ಸರ್ಕಾರಿ ನೌಕರರಿಗೆ ನಾಲ್ಕನೇ ಶನಿವಾರವೂ ರಜೆ ನೀಡಲು ಶಿಫಾರಸ್ಸು
Recommended Video
ಸರ್ಕಾರೀ ನೌಕರರಿಗೆ 4ನೇ ಶನಿವಾರವೂ ರಜೆ ಸಿಗುವ ಸಾಧ್ಯತೆ | Oneindia Kannada
ಬೆಂಗಳೂರು, ಮೇ 01: ಆರನೇ ವೇತನ ಆಯೋಗವು ತನ್ನ 2ನೇ ಶಿಫಾರಸ್ಸನ್ನು ರಾಜ್ಯ ಮುಖ್ಯಕಾರ್ಯದರ್ಶಿ ರತ್ನಪ್ರಭಾ ಅವರಿಗೆ ಹಸ್ತಾಂತರಿಸಿದೆ. ನೀತಿ ಸಂಹಿತೆ ಮುಗಿದ ನಂತರ ಶಿಫಾರಸ್ಸುಗಳನ್ನು ಪರಿಶೀಲಿಸಲಾಗುವುದು ಎಂದು ರತ್ನಪ್ರಭಾ ಅವರು ಹೇಳಿದ್ದಾರೆ.
ಎಂ.ಆರ್.ಶ್ರೀನಿವಾಸ್ ಅಧ್ಯಕ್ಷತೆಯ ಆರನೇ ವೇತನ ಆಯೋಗವು ತನ್ನ ಮೊದಲ ಶಿಫಾರಸ್ಸನ್ನು ಇದೇ ವರ್ಷದ ಜನವರಿ 31ರಂದು ಸಲ್ಲಿಸಿತ್ತು. ವೇತನ ಹೆಚ್ಚಳ ಸಂಬಂಧಿಸಿದ ಮೊದಲ ಶಿಫಾರಸ್ಸನ್ನು ಸರ್ಕಾರ ಈಗಾಗಲೇ ಅನುಷ್ಠಾನಕ್ಕೆ ತಂದಿದೆ.
500 ಪುಟಗಳ ಎರಡನೇ ವರದಿಯಲ್ಲಿ ಮುಖ್ಯವಾದ ಕೆಲವು ಶಿಫಾರಸ್ಸುಗಳನ್ನು ಮಾಡಿದ್ದು, ನೌಕರರಿಗೆ ಎರಡನೇ ಶನಿವಾರದ ರಜೆಯ ಜೊತೆಗೆ ನಾಲ್ಕನೇ ಶನಿವಾರವೂ ರಜೆ ನೀಡುವಂತೆ ಶಿಫಾರಸ್ಸು ಮಾಡಿರುವುದು ಪ್ರಮುಖವಾಗಿದೆ.
ಯಾವುದೇ ನಿರ್ಬಂಧ ಇಲ್ಲದಂತೆ ಎಲ್ಲ ನೌಕರರಿಗೂ 'ಜ್ಯೋತಿ ಸಂಜೀವಿನಿ ಯೋಜನೆ'ಯಡಿ ಆರೋಗ್ಯ ವಿಮೆ ಕಲ್ಪಿಸಬೇಕು ಹಾಗೂ ಸಿ ಮತ್ತು ಬಿ ವರ್ಗದ ನೌಕರರಿಗೆ ವರ್ಷಕ್ಕೆ ಒಂದು ಬಾರಿ ಕಡ್ಡಾಯವಾಗಿ ತರಬೇತಿ ನೀಡಬೇಕು ಎಂಬ ಶಿಫಾರಸ್ಸನ್ನೂ ಆಯೋಗ ಮಾಡಿದೆ.
Click it and Unblock the Notifications
Sign in with Google