ಚಿತ್ರಗಳಲ್ಲಿ : ಬ್ಯಾಂಕುಗಳಲ್ಲಿ ಬೆರಳುಗಳಿಗೆ ಅಂಟಿದ ಮಸಿ

By ಅನುಷಾ ರವಿ

Updated: Thursday, November 17, 2016, 15:40 [IST]

ಬೆಂಗಳೂರು, ನವೆಂಬರ್ 17: ಸರ್ಕಾರದ ಆದೇಶಾನುಸಾರ ಎರಡು ದಿನಗಳಿಂದ ಹಣವನ್ನು ಬದಲಾಯಿಸಿಕೊಳ್ಳಲು ಮತ್ತು ಬ್ಯಾಂಕಿನ ವ್ಯವಹಾರಗಳನ್ನು ನಡೆಸಲು ಶಾಯಿಯ ಮೊರೆ ಹೋಗಬೇಕಾಗಿದೆ.

ಚುನಾವಣೆ ಸಂದರ್ಭದಲ್ಲಿ ನಾವು ಶಾಯಿ ಹಾಕುವುದನ್ನು ನೋಡಿದ್ದೇವೆ ಆದರೆ ಬ್ಯಾಂಕಿಗೂ ಶಾಹಿ ಹಾಕಿಸಿಕೊಂಡು ನೀನಿನ್ನು ಬ್ಯಾಂಕಿಗೇ ಹೋಗಿಲ್ವಾ ಹೋಗಿ ಬೇಗ ದುಡ್ಡನ್ನು ಕಟ್ಟು ಎಂದು ಸ್ನೇಹಿತರು ಪರಸ್ಪರ ಮಾತನಾಡಿಕೊಳ್ಳುತ್ತಿದ್ದಾರೆ.

ಕ್ಯೂನಲ್ಲಿ ನಿಂತು ಸಾಕಾಗಿ ವ್ಯವಹಾರ ನಡೆಸಿದವರಿಗೆ ಇಂಕನ್ನು ಹಾಕಿ ಕಳುಹಿಸುವ ಬ್ಯಾಂಕಿನವರು ಮತ್ತೆ ಬಂದರೆ ಎಲ್ಲಿ ಬೆರಳು ಎಂದು ಕೇಳುವ ಪರಿಸ್ಥಿತಿ ಬಂದಿದೆ.

ಇತ್ತೀಚೆಗೆ ಹಣವನ್ನು ಪಡೆಯುವುದರಲ್ಲಿ ನೀಡಿದ್ದ ಸಡಿಲಿಕೆಯನ್ನು ಮತ್ತೆ ಆರ್ ಬಿಐ ಬಿಗಿಗೊಳಿಸಿದೆ. ಪ್ರತಿದಿನವೂ ಲೈನಿನಲ್ಲಿ ನಿಂತುಕೊಳ್ಳುವ ಜನರಿಗೆ ಎಲ್ಲ ಬೆರಳು ಶಾಯಿಯಾಗಿ ಬಿಟ್ಟರೆ ಮುಂದಿನ ವ್ಯವಹಾರ ಹೇಗೆ?

ಬೆಂಗಳೂರಿನಲ್ಲಿ ಇಂಕ್ ಕೌಂಟರ್

ಬೆಂಗಳೂರಿನ ಮೈಸೂರು ಬ್ಯಾಂಕಿನ ಮುಂದೆ ನಗದು ಬದಲಾಯಿಸಿಕೊಂಡವರಿಗೆ ಕೌಂಟರೊಂದನ್ನು ನಿರ್ಮಿಸಿ ಶಾಹಿಯನ್ನು ಹಾಕಿಸಿಕೊಂಡು ಅಬ್ಬಾ ಇವತ್ತಿನ ಕೆಲಸ ಮುಗಿಯಿತು ಎಂದು ಕೊಂಡ ಜನತೆ.

ಬೆರಳಿಗೆ ಇಂಕು ನೋಟು ಪಿಂಕು

ಬ್ಯಾಂಕಿನ ವ್ಯವಹಾರವನ್ನು ಮುಗಿಸಿ ಬೇಗನೇ ಇಂಕು ಹಾಕಪ್ಪಾ ಇನ್ನು ಬೇರೆ ಬೇರೆ ಕೆಲಸವಿದೆ ಆಪೀಸಿಗೆ ಬೇರೆ ಹೋಗಬೇಕು ಲೇಟಾಗಿದೆ ಎಂದ ಬೆಂಗಳೂರಿಗ. ತನ್ನ ಬೆಟ್ಟಿನೊಂದಿಗೆ ನೋಟನ್ನು ತೋರಿಸಿಬಿಟ್ಟ.