Cognizant ಟೆಕ್ಕಿ, ಪತ್ನಿ ಮಹಡಿಯಿಂದ ಹಾರಿ ಆತ್ಮಹತ್ಯೆ

ಚೆನ್ನೈ, ಏ.13: ಕೌಟುಂಬಿಕ ಜಗಳದಿಂದಾಗಿ ಐಟಿ ದಿಗ್ಗಜ Cognizant ಕಂಪನಿಯ ಟೆಕ್ಕಿ ಮತ್ತು ಆತನ ಪತ್ನಿ ನಾಲ್ಕನೆಯ ಮಹಡಿಯಿಂದ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ನಿನ್ನೆ ಶುಕ್ರವಾರ ಪಲ್ಲವರಂ ಬಡಾವಣೆಯಲ್ಲಿ ಈ ಘಟನೆ ನಡೆದಿದ್ದು, ಮೃತಪಟ್ಟವರನ್ನು 36 ವರ್ಷದ ಅರಿವಳಗನ್ ಮತ್ತು 26 ವರ್ಷದ ಅಭಿರಾಮಿ ಎಂದು ಗುರುತಿಸಲಾಗಿದೆ. ಅಭಿರಾಮಿ ಸ್ಥಳದಲ್ಲೇ ಸತ್ತಿದ್ದರೆ ಅರಿವಳಗನ್ ಆಸ್ಪತ್ರೆಗೆ ಸಾಗಿಸುವಾಗ ಮೃತಪಟ್ಟಿದ್ದಾನೆ.

ಸಾವಿಗೆ ಮುನ್ನ ದಂಪತಿ ಮಧ್ಯೆ ವ್ಯಾಜ್ಯ ನಡೆದಿದೆ ಎನ್ನಲಾಗಿದೆ. ಕೋಪದಲ್ಲಿ ಒಬ್ಬರು ಮಹಡಿಯಿಂದ ಹಾರಿಬೀಳುತ್ತಿದ್ದಂತೆ ಮತ್ತೊಬ್ಬರು ಅವರನ್ನು ಹಿಂಬಾಲಿಸಿದ್ದಾರೆ. ಇಬ್ಬರ ದೇಹಗಳು ಕೆಳಗೆ ಬೀಳುತ್ತಿದ್ದಂತೆ ಸ್ಥಳದಲ್ಲಿದ್ದ ವಾಚ್ ಮನ್ ಓಡಿಬಂದಿದ್ದಾನೆ.

ದಂಪತಿ ಇಬ್ಬರೂ ಕಂಪ್ಯೂಟರ್ ಅಪ್ಲಿಕೇಷನ್ಸ್ ನಲ್ಲಿ ಸ್ನಾತಕೋತ್ತರ ಪದವೀಧರರು. ಅಭಿರಾಮಿ ಕೆಲಸಕ್ಕೆ ಸೇರಲು ಹಾತೊರೆಯುತ್ತಿದ್ದರೆ ಅರಿವಳಗನ್ ಅದಕ್ಕೆ ಅಡ್ಡಿಪಡಿಸುತ್ತಿದ್ದ ಎನ್ನಲಾಗಿದೆ. 2012ರ ಆಗಸ್ಟಿನಲ್ಲಿ ಇವರ ಮದುವೆ ನಡೆದಿತ್ತು. ಯಾವುದೇ ಡೆತ್ ನೋಟ್ ಪತ್ತೆಯಾಗಿಲ್ಲ. ಅರಿವಳಗನ್ ಸೇಲಂ ಜಿಲ್ಲಯವನಾಗಿದ್ದು, ಅಭಿರಾಮಿ ಈರೋಡ್ ಜಿಲ್ಲೆಯವರು.

ನೀವೇ ಆಗಿರಿ ಕರ್ನಾಟಕದ ಗುರು | ಮತ ಹಾಕ್ತೀನಂತ ಪ್ರಮಾಣ ಮಾಡಿ

English summary

Chennai Cognizant techie Arivalagan wife commit suicide on Friday, April 12. Arivalagan allegedly had a spat with his wife 26-year-old Abhirami. According to sources, the couple, both postgraduates in computer applications, used to have fights as the wife wanted to pursue her career in IT field but the husband was upset with the decision and opposed it.