Bengaluru Job: ಬೆಂಗಳೂರು ಯುವತಿಯ ವಿಡಿಯೋ ವೈರಲ್: ಉದ್ಯೋಗವೇ ಜೀವನವಾಗಿತ್ತು; ಈಗ ಸತ್ಯದ ಅರಿವಾಗಿದೆ ಎಂದ ಯುವತಿ

Published: Sunday, April 19, 2026, 21:56 [IST]

Bengaluru Job: ಬೆಂಗಳೂರು ಸೇರಿದಂತೆ ವಿಶ್ವದಾದ್ಯಂತ ಪ್ರಮುಖ ನಗರಗಳಲ್ಲಿ ಉದ್ಯೋಗ ನಷ್ಟ ಅಥವಾ ಕೆಲಸ ಕಳೆದುಕೊಳ್ಳುವವರ ಸಂಖ್ಯೆ ಹೆಚ್ಚಾಗಿದೆ. ಇದೀಗ ಬೆಂಗಳೂರಿನಲ್ಲಿ ಯುವತಿಯೊಬ್ಬರು ಕೆಲಸ ಕಳೆದುಕೊಂಡಿದ್ದು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಕೆಲಸ ಕಳೆದಕೊಂಡ ಮೇಲೆ ಅವರು ಮಾಡಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಬೆಂಗಳೂರಿನ ಯುವತಿಯೊಬ್ಬರು ತಮ್ಮ ಕೆಲಸ ಕಳೆದುಕೊಂಡ ಅನುಭವವನ್ನು ಹಂಚಿಕೊಂಡ ನಂತರ, ಕೆಲಸದಲ್ಲಿ ಬರ್ನ್ಔಟ್ ಮತ್ತು ಕೆಲಸ ಮತ್ತು ವೈಯಕ್ತಿಕ ಜೀವನದ ಸಮತೋಲನದ ಬಗ್ಗೆ ಆನ್‌ಲೈನ್ ಚರ್ಚೆ ಶುರುವಾಗಿದೆ.

ಸೋಷಿಯಲ್ ಮೀಡಿಯಾ ಇನ್‌ಸ್ಟಾಗ್ರಾಮ್‌ನಲ್ಲಿ ನಿಧಿ ಎನ್ನುವ ಯುವತಿ, ತಮ್ಮ ಕೆಲಸವು ತಮ್ಮ ಜೀವನವನ್ನು ಎಷ್ಟು ಆಳವಾಗಿ ಆವರಿಸಿತ್ತು ಎನ್ನುವುದು ಈಗ ತಿಳಿಯಿತು ಎಂದು ಹೇಳಿಕೊಂಡಿದ್ದಾರೆ. ಇದೀಗ ವೈರಲ್ ಆಗಿರುವ ವೀಡಿಯೊದಲ್ಲಿ ನನ್ನನ್ನು ಕಂಪನಿಯು ನನ್ನ ಕೆಲಸದಿಂದ ವಜಾ ಮಾಡಿದೆ ಮತ್ತು ನಂತರ ನಾನು ಅರಿತುಕೊಂಡ ವಿಷಯಗಳು ತುಂಬಾ ಭಯಾನಕವಾಗಿವೆ. ನಾನು ನನ್ನ ಕೆಲಸವನ್ನು ನನ್ನ ಇಡೀ ಜೀವನದಂತೆ ಪರಿಗಣಿಸಿದ್ದೆ.

ನಾನು ನನ್ನನ್ನು ನೋಡಿಕೊಳ್ಳುವುದನ್ನು ನಿಲ್ಲಿಸಿದೆ, ನಾನು ಸಾಮಾಜಿಕವಾಗಿ ಮಾತನಾಡುವುದನ್ನು ನಿಲ್ಲಿಸಿದೆ, ಹೊರಗೆ ಹೋಗುವುದನ್ನು ನಿಲ್ಲಿಸಿದೆ. ಅಲ್ಲದೆ ನಾನು ವ್ಯಾಯಾಮ ಮಾಡುವುದನ್ನು ನಿಲ್ಲಿಸಿದೆ, ಆರೋಗ್ಯಕರ ಆಹಾರವನ್ನು ಸೇವಿಸುವುದನ್ನು ನಿಲ್ಲಿಸಿದೆ, ನನ್ನ ಸ್ನೇಹಿತರನ್ನು ಭೇಟಿಯಾಗುವುದನ್ನು ನಿಲ್ಲಿಸಿದೆ.

ಅಷ್ಟೇ ಯಾಕೆ ಕುಟುಂಬದ ಪ್ರಮುಖ ಕಾರ್ಯಕ್ರಮಗಳಿಂದ ದೂರ ಉಳಿದೆ. ಕೆಲಸದ ಡೆಡ್‌ಲೈನ್‌ ಮತ್ತು ಕೇವಲ ಒತ್ತಡದ ಸುತ್ತವೇ ನನ್ನ ಜೀವನ ಸುತ್ತುತ್ತಿತ್ತು. ನಾನು ನನ್ನ ಕಚೇರಿಗೆ ಹೋಗುತ್ತಿದ್ದೆ - ಮನೆಗೆ ಬರುತ್ತಿದ್ದೆ ಮತ್ತು ನಂತರ ಮತ್ತೆ ಕೆಲಸ ಮಾಡುತ್ತಿದ್ದೆ. ಈ ರೀತಿ ಬದುಕುತ್ತಿರುವ ಏಕೈಕ ವ್ಯಕ್ತಿ ನಾನಲ್ಲ ಎಂದು ನಾನು ಬಾಜಿ ಕಟ್ಟುತ್ತೇನೆ. ಹಾಗಾದರೆ ಪ್ರಶ್ನೆ ಏನೆಂದರೆ ನಾವು ನಿಜವಾಗಿಯೂ ಈ ರೀತಿಯ ಜೀವನವನ್ನು ನಡೆಸಲು ಬಯಸುತ್ತೇವೆಯೇ ಎಂದು ಅವರು ಪ್ರಶ್ನೆ ಮಾಡಿದ್ದಾರೆ. ದಿಢೀರ್ ಉದ್ಯೋಗ ಕಳೆದುಕೊಂಡ ನಂತರ ನಿಮಗೆ ತುಂಬಾ ತೊಂದರೆಯಾಗುತ್ತದೆ ಎಂಬ ಶೀರ್ಷಿಕೆಯೊಂದಿಗೆ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.

Bengaluru Job: ವೈರಲ್ ವಿಡಿಯೋಗೆ ನೆಟ್ಟಿಗರು ಹೇಳಿದ್ದೇನು

ಇದು ಭಾರತದಲ್ಲಿರುವ ಸಮಸ್ಯೆ. ಯಾವುದೇ ನಿಯಮಗಳಿಲ್ಲ, ಕಾನೂನುಗಳಿಲ್ಲ, ವಿಶೇಷವಾಗಿ ಏಕತೆ ಇಲ್ಲ, ಹಲವರು ಬೂಟ್‌ಲಿಕ್ಕರ್‌ಗಳು ಇದ್ದಾರೆ (ಬಕೆಟ್‌ ಹಿಡಿಯುವವರು) ಅವರು ಯಾವಾಗಲೂ ಯಾರನ್ನಾದರೂ ಕೆಳಕ್ಕೆ ಎಳೆಯಲು ಪ್ರಯತ್ನಿಸುತ್ತಾರೆ ಎಂದು ನೆಟ್ಟಿಗರೊಬ್ಬರು ಹೇಳಿದ್ದಾರೆ.

ಗೌತಮ್ ಕೌಶಿಕ್ ಎನ್ನುವವರು ನನ್ನನ್ನು ಒಂದಕ್ಕಿಂತ ಹೆಚ್ಚು ಬಾರಿ ನನ್ನ ಕೆಲಸದಿಂದ ವಜಾಗೊಳಿಸಲಾಗಿದೆ. ಮೊದಲ ಬಾರಿಗೆ ಅದು ಸಂಭವಿಸಿದಾಗ, ನೀವು ಈಗ ಹೇಗೆ ಭಾವಿಸುತ್ತೀರಿ ಎಂದು ನನಗೆ ನಿಖರವಾಗಿ ಅನಿಸಿತು. ಆದಾಗ್ಯೂ, ಅನುಭವವು ನನಗೆ ಹೊಸ ವಿಷಯಗಳನ್ನು ಕಲಿಸಿದೆ. ನಿಮ್ಮ ಮುಂದಿನ ಕೆಲಸವನ್ನು ಕೆಲಸದ ರಜಾದಿನದಂತೆ ನೋಡಿಕೊಳ್ಳಿ. ಭಾವನೆಗಳನ್ನು ಘಾಸಿಗೊಳಿಸಿಕೊಳ್ಳಬೇಡಿ. ನಿಮ್ಮ ಕೆಲಸದ ಸ್ಥಳದಲ್ಲಿ ಆನಂದಿಸಿ ಮತ್ತು ನಿಮ್ಮ ಕೆಲಸವನ್ನು ಶಾಶ್ವತವಲ್ಲದ ಎನ್ನುವ ವಿಷಯ ನೆನಪಿರಲಿ. ನಿಮ್ಮ ಬದ್ಧತೆಯನ್ನು ನೀವು ತಿಳಿಯರಿ ಎಂದು ಸಲಹೆ ನೀಡಿದ್ದಾರೆ.