ಏಕಾಏಕಿ ಕೆಲಸ ಬಿಟ್ಟು ತಪ್ಪು ಮಾಡಿದೆ, ಜೆನ್ ಜೀ ಯುವಕ ಕಣ್ಣೀರು: ವೈರಲ್ ವಿಡಿಯೋ
ಕೆಲವೊಮ್ಮೆ ಬದುಕಿನಲ್ಲಿ ನಾವು ತೆಗೆದುಕೊಳ್ಳುವ ಸಣ್ಣ ಸಣ್ಣ ನಿರ್ಧಾರಗಳೂ ಸಹ ನಮ್ಮ ಬದುಕಿನ ಮೇಲೆ ಗಂಭೀರವಾದ ಪರಿಣಾಮಗಳನ್ನು ಬೀರುತ್ತವೆ. ಅದರಲ್ಲೂ ದುಡುಕಿ ಏನಾದರೂ ನಿರ್ಧಾರ ತೆಗೆದುಕೊಂಡರೆ ಅದು ಗಂಭೀರವಾದ ಪರಿಣಾಮಗಳನ್ನೇ ಉಂಟು ಮಾಡುತ್ತವೆ. ಇದೇ ಕಾರಣಕ್ಕೆ ಹಿರಿಯರು ಕೆಲಸ ಬಿಡುವುದಕ್ಕೂ ಮುಂಚೆ ನೂರು ಬಾರಿ ಯೋಚನೆ ಮಾಡು, ಹೊಸ ಕೆಲಸ ಸಿಕ್ಕರೂ ಆಫರ್ ಲೆಟರ್ ಕೈ ಸೇರುವ ವರೆಗೂ ಯಾವುದೇ ನಿರ್ಧಾರ ತೆಗೆದುಕೊಳ್ಳಬೇಡಿ ಎಂದು ಸಲಹೆ ನೀಡುತ್ತಿರುತ್ತಾರೆ. ಆದರೆ, ಜೆನ್ - ಜೀ (Gen Z) ಯುವಕ ಕೆಸಲ ಬಿಟ್ಟು ಈಗ ಕೆಲಸ ಸಿಗದೆ ಕಣ್ಣೀರಾಗಿರುವ ವಿಡಿಯೋ ವೈರಲ್ ಆಗುತ್ತಿದೆ.
ಜೆನ್ ಜೀ (1997 ಮತ್ತು 2012ರ ನಡುವೆ ಜನಿಸಿದ ಯುವ ಪೀಳಿಗೆ) ಈಗಷ್ಟೇ ಉದ್ಯೋಗಕ್ಕೆ ಅಂಬೆಗಾಲಿಡುತ್ತಿರುವ ಜನರೇಷನ್ ಅಂತಲೇ ಹೇಳಬಹುದು. ಈಗಾಗಲೇ ವಿವಿಧ ಕ್ಷೇತ್ರಗಳಲ್ಲಿ ಜೆನ್ ಜೀ ಉದ್ಯೋಗಿಗಳ ಬಗ್ಗೆ ಒಳ್ಳೆಯ ಅಥವಾ ಹೇಳಿಕೊಳ್ಳುವಷ್ಟು ಉತ್ತಮ ಅಭಿಪ್ರಾಯ ಇಲ್ಲ. ಕಾರ್ಪೋರೇಷನ್ ಕಲ್ಚರ್ನಲ್ಲಿ ವಿಪರೀತ ಕೆಲಸ ಮಾಡಿಸಿಕೊಳ್ಳುವುದರ ವಿರುದ್ಧ ಈ ಜನರೇಷನ್ ತಿರುಗಿ ಬಿದ್ದಿರುವುದು ಸಹ ಪ್ರಮುಖ ಕಾರಣ ಎಂದರೆ ತಪ್ಪಿಲ್ಲ. ಇದೀಗ ಇನ್ಸ್ಟಾಗ್ರಾಮನ್ನಲ್ಲಿ ಜೆನ್ ಜೀ ಯುವಕನೊಬ್ಬ ಉದ್ಯೋಗ ಹುಡುಕುವುದು ಯಾಕೆ ಇಷ್ಟೊಂದು ಕಷ್ಟವಾಗಿದೆ. ನಾನು ಕೆಲಸ ಬಿಡುವ ಮುಂಚೆ ಯೋಚನೆ ಮಾಡಬೇಕಾಗಿತ್ತು ಎಂದು ಕಣ್ಣೀರಾಗಿರುವ ವಿಡಿಯೋ ಎಂಥವರನ್ನೂ ಕಣ್ಣೀರು ಹಾಕುವಂತೆ ಮಾಡುತ್ತಿದೆ.
ಅನ್ಶುಲ್ ಉತ್ತಯ್ಯ ಎನ್ನುವ ಯುವಕ ಈಚೆಗೆ ಕೆಲಸ ಬೇಸರವಾಗುತ್ತಿದೆ ಹೀಗಾಗಿ ಈಗ ಇರುವ ಕೆಲಸ ಬಿಡುತ್ತಿದ್ದೇನೆ ಎಂದು ವಿಡಿಯೋವೊಂದನ್ನು ಮಾಡಿದ್ದರು. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿತ್ತು. ಇದೀಗ ಅವರು ಮತ್ತೊಂದು ವಿಡಿಯೋ ಮಾಡಿದ್ದು ಅದರಲ್ಲಿ ಕಣ್ಣೀರು ಹಾಕಿದ್ದಾರೆ. ಈ ವಿಡಿಯೋ ಸಹ ವೈರಲ್ ಆಗಿದೆ. ಕಠಿಣ ಉದ್ಯೋಗ ಮಾರುಕಟ್ಟೆ ಇದೆ. ಅಲ್ಲದೇ ಏಕಾಏಕಿ ಕೆಲಸ ಬಿಟ್ಟಿರುವ ತಮ್ಮ ನಿರ್ಧಾರಕ್ಕೆ ಈಗ ವಿಷಾದ ವ್ಯಕ್ತಪಡಿಸಿದ್ದಾರೆ.
ಇನ್ಸ್ಟಾಗ್ರಾಮ್ನ (Instagram/@aanshul.uthaiah)ನ ವಿಡಿಯೋದಲ್ಲಿ 22 ವರ್ಷದ ಅನ್ಶುಲ್ ಉತ್ತಯ್ಯ ಅವರು, ಯಾವುದೇ ಮುಂದಾಲೋಚನೆ ಇಲ್ಲದೆ ಕೆಲಸ ತೊರೆದಿರುವುದು ಈಗ ಸಂಕಷ್ಟಕ್ಕೆ ಸಿಲುಕಿರುವುದಾಗಿ ಹೇಳಿದ್ದಾರೆ. ಕೆಲಸ ಹುಡುಕುವುದು ಸವಾಲಗಿ ಪರಿಣಮಿಸಿದೆ. ನಾನು ಯಾವುದೇ ಮುಂದಾಲೋಚನೆ ಇಲ್ಲದೆ ನನ್ನ ಕೆಲಸವನ್ನು ತೊರೆದಿದ್ದೇನೆ. ಆದರೆ ಉದ್ಯೋಗ ಹುಡುಕುವುದು ನಾನು ಅಂದುಕೊಂಡಷ್ಟು ಸುಲಭವಲ್ಲ. ಉದ್ಯೋಗ ಮಾರುಕಟ್ಟೆ ಏಕೆ ಇಷ್ಟೊಂದು ಕೆಟ್ಟದಾಗಿದೆ. ನಾನು ಸ್ವಲ್ಪ ಸಮಯದಿಂದ ಉದ್ಯೋಗ ಹುಡುಕುತ್ತಿದ್ದೇನೆ ಆದರೆ ಕೆಲಸ ಸಿಗುತ್ತಿಲ್ಲ ಎಂದು ಹೇಳಿದ್ದಾರೆ.
ಈಗ ಪರಿಸ್ಥಿತಿ ಕೈ ಮೀರಿದೆ. ನಾನು ನನ್ನ ನಿರ್ಧಾರವನ್ನು ಬದಲಾಯಿಸಲು ಸಾಧ್ಯವಿಲ್ಲ. ಯಾವುದೇ ಉದ್ಯೋಗಾವಕಾಶಗಳ ಬಗ್ಗೆ ತಿಳಿದರೆ ದಯವಿಟ್ಟು ತಿಳಿಸಿ ಎಂದು ವಿಡಿಯೋದಲ್ಲಿ ಉತ್ತಯ್ಯ ಹೇಳಿದ್ದು. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
Click it and Unblock the Notifications
Sign in with Google