ಅಸ್ಸಾಂ ಸೊಸೈಟಿ ಆಫ್ ಬೆಂಗಳೂರಿಂದ ಸೆ.26ರಿಂದ 30ರ ವರೆಗೆ ದುರ್ಗಾ ಪೂಜೆ

ಬೆಂಗಳೂರು, ಸೆಪ್ಟೆಂಬರ್ 13: ಅಸ್ಸಾಂ ಸೊಸೈಟಿ ಆಫ್ ಬೆಂಗಳೂರು ವತಿಯಿಂದ ಐದನೇ ವರ್ಷದ ದುರ್ಗಾ ಪೂಜೆ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.

ಸೆಪ್ಟೆಂಬರ್ 26ರಿಂದ 30ರ ವರೆಗೆ ದುರ್ಗಾ ಪೂಜೆಯನ್ನು ಬೆಂಗಳೂರಿನ ಎಚ್ ಎಸ್ ಆರ್ ಲೇಔಟ್ ನ ಹತ್ತೊಂಬತ್ತನೇ ಮುಖ್ಯರಸ್ತೆಯಲ್ಲಿರುವ ಜ್ಞಾನಸೃಷ್ಟಿ ಶಾಲೆಯ ಎದುರಿನಲ್ಲಿರುವ ಬಿಬಿಎಂಪಿ ಮೈದಾನದಲ್ಲಿ ಆಯೋಜಿಸಲಾಗಿದೆ.

ಈ ಸಂದರ್ಭದಲ್ಲಿ ಧಾರ್ಮಿಕ ಪೂಜಾ ಕಾರ್ಯಕ್ರಮಗಳ ಜತೆಗೆ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಸಹ ಆಯೋಜಿಸಲಾಗುವುದು. ಜತೆಗೆ ಆಹಾರ ಮೇಳವು ಸಹ ಇರುತ್ತದೆ. ಬೆಳಗ್ಗೆ 10.30ರಿಂದ ಮಧ್ಯಾಹ್ನ 12ರವರೆಗೆ ಫುಷ್ಪಾಂಜಲಿ ಪ್ರದಾನ ಇರುತ್ತದೆ. ಮಧ್ಯಾಹ್ನ 1ರಿಂದ 3 ಗಂಟೆವರೆಗೆ ಭೋಗ್ ಪ್ರಸಾದ್ ಇರುತ್ತದೆ.

ಸಂಜೆ 6.30ರ ನಂತರ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯುತ್ತವೆ. ಸಾರ್ವಜನಿಕರು ಇವುಗಳಲ್ಲಿ ಪಾಲ್ಗೊಳ್ಳಬೇಕು ಎಂದು ಅಸ್ಸಾಂ ಸೊಸೈಟಿಯ ಅಧ್ಯಕ್ಷರಾದ ಸುಮೇರು ಕಾಟಕಿ ಹಾಗೂ ಪ್ರಧಾನ ಕಾರ್ಯದರ್ಶಿ ಹಿರಾಕ್ ಜ್ಯೋತಿ ಕಾಕತಿ ಮನವಿ ಮಾಡಿದ್ದಾರೆ.

English summary

Durga pooja in Bengaluru from September 26th to 30th in HSR layout by Assam society of Bengaluru.