆಹಾರ ಪದಾರ್ಥಗಳು ಹೆಚ್ಚಾಗಿ ಹಾಳಾಗುತ್ತವೆ. ಅದರಲ್ಲೂ ಮಳೆಗಾಲದಲ್ಲಿ ಉಪ್ಪಿನಕಾಯಿ ಬೇಗ ಕೆಡುತ್ತದೆ.
ಉಪ್ಪಿನಕಾಯಿಯನ್ನು ಇಷ್ಟಪಡದವರೇ ಇಲ್ಲ. ಉಪ್ಪಿನಕಾಯಿ ಒಂದು ಪ್ರಮುಖ ಆಹಾರ ಪದಾರ್ಥವಾಗಿದ್ದು ಅದನ್ನು ದೀರ್ಘಕಾಲದವರೆಗೆ ಸಂಗ್ರಹಿಸುವುದು ಅತ್ಯಗತ್ಯ. ಬಿಸಿ ಅನ್ನ ಅಥವಾ ಬಿಸಿ ರೊಟ್ಟಿಗೆ ಈ ಉಪ್ಪಿನಕಾಯಿ ಹಾಕಿಕೊಂಡು ತಿಂದರೆ ಅದರ ರುಚಿಯೇ ಬೇರೆ. ಸಾಮಾನ್ಯವಾಗಿ ಉಪ್ಪಿನಕಾಯಿಗೆ ಭಾರತೀಯ ಊಟದಲ್ಲಿ ವಿಶೇಷ ಸ್ಥಾನವಿದೆ.
ಸಾಮಾನ್ಯವಾಗಿ ಮನೆಯಲ್ಲಿ ನಮಗೆ ಇಷ್ಟವಿಲ್ಲದ ಅಡುಗೆ ಮಾಡಿದಾಗಲೆಲ್ಲ. ಅಡುಗೆ ಮನೆಯಲ್ಲಿ ಉಪ್ಪಿನಕಾಯಿ ಹುಡುಕಲು ಶುರು ಮಾಡುತ್ತೇವೆ. ಉಪ್ಪಿನಕಾಯಿ ಎಲ್ಲರಿಗೂ ಮೊದಲ ಆಯ್ಕೆಯಾಗಿದೆ. ಆದರೆ ಉಪ್ಪಿನಕಾಯಿ ಅನ್ನದಷ್ಟು ಚಪಾತಿಯಷ್ಟು ಬೇಗ ಖಾಲಿಯಾಗುವುದಿಲ್ಲ. ಇದು ಕಡಿಮೆ ಪ್ರಮಾಣದಲ್ಲೇ ಹೆಚ್ಚು ರುಚಿಯನ್ನು ನೀಡುತ್ತದೆ.
ಒಮ್ಮೆ ಇದನ್ನು ತಯಾರಿಸಿದರೆ ಒಂದು ಅಥವಾ ಎರಡು ವರ್ಷಕ್ಕೆ ಆಗುವಷ್ಟು ತಯಾರಿಸಲಾಗುತ್ತದೆ. ಹೀಗಾಗಿ ಇದರ ಸಂಗ್ರಹದ ಬಗ್ಗೆ ಹೆಚ್ಚು ಕಾಳಜಿ ವಹಿಸುವುದು ಮುಖ್ಯ. ಹಾಗಾದರೆ ಮಳೆಗಾಲದಲ್ಲಿ ಉಪ್ಪಿನಕಾಯಿ ಸಂಗ್ರಹ ಮಾಡುವುದು ಹೇಗೆ ಎನ್ನುವುದರ ಸಲಹೆಗಳು ಇಲ್ಲಿದೆ.
ಮಳೆಗಾಲದಲ್ಲಿ ಉಪ್ಪಿನಕಾಯಿ ಕೆಡದಂತೆ ಕಾಪಾಡುವುದು ಹೇಗೆ?
* ಮಳೆಗಾಲದಲ್ಲಿ ಎಚ್ಚರಿಕೆಯಿಂದ ಉಪ್ಪಿನಕಾಯಿ ಇರುವ ಬಾಟಲಿ, ಕವರ್ ಪ್ಯಾಕ್ ಮಾಡುವುದು ಮುಖ್ಯ. ಸ್ವಲ್ಪ ಎಚ್ಚರ ತಪ್ಪಿದರೂ ಮಳೆಗಾಲದಲ್ಲಿ ಉಪ್ಪಿನಕಾಯಿ ಹಾಳಾಗುತ್ತದೆ. ಆದ್ದರಿಂದ ಈ ಪೋಸ್ಟ್ನಲ್ಲಿ ನೀವು ಉಪ್ಪಿನಕಾಯಿಯನ್ನು ಗಾಳಿಯಾಡದಂತೆ ಸಂಗ್ರಹ ಮಾಡುವುದು ಮುಖ್ಯವಾಗಿದೆ.
*ನೀವು ಉಪ್ಪಿನಕಾಯಿ ಮಾಡುವಾಗ ಉಪ್ಪಿನಕಾಯಿ ಮಾಡಲು ಬಳಸುವ ಪದಾರ್ಥಗಳು ಸರಿಯಾಗಿ ಒಣಗಿವೆಯೇ ಎಂದು ಖಚಿತಪಡಿಸಿಕೊಳ್ಳಿ. ಮಳೆಗಾಲದ ವಾತಾವರಣದಲ್ಲಿ ತೇವಾಂಶ ಹೆಚ್ಚಿರುವುದರಿಂದ ಉಪ್ಪಿನಕಾಯಿ ಬಹುಬೇಗ ಹಾಳಾಗುತ್ತದೆ. ಇದರಿಂದ ಉಪ್ಪಿನಕಾಯಿ ಕೆಡದಂತೆ ನೋಡಿಕೊಳ್ಳಲು ಉಪ್ಪಿನಕಾಯಿ ಮಾಡುವಾಗ ಹೆಚ್ಚು ಎಣ್ಣೆ ಮತ್ತು ಉಪ್ಪನ್ನು ಸೇರಿಸಿ.
*ಉಪ್ಪಿನಕಾಯಿಯಲ್ಲಿ ಎಣ್ಣೆ ಮತ್ತು ಮಸಾಲೆಗಳ ಕೊರತೆಯಿಂದಾಗಿ ಫಂಗಸ್ ಸಮಸ್ಯೆ ಉಂಟಾಗುತ್ತದೆ. ಉಪ್ಪಿನಕಾಯಿಯಲ್ಲಿ ಎಣ್ಣೆ ಸರಿಯಾಗಿ ಮಿಶ್ರಣವಾಗದ ಕಾರಣ ಬೇಗ ಫಂಗಸ್ ಬರುತ್ತದೆ. ಆದ್ದರಿಂದ ಮಳೆಗಾಲದಲ್ಲಿ ಉಪ್ಪಿನಕಾಯಿಯನ್ನು ತೇವಾಂಶದಿಂದ ರಕ್ಷಿಸಲು ಹೆಚ್ಚುವರಿ ಉಪ್ಪು ಮತ್ತು ಎಣ್ಣೆಯನ್ನು ಪ್ರತ್ಯೇಕವಾಗಿ ಸೇರಿಸಿ. ಉಪ್ಪಿನಕಾಯಿಯನ್ನು ಎಣ್ಣೆಯಲ್ಲಿ ಸರಿಯಾಗಿ ನೆನೆಸಿಡಿ.
*ಉಪ್ಪಿನಕಾಯಿಯ ರುಚಿಯನ್ನು ದೀರ್ಘಕಾಲದವರೆಗೆ ಸಂರಕ್ಷಿಸಲು ಉಪ್ಪಿನಕಾಯಿಯನ್ನು ಸರಿಯಾಗಿ ಸಂಗ್ರಹಿಸುವುದು ಅವಶ್ಯಕ. ಉಪ್ಪಿನಕಾಯಿಯನ್ನು ಸಂಗ್ರಹಿಸಲು ಗಾಳಿಯಾಡದ ಒಣಗಿದ ಪಾತ್ರೆಗಳನ್ನು ಬಳಸಿ. ಉಪ್ಪಿನಕಾಯಿ ಸಂಗ್ರಹಿಸಲು ಯಾವಾಗಲೂ ಗಾಜು ಅಥವಾ ಸೆರಾಮಿಕ್ ಪಾತ್ರೆಗಳನ್ನು ಬಳಸಿ. ಉಪ್ಪಿನಕಾಯಿಯನ್ನು ಕಬ್ಬಿಣದ ಪಾತ್ರೆಗಳಲ್ಲಿ ಮತ್ತು ಪ್ಲಾಸ್ಟಿಕ್ ಪಾತ್ರೆಗಳಲ್ಲಿ ಸಂಗ್ರಹಿಸಬಾರದು.
*ಉಪ್ಪಿನಕಾಯಿ ಬಡಿಸಲು ಒಣಗಿದ ಚಮಚ ಬಳಸಿ. ಪ್ರತಿ ಬಾರಿ ಉಪ್ಪಿನಕಾಯಿಯನ್ನು ತೆಗೆದುಕೊಂಡು ಸಣ್ಣ ಪಾತ್ರೆಯಲ್ಲಿ ಸಂಗ್ರಹಿಸಿ. ಉಪ್ಪಿನಕಾಯಿ ಬಾಟಲ್ ಚಿಕ್ಕದಾಗಿದ್ದರೆ, ಅದನ್ನು ರೆಫ್ರಿಜರೇಟರ್ನಲ್ಲಿ ಸಂಗ್ರಹಿಸಬಹುದು. ಮಳೆಗಾಲದಲ್ಲಿ ಬಿಸಿಲಿನಲ್ಲಿ ಇಡಿ.
*ಉಪ್ಪಿನಕಾಯಿ ವಿಚಿತ್ರವಾದ ವಾಸನೆಯನ್ನು ಬರುತ್ತಿದ್ದರೆ ಅದು ಕೆಟ್ಟಿದೆ ಎಂದು ಅರ್ಥ. ಅದನ್ನು ಬೀಸಾಡುವುದು ಉತ್ತಮ. ಉಪ್ಪಿನಕಾಯಿ ಬೇಗ ಹಾಳಾಗುವುದನ್ನು ತಡೆಯಲು 2 ವಾರಗಳ ಕಾಲ ಬಿಸಿಲಿನಲ್ಲಿಡಿ.
Click it and Unblock the Notifications
Sign in with Google