ಬೆಂಗಳೂರಿಗರೇ ಗಮನಿಸಿ: ಬುಧವಾರ ನಗರದ ಹಲವೆಡೆ ವಿದ್ಯುತ್ ಕಡಿತ, ಬೆಸ್ಕಾಂ ಮಾಹಿತಿ
ಬೆಂಗಳೂರು, ಡಿ. 20: ಸಿಲಿಕಾನ್ ಸಿಟಿಯ ಜನರು ಬುಧವಾರ (ಡಿ.21) ಹಲವು ಪ್ರದೇಶಗಳಲ್ಲಿ ವಿದ್ಯುತ್ ವ್ಯತ್ಯಯವನ್ನು ಎದುರಿಸಬೇಕಾಗುತ್ತದೆ ಎಂದು ಬೆಸ್ಕಾಂ ಮಾಹಿತಿ ನೀಡಿದೆ.
ಕರ್ನಾಟಕ ಪವರ್ ಟ್ರಾನ್ಸ್ಮಿಷನ್ ಕಾರ್ಪೊರೇಷನ್ ಲಿಮಿಟೆಡ್ (ಕೆಟಿಪಿಸಿಎಲ್) ಹಲವಾರು ನಿರ್ವಹಣಾ ಕಾರ್ಯಗಳನ್ನು ನಿರ್ವಹಿಸುತ್ತಿರುವುದರಿಂದ ಈ ವಾರ ಬೆಂಗಳೂರಿನ ಹಲವು ಪ್ರದೇಶಗಳಲ್ಲಿ ಬುಧವಾರ ವಿದ್ಯುತ್ ಕಡಿತವನ್ನು ಎದುರಿಸಬೇಕಾಗುತ್ತದೆ ಎಂದು ಬೆಂಗಳೂರು ವಿದ್ಯುತ್ ಸರಬರಾಜು ಕಂಪನಿಯ (ಬೆಸ್ಕಾಂ) ವೆಬ್ಸೈಟ್ನಲ್ಲಿ ತಿಳಿಸಲಾಗಿದೆ.
ಈ ನಿರ್ವಹಣಾ ಕೆಲಸಗಳು ಮೂರನೇ ತ್ರೈಮಾಸಿಕ ಮತ್ತು ನಿಯಮಿತ ನಿರ್ವಹಣಾ ಕಾಮಗಾರಿಗಳ ಯೋಜನೆಗಳನ್ನು ಒಳಗೊಂಡಿರಬಹುದು. ಇವುಗಳಲ್ಲಿ ಹೆಚ್ಚಿನವು ಬೆಳಿಗ್ಗೆ 10 ರಿಂದ ಸಂಜೆ 4 ರವರೆಗೆ ನಡೆಸಲಾಗುತ್ತದೆ. ಇದರ ಪರಿಣಾಮವಾಗಿ ಸುಮಾರು ಆರು ಗಂಟೆಗಳ ಕಾಲ ವಿದ್ಯುತ್ ವ್ಯತ್ಯಯವಾಗುತ್ತದೆ. ಮತ್ತೆ ಕೆಲವು ಕೆಲಸಗಳು ಸಂಜೆ 5 ಅಥವಾ 6 ಗಂಟೆಯವರೆಗೂ ನಡೆಯಬಹುದು ಎಂದು ಮಾಹಿತಿ ನೀಡಿದೆ.
ಬೆಂಗಳೂರಿನಲ್ಲಿ ಬೆಸ್ಕಾಂ ಆಗಾಗ್ಗೆ ನಿರ್ವಹಣೆ ಮತ್ತು ದುರಸ್ತಿ ಯೋಜನೆಗಳನ್ನು ಮಾಡುತ್ತಿರುತ್ತದೆ. ಇದರಲ್ಲಿ ಮರಗಳನ್ನು ಟ್ರಿಮ್ಮಿಂಗ್ ಮಾಡುವುದು, ಟ್ರಾನ್ಸ್ಫಾರ್ಮರ್ಗಳ ನಿರ್ವಹಣೆ ಮಾಡುವುದು, ಪೈಪ್ ಹಾಕುವುದು ಮತ್ತು ಜಲಸಿರಿ ನೀರು ಸರಬರಾಜು ಕೆಲಸಗಳು ಸೇರಿವೆ.
*ವಿದ್ಯುತ್ ಕಡಿತವನ್ನು ಎದುರಿಸಬಹುದಾದ ಪ್ರದೇಶಗಳ ಪಟ್ಟಿ ಇಲ್ಲಿದೆ*
ಡಿಸೆಂಬರ್ 21, ಬುಧವಾರ
ಕೆಟಿಪಿಸಿಎಲ್ ವೃತ್ತ - ಬೆಂಗಳೂರು ಮಹಾನಗರ ವಲಯ (BMAZ) ದಕ್ಷಿಣ, ಬೆಂಗಳೂರು ಮಹಾನಗರ ವಲಯ (BRAZ)
ಕೆಟಿಪಿಸಿಎಲ್ ವಿಭಾಗ- ದೊಡ್ಡಬಳ್ಳಾಪುರ, ಸೋಮನಹಳ್ಳಿ
ಬೆಸ್ಕಾಂ ವೃತ್ತ - ಬೆಸ್ಕಾಂ ಪೂರ್ವ, ಬಿಆರ್ಸಿ ಕೆಂಗೇರಿ, ಬೆಸ್ಕಾಂ ದಕ್ಷಿಣ
ಬೆಸ್ಕಾಂ ವಿಭಾಗ- ಇಂದಿರಾನಗರ, ಶಿವಾಜಿನಗರ, ನೆಲಮಂಗಲ, ಕೆಂಗೇರಿ
ಗುಂಡಮಗೆರೆ, ಹೊಸಹಳ್ಳಿ, ಸಾಸಲು ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವಿದ್ಯುತ್ ವ್ಯತ್ಯಯವಾಗಲಿದೆ. ಗೌರಿಬಿದನೂರು ಮತ್ತು ದೇವನಹಳ್ಳಿ ಎಚ್/ಡಬ್ಲ್ಯೂ ಪಾರ್ಕ್ನಿಂದ 220 ಕಿಲೋವೋಲ್ಟ್ಗಳ (ಕೆವಿ) ಕೆಐಎಡಿಬಿ ಆರ್/ಎಸ್ ಪೂರೈಕೆಯಾಗುವುದರಿಂದ ಬೇರೆ ಯಾವುದೇ ತೊಂದರೆಯಾಗುವುದಿಲ್ಲ ಎಂದು ಬೆಸ್ಕಾಂ ತಿಳಿಸಿದೆ.
Click it and Unblock the Notifications
Sign in with Google