ಬಂದ್ ಗೆ ಮೊದಲ ಬಲಿ: ಕಾರ್ಮಿಕ ಮುಖಂಡನ ಹತ್ಯೆ

ಅಂಬಾಲಾ, ಫೆ.20: ದೇಶಾದ್ಯಂತ 11 ಕಾರ್ಮಿಕ ಸಂಘಟನೆಗಳು ಇಂದು ಮತ್ತು ನಾಳೆ ಕರೆ ನೀಡಿರುವ 'ಭಾರತ್ ಬಂದ್' ಕಾರ್ಮಿಕ ನಾಯಕರಿಗೆ ಮುಳುವಾಗಿದ್ದು, ಮೊದಲ ಬಲಿ ತೆಗೆದುಕೊಂಡಿದೆ.

ಬುಧವಾರ ಬೆಳಗಿನ ಜಾವ ಬಂದ್ ಆರಂಭವಾದ ಮರುಘಳಿಗೆಯೇ ಕಾರ್ಮಿಕ ನಾಯಕನೊಬ್ಬನ ಬರ್ಬರ ಹತ್ಯೆಯಾಗಿದೆ. ಎಡರಂಗದ AITUC ಖಜಾಂಜಿ ನರೇಂದ್ರ ಸಿಂಗ್ ಅವರನ್ನು ಬಸ್ ನಿಲ್ದಾಣದಲ್ಲಿ ಇರಿದು ಸಾಯಿಸಲಾಗಿದೆ.

AITUC ಪ್ರಧಾನ ಕಾರ್ಯದರ್ಶಿ ಗುರುದಾಸ್ ದಾಸ್ ಗುಪ್ತಾ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಮುಷ್ಕರಕ್ಕೆ ಕರೆ ನೀಡಲಾಗಿತ್ತು. ಆದರೆ ನರೇಂದ್ರ ಸಿಂಗ್ ಅವರು ಬಸ್ ನಿಲ್ದಾಣದಿಂದ ಬಸ್ಸನ್ನು ಹೊರಕ್ಕೆ ತೆಗೆಯಲು ಯತ್ನಿಸಿದ್ದಾರೆ. ಆ ವೇಳೆ ಕೆಲ ದುಷ್ಕರ್ಮಿಗಳು ಅವರನ್ನು ಇರಿದು ಸಾಯಿಸಲಾಗಿದೆ ಎಂದು ಅವರು ತಿಳಿಸಿದ್ದಾರೆ.

ಹತ್ಯೆಯನ್ನು ತೀವ್ರವಾಗಿ ಖಂಡಿಸಿರುವ ಗುರುದಾಸ್ ದಾಸ್ ಗುಪ್ತಾ ಅವರು ಈ ದುರ್ಘನೆಯ ನಡೆದಿದ್ದರೂ ಬಂದ್ ಮುಂದುವರಿಯಲಿದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಕಾಂಗ್ರೆಸ್ ಪಕ್ಷದ INTUC ಮತ್ತು ಬಿಜೆಪಿ ಪರ BMS ಸಂಘಟನೆಗಳೂ ಸಹ ಬಂದ್ ನಲ್ಲಿ ಪಾಲ್ಗೊಂಡಿವೆ.

English summary

Bharat bandh Effect: Ambala AITUC treasurer stabbed to death.