ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಫೇಸ್ ಬುಕ್ ರಗಳೆಯಿಂದ ಕೆಲಸ ಕಳೆದುಕೊಂಡ ಭೂಪ

By Srinath
|
Google Oneindia Kannada News

colorado-techie-complains-workplace-facebook-loses-job
ಕೊಲಾರಡೊ, ಮೇ 11: ತಾನು ಮಾಡುವ ಉದ್ಯೋಗದ ಬಗ್ಗೆ ಗೊಳಗುತ್ತಾ Facebook ಗೋಡೆಬರಹದಲ್ಲಿ ಏನೇನೋ ಗೀಚಿದ ಭೂಪನ ಹಣೆಬರಹ ಬದಲಾಗಿದೆ. ತನ್ನ ಕೆಲಸದ ಬಗ್ಗೆ ತೀವ್ರ ಬೇಸರ/ನಿರಾಶೆಗೊಂಡಿದ್ದ ಸದರಿ ಉದ್ಯೋಗಿ ತನ್ನ ಭಾವನೆಗಳನ್ನು ಯಥಾವತ್ತು Facebook ಗೋಡೆಯಲ್ಲಿ ಬರೆದಿರುವುದಕ್ಕೆ ಆತ ಕೆಲಸ ಮಾಡುತ್ತಿದ್ದ ಕಂಪನಿ ಆಕ್ರೋಶಗೊಂಡು ಗೇಟ್ ಪಾಸ್ ನೀಡಿದೆ.

ಜೋ ಲೊಬಾಟೋ ಎಂಬ ಟೆಕ್ಕಿಯೇ ಕೆಲಸ ಕಳೆದುಕೊಂಡವ. ಮೊದಮೊದಲು ಆತ ಸೂಪರ್ ವೈಸರ್ ಗೆ ತನ್ನ ದೇಹಸ್ಥಿತಿ ಬಗ್ಗೆ ವರ್ಣಿಸುತ್ತಾ ಹೊಟ್ಟೆಯಲ್ಲಿ ಯಾರೋ ಉದ್ಹಾಗಾಂಗುತ್ತಿದೆ' ಎಂದೆಲ್ಲ ಅಲವತ್ತುಕೊಂಡಿದ್ದಾನೆ. ಆದರೆ ಆತನ ಮೇಲಧಿಕಾರಿ ಅದನ್ನು ನಿರ್ಲಕ್ಷಿಸುತ್ತಾ ಅಂಥಾದ್ದೇನೂ ಇಲ್ಲ. ತೆಪ್ಗೇ ಹೋಗಿ ಕೆಲ್ಸ ಮಾಡೋಗು ಎಂದು ಹೇಳಿದ್ದಾನೆ.

ಇದರಿಂದ ನಿರಾಶೆಗೊಂಡ ಟೆಕ್ಕಿ ಜೋ ಲೊಬಾಟೋ ತನ್ನ ಕಂಪ್ಯೂಟರ್ ಬಳಿ ಬಂದವನೇ ತನ್ನ ಆರೋಗ್ಯದ ಬಗ್ಗೆ ಅನುಕಂಪ ತೋರದ ಸೂಪರ್ ವೈಸರ್ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದಾನೆ. ಅದನ್ನೇ ಫೇಸ್ ಬುಕ್ ನಲ್ಲಿ ಒಂಬತ್ತು ವಾಕ್ಯಗಳಲ್ಲಿ ಭಟ್ಟಿ ಇಳಿಸಿದ್ದಾನೆ.

'ಏನಂದುಕೊಂಡುಬಿಟ್ಟಿದ್ದಾರೆ ಅವರು. ಮನುಷ್ಯರೆಂದರೆ ಯಂತ್ರಗಳ ಅಂದುಕೊಂಡುಬಿಟ್ಟಿದ್ದಾರಾ? ಮನುಷ್ಯ ಕಾಯಿಲೆ ಬೀಳೋದೇ ಇಲ್ವಾ?' ಎಂದೆಲ್ಲಾ ಯದ್ವಾತದ್ವಾ ತನ್ನ ಸಿಟ್ಟು ಸೆಡವನ್ನು ಅಕ್ಷರ ರೂಪದಲ್ಲಿ ಹೊರಹಾಕಿದ್ದಾನೆ. ಅಷ್ಟೇ...

ಆ ಫೇಸ್ ಬುಕ್ ಗೋಡೆಬರಹವು ಟೆಕ್ಕಿ ಜೋ ಸಹೋದ್ಯೋಗಿ/ಸ್ನೇಹಿತನ ಕಣ್ಣಿಗೆ ಬಿದ್ದಿದೆ. ಆತ ಅದನ್ನು ಪ್ರಾಂಪ್ಟ್ ಆಗಿ ಬಾಸ್ ಗಮನಕ್ಕೆ ತಂದಿದ್ದಾನೆ. ಅದನ್ನು ಗಮನಿಸಿದ ಬಾಸ್, ಟೆಕ್ಕಿ ಜೋನದ್ದು 'ಸಂಪೂರ್ಣ ಅಸಭ್ಯ ವರ್ತನೆ' ಎಂದು ಷರಾ ಬರೆದು, ಪಿಂಕ್ ಸ್ಲಿಪ್ ನೀಡಿದ್ದಾನೆ.

English summary
US Colorado techie complains about workplace on Facebook loses job
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X