BDA: ಬೆಂಗಳೂರಲ್ಲಿ ಫ್ಲಾಟ್ ‍& ಮನೆ ಖರೀದಿಗೆ ಬಂಪರ್ ಗುಡ್‌ನ್ಯೂಸ್, ಬ್ಯಾಂಕ್ ಸಾಲವೂ ಲಭ್ಯ!

BDA: ಬೆಂಗಳೂರಿನಲ್ಲಿ ಮನೆ ಖರೀದಿ ಮಾಡಬೇಕು ಎಂದುಕೊಂಡಿರುವವರಿಗೆ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರವು ಭರ್ಜರಿ ಗುಡ್‌ನ್ಯೂಸ್ ಕೊಟ್ಟಿದೆ. ಬೆಂಗಳೂರಿನಲ್ಲಿ ಮನೆ ಹಾಗೂ ಫ್ಲಾಟ್ ಖರೀದಿ ಮಾಡಬೇಕು ಎನ್ನುವುದು ಹಲವರ ಕನಸು. ಇದೀಗ ಈ ವಿಚಾರದಲ್ಲಿ ಬಿಡಿಎ ಭರ್ಜರಿ ಗುಡ್‌ನ್ಯೂಸ್ ಕೊಟ್ಟಿದೆ. ನಮ್ಮ ಬೆಂಗಳೂರು ನಗರದಲ್ಲಿ ಸ್ವಂತ ಮನೆ ಹೊಂದುವ ನಿಮ್ಮ ಕನಸನ್ನು ನನಸು ಮಾಡಿಕೊಳ್ಳಲು ಇದೊಂದು ಸುವರ್ಣಾವಕಾಶ ಎಂದು ಮಹತ್ವದ ಮಾಹಿತಿಯೊಂದನ್ನು ಹಂಚಿಕೊಂಡಿದೆ. ಅದರ ಸಂಪೂರ್ಣ ವಿವರ ಇಲ್ಲಿದೆ.

ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ - ಬಿಡಿಎ (BDA) ವತಿಯಿಂದ ಇದೇ ಆಗಸ್ಟ್ 30 ರಂದು ಬೆಳಿಗ್ಗೆ 9:00 ರಿಂದ ಸಂಜೆ 5:00 ರವರೆಗೆ, ಕಣಿಮಿಣಿಕೆ ವಸತಿ ಸಮುಚ್ಛಯದ ಬಳಿ "ಫ್ಲಾಟ್ ಮೇಳ"ವನ್ನು ಆಯೋಜಿಸಲಾಗಿದೆ.ಆಧುನಿಕ ತಂತ್ರಜ್ಞಾನದಿಂದ ನಿರ್ಮಿತವಾಗಿದ್ದು, ಹಸಿರು ಪರಿಸರ, ಶಿಕ್ಷಣ ಸಂಸ್ಥೆಗಳಿಗೆ ಉತ್ತಮ ಸಂಪರ್ಕ ಮತ್ತು ಇತರ ಹಲವು ಸೌಕರ್ಯಗಳನ್ನು ಒಳಗೊಂಡಿರುವ ಈ ಕೆಳಗಿನ ವಸತಿ ಸಮುಚ್ಚಯಗಳು ಮಾರಾಟಕ್ಕೆ ಲಭ್ಯವಿದೆ ಎಂದು ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರವು ಮಾಹಿತಿ ಹಂಚಿಕೊಂಡಿದೆ.

1.⁠ ⁠ಕೊಮ್ಮಘಟ್ಟ (ಎನ್.ಪಿ.ಕೆ.ಎಲ್) ಹಂತ-1 (3 BHK),
2.⁠ ⁠ಕೊಮ್ಮಘಟ್ಟ (ಎನ್.ಪಿ.ಕೆ.ಎಲ್) ಹಂತ-2 (2 BHK),
3.⁠ ⁠ಹುಣ್ಣಿಗೆರೆ ವಿಲ್ಲಾ (3&4 BHK),
4.⁠ ⁠ಆಲೂರು ಹಂತ-1 (1 BHK),
5. ಗುಂಜೂರು ಹಂತ-1 (1 BHK),
6.⁠ ⁠ಕಣಿಮಿಣಿಕೆ ಹಂತ-2 (2 BHK),
7.⁠ ⁠ಕಣಿಮಿಣಿಕೆ ಹಂತ-5 (3 BHK).

ನಿಮ್ಮ ನೆಚ್ಚಿನ ಫ್ಲಾಟ್ ಅನ್ನು ಬುಕ್ ಮಾಡಲು ಅಥವಾ ಖರೀದಿಸಲು ಈ ಮೇಳದಲ್ಲಿ ತಪ್ಪದೇ ಭಾಗವಹಿಸಿ. ಹೆಚ್ಚಿನ ಮಾಹಿತಿಗಾಗಿ ಬಿಡಿಎ (BDA) ವೆಬ್‌ಸೈಟ್ https://housing.bdabangalore.org ಗೆ ಭೇಟಿ ನೀಡಿ ಎಂದು ಹೇಳಿದೆ.

ಹಲವು ವಿನ್ಯಾಸದ ಹಾಗೂ ಹೊಸ ಮಾದರಿಯ ಫ್ಲಾಟ್‌ಗಳು ಲಭ್ಯವಿದೆ ಎಂದು ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಇನ್ನು ಫ್ಲಾಟ್ ಪೂರ್ಣಮೊತ್ತವನ್ನು ಪಾವತಿ ಮಾಡಿ 26QB, 16B ಸಲ್ಲಿಸಿದ್ದಲ್ಲಿ, 5 ಕೆಲಸದ ದಿನಗಳಲ್ಲಿ ಫ್ಲಾಟ್ ಅನ್ನು ನೋಂದಣಿ ಮಾಡಿಕೊಡಲಾಗುವುದು ಎಂದು ಹೇಳಲಾಗಿದೆ.

ಬ್ಯಾಂಕ್ ಸಾಲ ಸೌಲಭ್ಯ ಇರಲಿದೆ: ಇನ್ನು ಈ ಫ್ಲಾಟ್‌ಗಳನ್ನು ಖರೀದಿ ಮಾಡಲು ಇಚ್ಛಿಸುವವರಿಗೆ ಬ್ಯಾಂಕ್‌ನ ಸಾಲದ ಸೌಲಭ್ಯ ಸಹ ಲಭ್ಯವಿರಲಿದೆ ಎಂದು ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ ಮಾಹಿತಿ ನೀಡಿದೆ.

ಭೂಪ್ರದೇಶ: 50 ಎಕರೆಗಳಷ್ಟು ವಿಸ್ತಾರವಾದ ಫೇಸ್ - 1, 2, 3, 4 ಮತ್ತು 5 ಅನ್ನು ಆಧುನಿಕ ತಂತ್ರಜ್ಞಾನದಲ್ಲಿ ನಿರ್ಮಿಸಲಾಗಿದ್ದು ಸುತ್ತಲೂ ಎತ್ತರದ ಮತ್ತು ಹಸಿರು ಪರಿಸರದಲ್ಲಿ ನಿರ್ಮಾಣ ಮಾಡಲಾಗಿದೆ.

ಶಿಕ್ಷಣ ವ್ಯವಸ್ಥೆ: ನಾರಾಯಣ ಗುರುಕುಲಾ ವಿಶ್ವವಿದ್ಯಾಲಯ, ಕ್ರೈಸ್ಟ್ ವಿಶ್ವವಿದ್ಯಾಲಯ, ಡೆಲ್ಲಿ ಪಬ್ಲಿಕ್ ಶಾಲೆಗಳು ಈ ಭಾಗದಲ್ಲಿ ಇವೆ.

ಸಂಪರ್ಕ: ಇನ್ನು ಈ ಭಾಗದಿಂದ ಸುತ್ತಮುತ್ತಲಿನ ಪ್ರಮುಖ ಪ್ರದೇಶಗಳಿಗೆ ಹತ್ತಿರವಾಗಿದೆ.

1. ಬೆಂಗಳೂರು - ಮೈಸೂರು ಹೆದ್ದಾರಿಯಿಂದ 1 ಕಿ.ಮೀ ದೂರದಲ್ಲಿದೆ.

2. ಚಲ್ಲಘಟ್ಟ ಮೆಟ್ರೋದಿಂದ 3 ಕಿ.ಮೀ

3. ಹೆಜ್ಜಾಲ ರೈಲು ನಿಲ್ದಾಣಕ್ಕೆ 2ಕಿ.ಮೀ.

4. ಹೆಜ್ಜಾಲ ಟೋಲ್ ಪ್ಲಾಜಾದಲ್ಲಿ ಮೆಟ್ರೋ ನಿಲ್ದಾಣ ಪ್ರಸ್ತಾಪ

5. ಜ್ಯುಡೀಷಿಯಲ್ ಲೇಔಟ್ ಮೂಲಕ ಬಿಎಂ ಎಕ್ಸ್‌ ಪ್ರೆಸ್ ಮಾರ್ಗವನ್ನು ಸಂಪರ್ಕಿಸುತ್ತದೆ.

English summary

BDA: Bumper good news for buying flat and house in Bengaluru bank loans also available