ಕನ್ನಡದ ಮಿಸ್ಟರ್ ಬೀನ್ ಗೆ ಬಿಗ್ ಬಾಸ್ ಕನಸು

ಬೆಳಗಾವಿ ಮಾರ್ಚ್ 11: ಕನ್ನಡದ ಮಿಸ್ಟರ್ ಬೀನ್ ಎಂದೇ ಖ್ಯಾತಿ ಪಡೆದ ಮಂಜುನಾಥ ರೇಳೆಕರ್ ವಾಟ್ಸಾಪ್, ಫೇಸ್‌ಬುಕ್‌ನಂಥ ಸಾಮಾಜಿಕ ಮಾಧ್ಯಮಗಳಿಂದಲೇ ಹೆಚ್ಚು ಸುದ್ದಿಯಾಗಿದ್ದಾರೆ. ಅದ್ಭುತ ನಟನೆಗೆ ಹೆಸರಾದ ಇವರ ನಟನೆಯ ವಿಡಿಯೋಗಳು ಯೂಟ್ಯೂಬ್ ನಲ್ಲೂ ಸಿಕ್ಕುತ್ತಿವೆ.

ಬಿಗ್ ಬಾಸ್ ರಿಯಾಲಿಟಿ ಶೋಕ್ಕೆ ಭಾಗವಹಿಸುವ ಮಹದಾಸೆ ಹೊಂದಿರುವ ಮಂಜುನಾಥ್ ರೇಳೆಕರ್ ಬೆಳಗಾವಿ ಜಿಲ್ಲೆಯ ಮೂಡಲಿಗಿಯವರು. ಅದಕ್ಕೆಂದೇ ಅವರ ಸ್ವವಿವರಗಳನ್ನೊಳಗೊಂಡ ದಾಖಲೆಪತ್ರ ಕಲರ್ಸ್ ಕನ್ನಡ ಕಚೇರಿಗೆ ಈಗಾಗಲೇ ತಲುಪಿದೆ. ಬಿಗ್ ಬಾಸ್ ಸ್ಪರ್ಧಿಯಾಗುವ ಅವಕಾಶಕ್ಕಾಗಿ ಅವರು ಕಾತರದಿಂದ ಕಾಯುತ್ತಿದ್ದಾರೆ.

ಕಲರ್ಸ್ ಕನ್ನಡ ತನಗೆ ಬಿಗ್ ಬಾಸ್ ಸ್ಪರ್ಧಿಯಾಗಲು ಅವಕಾಶ ನೀಡಿದರೆ ತಾನು ಬಿಗ್ ಬಾಸ್ ಮನೆಯಲ್ಲಿರುವಷ್ಟು ದಿನ ಕನ್ನಡ ನಾಡಿನ ಜನತೆಯನ್ನು ನಕ್ಕು ನಲಿಸುತ್ತೇನೆ, ಎನ್ನುತ್ತಾರೆ ಮಂಜುನಾಥ್. ಈಗಾಗಲೆ ಹಲವು ವೇದಿಕೆಗಳಲ್ಲಿ ಕಾರ್ಯಕ್ರಮ ನೀಡಿರುವ ಅವರು ನಾಡಿನ ಜನತೆಗೆ ಪರಿಚಿತರು.

ಕನ್ನಡದ ಮಿಸ್ಟರ್ ಬೀನ್ ಬಿಗ್‌ಬಾಸ್ ಮನೆಗೆ ಆಯ್ಕೆ ಆಗ್ತಾರಾ? ಕರ್ನಾಟಕ ಜನತೆಗೆ ಮನರಂಜನೆ ನಿಡ್ತಾರಾ ಅನ್ನೋದನ್ನು ಕಾದುನೋಡಬೇಕಿದೆ.

English summary

Manjunath Relekar, popularly known as Mr.Bin of kannada shows his interest to participate in Bigboss reality show. He has already sent his resume to Colours kannada channel.