ಧಾರವಾಡ ಜಿಲ್ಲೆಯಲ್ಲಿ ಪೇಡ ತಿಂದ ಕಾಂಗ್ರೆಸ್

ಧಾರವಾಡ, ಮೇ 10 : ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ಆಡಳಿತ ನಡೆಸುತ್ತಿದ್ದರೂ ಮುಖ್ಯಮಂತ್ರಿ ಜಗದೀಶ್ ಶೆಟ್ಟರ್ ಮತ್ತು ಬಿಜೆಪಿ ಅಧ್ಯಕ್ಷ ಪ್ರಹ್ಲಾದ್ ಜೋಶಿ ಅವರ ತವರು ಜಿಲ್ಲೆಯಲ್ಲಿ ಬಿಜೆಪಿ ನಿರೀಕ್ಷಿತ ಸಾಧನೆ ಮಾಡಿಲ್ಲ. ಹುಬ್ಬಳ್ಳಿ ಮತ್ತು ಧಾರವಾಡದಲ್ಲಿ ನಾಲ್ಕು ಸ್ಥಾನಗಳನ್ನು ಪಡೆದು ಕಾಂಗ್ರೆಸ್ ದೊಡ್ಡ ಪಕ್ಷವಾಗಿ ಹೊರಹೊಮ್ಮಿದೆ.

ಬಿಜೆಪಿ ಜಿಲ್ಲೆಯಲ್ಲಿ ಎರಡು ಸ್ಥಾನಗಳಲ್ಲಿ ಮಾತ್ರ ಜಯಗಳಿಸಿದೆ. ಅದರಲ್ಲಿ ಒಂದು ಸ್ಥಾನ ಮುಖ್ಯಮಂತ್ರಿ ಆಗಿದ್ದ ಜಗದೀಶ್ ಶೆಟ್ಟರ್ ಪ್ರತಿನಿಧಿಸಿದ್ದ ಹುಬ್ಬಳ್ಳಿ ಧಾರವಾಡ ಸೆಂಟ್ರಲ್ ಕ್ಷೇತ್ರ ಎಂಬುದು ಬಿಜೆಪಿ ಪಾಲಿಗೆ ಸಂತಸದ ಸಂಗತಿ. ಶೆಟ್ಟರ್ ಅವರಿಗೆ ಗೆದ್ದಿದ್ದೇನೆಂಬ ಸಮಾಧಾನ ಬಿಟ್ಟರೆ ಜಿಲ್ಲೆಯಲ್ಲಿ ಪಕ್ಷ ಧೂಳೀಪಟವಾಗಿರುವುದು ನೋವು ಉಂಟುಮಾಡಿದೆ.

2008ರ ಚುನಾವಣೆಯಲ್ಲಿ ಆರು ಕ್ಷೇತ್ರಗಳಲ್ಲಿ ಅರಳಿದ್ದ ಕಮಲ ಈ ಬಾರಿ ಎರಡಕ್ಕೆ ಸೀಮಿತವಾಗಿದೆ. ಕೇವಲ ಒಂದು ಸ್ಥಾನ ಪಡೆದಿದ್ದ ಕಾಂಗ್ರೆಸ್ ನಾಲ್ಕು ಸ್ಥಾನ ಗೆಲ್ಲುವ ಮೂಲಕ ಸರಕಾರ ರಚನೆಗೆ ಜಿಲ್ಲೆಯ ಕೊಡುಗೆ ನೀಡಿದೆ.

ಧಾರವಾಡ ಗ್ರಾಮೀಣ ಕ್ಷೇತ್ರದಲ್ಲಿ ಹಾಲಿ ಶಾಸಕಿ ಸೀಮಾ ಮಸೂತಿಯವರನ್ನು ನಾಲ್ಕನೇ ಸ್ಥಾನಕ್ಕಿಳಿಸಿ ಠೇವಣಿ ಕಳೆಯುವ ಮೂಲಕ ಮತದಾರರು ಬಿಜೆಪಿ ವಿರುದ್ದ ತಮ್ಮ ಆಕ್ರೋಶವನ್ನು ವ್ಯಕ್ತಪಡಿಸಿದ್ದಾರೆ. ಜಿಲ್ಲೆಯಲ್ಲಿ ಮೊದಲ ಬಾರಿಗೆ ಜೆಡಿಎಸ್ ನವಲಗುಂದದಲ್ಲಿ ಜಯ ಸಾಧಿಸುವ ಮೂಲಕ ಖಾತೆ ತೆರೆದಿದೆ.

ಧಾರವಾಡ ಜಿಲ್ಲೆ ವಿಧಾನಸಭಾ ಕ್ಷೇತ್ರಗಳಲ್ಲಿ : ಗೆದ್ದವರು, ಸೋತವರ ವಿವರ ಹೀಗಿದೆ:

ಕ್ಷೇತ್ರ	ಗೆದ್ದವರು	ಪಕ್ಷ	ಪಡೆದ ಮತಗಳು	ಸೋತವರು	ಪಕ್ಷ
ನವಲಗುಂದ	ಎನ್.ಎಚ್.ಕೋನರೆಡ್ಡಿ	ಜೆಡಿಎಸ್	44,260	ಶಂಕರ್ ಪಾಟೀಲ್	ಬಿಜೆಪಿ	41,524
ಕುಂದಗೋಳ	ಸಿ.ಎಸ್.ಶಿವಳ್ಳಿ	ಕಾಂಗ್ರೆಸ್	55,076	ಚಿಕ್ಕನಗೌಡ	ಕೆಜೆಪಿ	29,476
ಧಾರವಾಡ ಗ್ರಾಮೀಣ	ವಿನಯ್ ಕುಲಕರ್ಣಿ	ಕಾಂಗ್ರೆಸ್	53,453	ಅಮೃತ ದೇಸಾಯಿ	ಜೆಡಿಎಸ್	35,133
ಹುಬ್ಬಳ್ಳಿ ಧಾರವಾಡ ಪಶ್ಚಿಮ	ಅರವಿಂದ ಬೆಲ್ಲದ್	ಬಿಜೆಪಿ	42,003	ಎಸ್.ಆರ್.ಮೋರೆ	ಕಾಂಗ್ರೆಸ್	30,821
ಹುಬ್ಬಳ್ಳಿ ಧಾರವಾಡ ಕೇಂದ್ರ	ಜಗದೀಶ್ ಶೆಟ್ಟರ್	ಬಿಜೆಪಿ	57,492	ಡಾ.ಮಹೇಶ್	ಕಾಂಗ್ರೆಸ್	40,192
ಹುಬ್ಬಳ್ಳಿ ಧಾರವಾಡ ಪೂರ್ವ	ಪ್ರಸಾದ್ ಅಬ್ಬಯ್ಯ	ಕಾಂಗ್ರೆಸ್	42,353	ವೀರಭದ್ರಪ್ಪ ಹಾಲಹರವಿ	ಬಿಜೆಪಿ	28,831
ಕಲಘಟಗಿ	ಸಂತೋಷ್ ಲಾಡ್	ಕಾಂಗ್ರೆಸ್	76,802	ನಿಂಬಣ್ಣನವರ	ಕೆಜೆಪಿ	31,141

English summary

Karnataka assembly Election Results. Here is complete information about winners and losers with their constituencies and party of Dharwad district. In Dharwad district BJP get only Two seats. Congress win 6 seats in dist. Dharwad is native district for Former CM Jagadish Shettar.