ಲುಫ್ತಾನ್ಸ ವಿಮಾನದಲ್ಲಿ ಮದ್ಯ ಸೇವಿಸಿದ ಭಗವಂತ್ ಮಾನ್: SAD ಆರೋಪ

Published: Monday, September 19, 2022, 20:16 [IST]

ಅಮೃತಸರ, ಸೆಪ್ಟೆಂಬರ್‌ 19: ಪಂಜಾಬ್ ಮುಖ್ಯಮಂತ್ರಿ ಭಗವಂತ್ ಮಾನ್ ಅವರು ಮದ್ಯಪಾನ ಮಾಡಿ ತೂರಾಡುತ್ತಿದ್ದ ಸ್ಥಿತಿಯಲ್ಲಿದ್ದ ಕಾರಣದಿಂದ ವಿಮಾನದಿಂದ ಕೆಳಗಿಳಿಸಲಾಗಿದೆ ಎಂಬ ಮಾಧ್ಯಮ ವರದಿಗಳ ಬಗ್ಗೆ ಶಿರೋಮಣಿ ಅಕಾಲಿದಳ (ಎಸ್‌ಎಡಿ) ಅಧ್ಯಕ್ಷ ಸುಖ್‌ಬೀರ್ ಸಿಂಗ್ ಬಾದಲ್ ಅವರು ವಿವರಣೆಯನ್ನು ಕೋರಿದ್ದಾರೆ. ನಡೆಯಲು ಸಹ ಸಾಧ್ಯವಾಗದಷ್ಟು ಕುಡಿದಿದ್ದರಿಂದ ಅವರನ್ನು ಲುಫ್ತಾನ್ಸ ವಿಮಾನದಿಂದ ಕೆಳಗಿಳಿಸಲಾಯಿತು ಎಂದು ಮಾಧ್ಯಮ ವರದಿಗಳಿವೆ ಎಂದು ಬಾದಲ್ ಹೇಳಿದ್ದಾರೆ. ಆದರೆ ಈ ಆರೋಪವನ್ನು ಎಎಪಿ ನಿರಾಕರಿಸಿದೆ.

ಪಂಜಾಬ್ ಮುಖ್ಯಮಂತ್ರಿ ಭಗವಂತ್ ಮಾನ್ ಅವರು ನಡೆಯಲಾಗದಷ್ಟು ತುಂಬಾ ಕುಡಿದಿದ್ದರಿಂದ ಅವರನ್ನು ಲುಫ್ತಾನ್ಸ ವಿಮಾನದಿಂದ ಕೆಳಗಿಳಿಸಲಾಗಿದೆ ಎಂದು ಸಹ ಪ್ರಯಾಣಿಕರನ್ನು ಉಲ್ಲೇಖಿಸಿ ಮಾಧ್ಯಮ ವರದಿಗಳು ಹೇಳಿವೆ. ಅವರ ಈ ನಡೆಯಿಂದ ಇದು 4 ಗಂಟೆಗಳ ವಿಮಾನ ವಿಳಂಬಕ್ಕೆ ಕಾರಣವಾಯಿತು. ಅವರು ಎಎಪಿಯ ರಾಷ್ಟ್ರೀಯ ಸಮಾವೇಶವನ್ನು ತಪ್ಪಿಸಿಕೊಂಡರು. ಈ ವರದಿಗಳು ಮುಜುಗರಕ್ಕೆ ಕಾರಣವಾಗಿವೆ ಮತ್ತು ಜಗತ್ತಿನಾದ್ಯಂತ ಇರುವ ಪಂಜಾಬಿಗಳನ್ನು ನಾಚಿಕೆಪಡಿಸಿದೆ ಎಂದು ಬಾದಲ್ ಟ್ವೀಟ್ ಮಾಡಿದ್ದಾರೆ.

ಎಎಪಿ ಮುಖ್ಯಸ್ಥ ಅರವಿಂದ್ ಕೇಜ್ರಿವಾಲ್ ಮತ್ತು ಭಗವಂತ್ ಮಾನ್ ವರದಿಗಳನ್ನು ಸ್ಪಷ್ಟಪಡಿಸುವ ಹೇಳಿಕೆಗಳನ್ನು ಬಿಡುಗಡೆ ಮಾಡಬೇಕು ಎಂದು ಅವರು ಹೇಳಿದ್ದಾರೆ. ಆಶ್ಚರ್ಯವೆಂಬಂತೆ ಪಂಜಾಬ್ ಸರ್ಕಾರವು ತಮ್ಮ ಸಿಎಂ ಭಗವಂತ್ ಮಾನ್, ಅರವಿಂದ್ ಕೇಜ್ರಿವಾಲ್ ಅವರನ್ನು ಒಳಗೊಂಡಿರುವ ಈ ವರದಿಗಳ ಬಗ್ಗೆ ಮೌನವಾಗಿದೆ. ಈ ವಿಷಯದ ಬಗ್ಗೆ ಸ್ಪಷ್ಟವಾಗಿರಬೇಕು. ಇದು ಪಂಜಾಬಿ ಮತ್ತು ರಾಷ್ಟ್ರೀಯ ಹೆಮ್ಮೆಯನ್ನು ಒಳಗೊಂಡಿರುವುದರಿಂದ ಭಾರತ ಸರ್ಕಾರವು ಮಧ್ಯಪ್ರವೇಶಿಸಬೇಕು ಎಂದು ಹೇಳಿದರು.

ಅಪಪ್ರಚಾರಕ್ಕಾಗಿ ಬಿಜೆಪಿಯಿಂದ ಕಾರ್ಯ

ಆದಾಗ್ಯೂ, ಎಎಪಿ ಭಗವಂತ ಮಾನ್‌ ಮೇಲಿನ ಈ ಆರೋಪಗಳನ್ನು ಪ್ರಚಾರಕ್ಕಾಗಿ ಎಂದು ಕರೆದಿದೆ. ಸಿಎಂ ಆಗಿ ಮಾನ್ ಅವರ ಕಾರ್ಯವೈಖರಿಯಿಂದ ಪ್ರತಿಪಕ್ಷಗಳು ದಂಗಾಗಿವೆ ಎಂದು ಪಕ್ಷ ಹೇಳಿಕೊಂಡಿದೆ. ಮುಖ್ಯಮಂತ್ರಿ ಅವರು ನಿಗದಿತ ಸೆಪ್ಟೆಂಬರ್ 19ರಂದು ಹಿಂತಿರುಗಿದ್ದಾರೆ. ಈ ಎಲ್ಲಾ ಸಾಮಾಜಿಕ ಮಾಧ್ಯಮ ವರದಿಗಳು ಪ್ರಚಾರವಾಗಿದೆ. ಮಾನ್ ತನ್ನ ವಿದೇಶಿ ಪ್ರವಾಸದಿಂದ ಪರಿಣಾಮಕಾರಿಯಾಗಿ ಸ್ವಲ್ಪ ಹೂಡಿಕೆಯನ್ನು ಪಡೆಯುತ್ತಿರುವುದರಿಂದ ವಿರೋಧವು ಗದ್ದಲವಾಗಿದೆ. ನೀವು ಲುಫ್ತಾನ್ಸ ಏರ್‌ಲೈನ್ಸ್‌ನೊಂದಿಗೆ ಸಹ ಪರಿಶೀಲಿಸಬಹುದು ಎಂದು ಎಎಪಿ ಕಾರ್ಯಕರ್ತರೊಬ್ಬರು ಹೇಳಿದ್ದಾರೆ ಎಂದು ಎನ್‌ಡಿಟಿವಿ ಉಲ್ಲೇಖಿಸಿದೆ.

ಮಧ್ಯಾಹ್ನ 1.40ಕ್ಕೆ ಹೊರಡಬೇಕಿದ್ದ ವಿಮಾನ

ಫ್ರಾಂಕ್‌ಫರ್ಟ್‌ನಿಂದ ದೆಹಲಿಗೆ ಹೊರಟಿದ್ದ ಲುಫ್ತಾನ್ಸಾ ವಿಮಾನದಿಂದ ಭಗವಂತ್ ಮಾನ್ ಅವರನ್ನು ಪಾನಮತ್ತರಾಗಿದ್ದ ಕಾರಣದಿಂದ ಕೆಳಗಿಳಿಸಲಾಗಿದೆ. ಭಾನುವಾರ, ಭಗವಂತ್ ಮಾನ್ ಫ್ರಾಂಕ್‌ಫರ್ಟ್‌ನಿಂದ ಮಧ್ಯಾಹ್ನ 1.40 ರ ವಿಮಾನವನ್ನು ಹತ್ತಬೇಕಾಗಿತ್ತು. ಅದು ಈಗಾಗಲೇ ತಡವಾಗಿತ್ತು. ಕೊನೆಗೆ ಸಂಜೆ 4.30ಕ್ಕೆ ವಿಮಾನ ಹಾರಿತು. ಭಗವಂತ ಮಾನ್ ಸೋಮವಾರದ ಮುಂಜಾನೆ ಬೇರೆ ವಿಮಾನವನ್ನು ಹತ್ತಿದ್ದಾರೆ ಎಂದು ವರದಿಯಾಗಿತ್ತು.

ಲುಫ್ತಾನ್ಸದ ಹೇಳಿಕೆ ಹಂಚಿಕೊಂಡ ಎಎಪಿ

ಸಿಎಂ ಭಗವಂತ ಮಾನ್ ಅವರ ಸಹಾಯಕರು ಅವರು ಅನಾರೋಗ್ಯದಿಂದ ದೆಹಲಿಗೆ ಹಿಂತಿರುಗಲು ವಿಳಂಬ ಮಾಡಿದರು ಎಂದು ಹೇಳಿದ್ದಾರೆ. ಅವರ ಪಕ್ಷ ಎಎಪಿ (ಆಮ್ ಆದ್ಮಿ ಪಕ್ಷ) ವಿರೋಧ ಪಕ್ಷವು ಅಪ್ರಚಾರವನ್ನು ಹರಡುತ್ತಿದೆ ಎಂದು ಆರೋಪಿಸಿದೆ. ಮುಂದುವರಿದು ಎಎಪಿ ಲುಫ್ತಾನ್ಸದ ಹೇಳಿಕೆಯನ್ನು ಹಂಚಿಕೊಂಡಿದೆ. ಅದು ಒಳಬರುವ ವಿಮಾನದ ವಿಳಂಬ ಮತ್ತು ವಿಮಾನ ಬದಲಾವಣೆಯ ಕಾರಣ ಯೋಜಿಸಿದ್ದಕ್ಕಿಂತ ತಡವಾಗಿ ಹೊರಟಿತು ಎಂದು ಹೇಳಿದೆ.

ಹೂಡಿಕೆ ಆಕರ್ಷಿಸಲು ಜರ್ಮನಿಗೆ ಹೋಗಿದ್ದರು

ಭಗವಂತ ಮಾನ್ ಅವರು ಸೆಪ್ಟೆಂಬರ್ 11 ರಿಂದ 18 ರವರೆಗೆ ರಾಜ್ಯ ಸರ್ಕಾರದ ಪ್ರಕಾರ ಹೂಡಿಕೆ ಮತ್ತು ಟೈ-ಅಪ್‌ಗಳನ್ನು ಆಕರ್ಷಿಸಲು ಜರ್ಮನಿಗೆ ಭೇಟಿ ನೀಡಿದ್ದರು. ಎಎಪಿ ಪಂಜಾಬ್ ಚುನಾವಣೆಯಲ್ಲಿ ಬಿಜೆಪಿ ಮತ್ತು ಕಾಂಗ್ರೆಸ್‌ನಂತಹ ಉತ್ತಮ ಪ್ರತಿಸ್ಪರ್ಧಿಗಳನ್ನು ಮಣಿಸಿ ಗೆದ್ದ ನಂತರ ಮಾನ್‌ ಮಾರ್ಚ್‌ನಲ್ಲಿ ಮುಖ್ಯಮಂತ್ರಿಯಾದರು. ಮಾನ್ 2019 ರಲ್ಲಿ ಸಾರ್ವಜನಿಕ ಸಮಾರಂಭದಲ್ಲಿ ತನ್ನ ತಾಯಿಯೊಂದಿಗೆ ತಮದ್ಯಪಾನವನ್ನು ತೊರೆಯುವ ಪ್ರತಿಜ್ಞೆಯನ್ನು ಎಂದಿಗೂ ನಿರಾಕರಿಸುವುದನ್ನು ದೃಢವಾಗಿ ಹೇಳಿದ್ದಾರೆ.