ರಂಗಶಂಕರದಲ್ಲಿ ಇಬ್ಸೆನ್ ನಾಟಕದ ರೂಪಾಂತರ 'ಅಹಲ್ಯಾ' ಬಿ. ಡಿ.

ಬೆಂಗಳೂರು, ಫೆಬ್ರವರಿ 17: ಹೆನ್ರಿಕ್ ಇಬ್ಸೆನ್‍ನ ಹೆಡ್ಡಾ ಗ್ಯಾಬ್ಲರ್ ನ ಕನ್ನಡ ರೂಪಾಂತರ 'ಅಹಲ್ಯಾ' ಬಿ. ಡಿ ನಾಟಕದ ಎರಡು ಪ್ರದರ್ಶನ ರಂಗಶಂಕರದಲ್ಲಿ ಆಯೋಜನೆಗೊಂಡಿದೆ.

ಅಹಲ್ಯಾ -ಕನ್ನಡದ ಹೆಡ್ಡಾ ಗ್ಯಾಬ್ಲರ್- ವಿದ್ವಾಂಸನ ಹೆಂಡತಿ. ಜೀವನದಲ್ಲಿ ಏಕತಾನತೆಯಿಂದ ಬೇಸತ್ತ ಹೆಣ್ಣು. ಬದುಕಿಗಾಗಿ ಹಂಬಲಿಸುತ್ತಿದ್ದಾಳೆ. ಮದುವೆಯ ಇಡಕತ್ತರಿಯಲ್ಲಿ ಸಿಲುಕಿರುವ ಈಕೆ ಇಬ್ಬರು ಗಂಡಸರ - ಒಬ್ಬನನ್ನು ಪ್ರೀತಿಸಿ ಆತನನ್ನು ಪ್ರೇಮಿಯೆಂದು ಜಗತ್ತಿನ ಮುಂದೆ ಹೇಳಲಾಗದೇ ಒದ್ದಾಡುತ್ತಿದ್ದಾಳೆ.

ಇನ್ನೊಬ್ಬ ವ್ಯಕ್ತಿ ಆಕೆಯ ಗಂಡ - ಹಣೇಬರಹವನ್ನು ತಿದ್ದುವ ಹುನ್ನಾರದಲ್ಲಿದ್ದಾಳೆ. ಆಕೆಗೆ ತನ್ನ ಸುತ್ತಲಿರುವ ಎಲ್ಲಾ ಗಂಡಸರೂ ಮಹಾ ಬೋರ್ ಎನಿಸಿ, ನೈತಿಕ ಚೌಕಟ್ಟುಗಳಲ್ಲಿ ಉಸಿರು ಕಟ್ಟಿಸುತ್ತಿರುವ ಸಮಾಜದ ಸಂಪ್ರದಾಯದ ವಿರುದ್ಧವಾಗಿ ಹೆಣ್ಣೊಬ್ಬಳತ್ತ ಆಕರ್ಷಿತಳಾಗುತ್ತಾಳೆ.

ಆದರೆ, ಅದನ್ನೂ ಬಹಿರಂಗವಾಗಿ ಒಪ್ಪಿಕೊಳ್ಳಲು ಆಕೆಗೆ ಜಗತ್ತಿನ ರೀತಿ-ರಿವಾಜುಗಳು ಅಡ್ಡಿಬರುತ್ತವೆ. ಕೊನೆಯಲ್ಲಿ ಅಹಲ್ಯಾ ತನ್ನ ಹಣೆಬರಹವನ್ನು ತಾನೆ 'ಸುಂದರ'ವಾಗಿ ರೂಪಿಸಿಕೊಳ್ಳುತ್ತಾಳೆ, ರಾಮಾಯಣದ ಅಹಲ್ಯೆಯಂತೆ ಅಲ್ಲ.

ಹೆನ್ರಿಕ್ ಇಬ್ಸೆನ್‍ನ ಹೆಡ್ಡಾ ಗ್ಯಾಬ್ಲರ್ ರೂಪಾಂತರ
ರೂಪಾಂತರ, ನಿರ್ದೇಶನ: ಸುರೇಂದ್ರನಾಥ್
ಕನ್ನಡ, 90 ನಿಮಿಷಗಳು
ಫೆಬ್ರವರಿ 28 ಮತ್ತು ಮಾರ್ಚ್ 1 | ಸಂಜೆ 7:30 | 150/- | ರಂಗ ಶಂಕರ
ಟಿಕೆಟ್ ಗಳು ರಂಗ ಶಂಕರದಲ್ಲಿ ಲಭ್ಯ

English summary

Ahalya - HeddaGabler in Kannada - is married to an academic, bored to death but longs for life. Trapped in a marriage, she longs to write the destinies of two men, a man whom she loved but did not dare to announce it to the world, and another whom she is married to. This Kannada play will be staged on March 01, 2019 at Ranga shankara.