ಬೆಳಗಾವಿ: ಬಾವಿಯಲ್ಲಿ ಮುಳುಗಿ ಮೂವರು ಕಂದಮ್ಮಗಳು ಸಾವು

ಬೆಳಗಾವಿ, ಅಕ್ಟೋಬರ್ 30: ಬಾವಿಯಲ್ಲಿ ಮುಳುಗಿ ಮೂವರು ಬಾಲಕಿಯರು ದಾರೂಣವಾಗಿ ಸಾವನ್ನಪ್ಪಿರುವ ಘಟನೆ ಬೆಳಗಾವಿ ಜಿಲ್ಲೆಯ ಸವದತ್ತಿ ತಾಲೂಕಿನ ಯರಗಟ್ಟಿ ಬಳಿಯ ಗೂಳಿಬಸವೇಶ್ವರ ದೇವಸ್ಥಾನದ ಹತ್ತಿರ ನಡೆದಿದೆ.

6 ವರ್ಷದ ಪೂಜಾ ಶಿವಾನಂದ ಹಸಬಿ, ಪುಸ್ಪಾ ಶಿವಾನಂದ ಹಸಬಿ(4) ಮತ್ತು ಎರಡು ವರ್ಷದ ಚೇತನಾ ಶಿವಾನಂದ ಹಸಬಿ (2) ಮೃತ ಬಾಲಕಿಯರಾಗಿದ್ದಾರೆ. ಭಾನುವಾರ ಸಂಜೆಯ ಹೊತ್ತಿಗೆ ಬಾವಿಯ ಪಕ್ಕ ಆಟವಾಡಲು ತೆರಳಿದ್ದಾಗ ಈ ಮೂವರು ಬಾಲಕಿಯರು ಕಾಲು ಜಾರಿ ಬಾವಿಯೊಳಗೆ ಬಿದ್ದಿದ್ದಾರೆ ಎಂದು ಹೇಳಲಾಗುತ್ತಿದೆ.

ಇನ್ನು ಮಕ್ಕಳು ಮನೆ ಬಾರದಿದ್ದಾಗ ಮಕ್ಕಳನ್ನ ಪಾಲಕು ಹುಡುಕಲು ಶುರುಮಾಡಿದ್ದಾರೆ. ಬಾವಿ ಹತ್ತಿರ ಹೋಗಿ ನೋಡಿದಾಗ ಚೇತನಾ ಎಂಬ ಬಾಲಕಿಯ ಶವ ಬಾವಿಯಲ್ಲಿ ತೇಲಾಡುತ್ತಿದ್ದಾಗ ಈ ಘಟನೆ ಬೆಳಕಿಗೆ ಬಂದಿದೆ.

ಇನ್ನೂ ಇಬ್ಬರ ಬಾಲಕಿಯರ ಮೃತ ದೇಹದ ಪತ್ತೆಗಾಗಿ ಗ್ರಾಮಸ್ಥರು ಶೋಧ ಕಾರ್ಯ ನಡೆಸಿದ್ದಾರೆ. ವಿಷಯ ತಿಳಿದ ತಕ್ಷಣ ಮುರಗೋಡ ಪೊಲೀಸರು ಸ್ಥಳಕ್ಕೆ ಭೇಟಿ ಪರಿಶೀಲನೆ ನಡೆಸಿ, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

English summary

The three children died after drowned in a well in Yaragatti village Savadatti taluk Belagavi district on Oct 29.