ತಿರುಪತಿಯಲ್ಲಿ ದರ್ಶನ ಪುನಾರಂಭ, ದಿನಕ್ಕೆ 6 ಸಾವಿರ ಭಕ್ತರಿಗೆ ಅವಕಾಶ

ತಿರುಪತಿ, ಜೂನ್ 11: ಕೊರೊನಾ ವೈರಸ್ ಭೀತಿಯಿಂದ ಮೂರು ತಿಂಗಳ ಲಾಕ್‌ಡೌನ್‌ ಬಳಿಕ ತಿರುಪತಿಯಲ್ಲಿ ಜನಸಾಮಾನ್ಯರಿಗೆ ದರ್ಶನಕ್ಕೆ ಅವಕಾಶ ನೀಡಲಾಗಿದೆ. ಈ ವೇಳೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು ಮತ್ತು ಮಾಸ್ಕ್ ಧರಿಸುವುದು ಸೇರಿದಂತೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗಿದೆ.

ಇಂದಿನಿಂದ ಜನಸಾಮಾನ್ಯರಿಗೆ ದರ್ಶನ ನೀಡುವ ಹಿನ್ನೆಲೆ, ಕಳೆದ ಮೂರು ದಿನಗಳಿಂದ ತಾಲೀಮು ನಡೆಸಲಾಗಿತ್ತು. ಗುರುವಾರ ಬೆಳಿಗ್ಗೆಯಿಂದಲೇ ಭಕ್ತರ ತಿರುಪತಿ ಕಡೆ ಧಾವಿಸಿದ್ದು, ಭಕ್ತರು ತಮ್ಮ ಸರದಿಗಾಗಿ ಬೆಟ್ಟದ ಗುಡಿಯಲ್ಲಿ ಸಾಲುಗಟ್ಟಿ ನಿಂತಿರುವುದು ಗಮನ ಸೆಳೆಯಿತು.

ಅಂದ್ಹಾಗೆ, ಕೇಂದ್ರ ಸರ್ಕಾರದ ಮಾರ್ಗಸೂಚಿಯ ಪ್ರಕಾರ, ಜೂನ್ 8 ರಂದು ದೇವಾಲಯ ತೆರೆಯಲಾಗಿತು. ಆದರೆ, ಮೊದಲ ಎರಡು ದಿನಗಳಲ್ಲಿ ಟಿಟಿಡಿ ಪದಾಧಿಕಾರಿಗಳು, ನೌಕರರು ಮತ್ತು ಅವರ ಕುಟುಂಬ ಸದಸ್ಯರಿಗೆ ಮತ್ತು ಮೂರನೇ ದಿನ ಸ್ಥಳೀಯ ಭಕ್ತರಿಗೆ ಮಾತ್ರ ಅನುಮತಿ ನೀಡಲಾಗಿತ್ತು.

ಪ್ರಾಯೋಗಿಕ ತಾಲೀಮು ವೇಳೆ ಲೋಪದೋಷಗಳನ್ನು ಗುರುತಿಸಿ ಅವುಗಳನ್ನು ಸರಿಪಡಿಸಿಕೊಂಡು, ಟಿಟಿಡಿ ಸಾಮಾನ್ಯ ಭಕ್ತರಿಗೆ ಅವಕಾಶ ಮಾಡಿಕೊಟ್ಟಿದೆ.

Andhra Pradesh: Darshan for common devotees resumed at Tirumala Tirupati Balaji Temple today. The trial run was held from June 8-10. Measures such as social distancing and wearing masks, among other measures, is being observed at the temple amid #COVID19 pandemic. pic.twitter.com/GD5Ws8Lm2u

— ANI (@ANI) June 11, 2020

ಟಿಟಿಡಿ ಆಡಳಿತ ಮಂಡಳಿ ನಿರ್ಧಾರದಂತೆ ಪ್ರತಿದಿನ 6,000 ಭಕ್ತರಿಗೆ ಮಾತ್ರ ದರ್ಶನ ನೀಡಲಾಗುತ್ತಿದೆ. 3,000 ಟಿಕೆಟ್‌ಗಳನ್ನು ಆನ್‌ಲೈನ್‌ನಲ್ಲಿ ಮಾರಾಟ ಮಾಡಲಾಗಿದ್ದು, ಉಳಿದ 3,000 ಟಿಕೆಟ್‌ಗಳನ್ನು ತಿರುಮಲದಲ್ಲಿರುವ ಕೌಂಟರ್‌ಗಳಲ್ಲಿ ನೀಡಲಾಗಿದೆ.

English summary

After 80 days due to the COVID-19 pandemic, the Lord Venkateswara temple at Tirumala reopened its doors for common devotees on Thursday.