ಬಾದಾಮಿ: ಅಂಚೆ ಮತಪತ್ರ ದುರುಪಯೋಗದ ಶಂಕೆ
ಬಾಗಲಕೋಟೆ, ಮೇ 14: ಭಾರಿ ಕುತೂಹಲ ಕೆರಳಿಸಿರುವ ಬಾಗಲಕೋಟೆ ಜಿಲ್ಲೆಯ ಬಾದಾಮಿ ಕ್ಷೇತ್ರದಲ್ಲಿ ಅಂಚೆ ಮತಪತ್ರದ ದುರುಪಯೋಗವಾಗಿರುವ ಶಂಕೆ ವ್ಯಕ್ತವಾಗಿದೆ.
ಬಾದಾಮಿಯ ಬೆಜೆಪಿ ಮುಖಂಡನಿಗೆ ಸೇರಿರುವ ಆನಂದ್ ಡಿಲಕ್ಸ್ ಎಂಬ ಲಾಡ್ಜ್ನಲ್ಲಿ ಅಂಚೆ ಮತಪತ್ರಗಳು ಲಭ್ಯವಾಗಿವೆ. ಲಾಡ್ಜ್ನಲ್ಲಿ ಅಂಚೆ ಮತಪತ್ರಗಳ ಡೀಲ್ ನಡೆಯುತ್ತಿತ್ತು. ಈ ಸುದ್ದಿ ತಿಳಿದು ಮಾಧ್ಯಮದವರು ಅಲ್ಲಿಗೆ ತೆರಳಿದಾಗ ಕೆಲವರು ಓಡಿಹೋದರು. ಇನ್ನು ಕೆಲವರು ಅಲ್ಲಿಯೇ ಕಾಗದಗಳನ್ನು ಹರಿದುಹಾಕಿದರು ಎನ್ನಲಾಗಿದೆ.
ಮಾಹಿತಿ ತಿಳಿದ ಬಳಿಕ ಚುನಾವಣಾಧಿಕಾರಿಗಳು ಲಾಡ್ಜ್ಗೆ ತೆರಳಿ ಪರಿಶೀಲನೆ ನಡೆಸಿದರು.
ಬಾದಾಮಿ ವಿಧಾನಸಭಾ ಕ್ಷೇತ್ರವು ಈ ಚುನಾವಣೆಯ ಅತ್ಯಂತ ಜಿದ್ದಾಜಿದ್ದಿನ ಕ್ಷೇತ್ರಗಳಲ್ಲಿ ಒಂದಾಗಿದ್ದು, ಕಾಂಗ್ರೆಸ್ ಮತ್ತು ಬಿಜೆಪಿ ಎರಡಕ್ಕೂ ಪ್ರತಿಷ್ಠೆಯ ಕಣವಾಗಿದೆ.
ಮುಖ್ಯಮಂತ್ರಿ ಸಿದ್ದರಾಮಯ್ಯ ಮತ್ತು ಬಿಜೆಪಿಯ ಶ್ರೀರಾಮುಲು ಇಬ್ಬರೂ ತಮ್ಮ ಎರಡನೆಯ ಕ್ಷೇತ್ರವಾಗಿ ಬಾದಾಮಿಯಿಂದ ಸ್ಪರ್ಧಿಸಿದ್ದಾರೆ.
Click it and Unblock the Notifications
Sign in with Google