ಇನ್ಫೋಸಿಸ್ ಮತ್ತೆ ಹಳಿಗೆ: 2369 ಕೋಟಿ ನಿವ್ವಳ ಲಾಭ

ಬೆಂಗಳೂರು, ಜ.11: ಐಟಿ ದಿಗ್ಗಜ ಇನ್ಫೋಸಿಸ್ ಕಂಪನಿ ಮೂರನೆಯ ತ್ರೈಮಾಸಿಕದಲ್ಲಿ ವೆರೈಟಿ ಫಲಿತಾಂಶ ನೀಡಿದೆ. ಮಾರುಕಟ್ಟೆಯ ನಿರೀಕ್ಷೆ, ಲೆಕ್ಕಾಚಾರಗಳನ್ನು ತಲೆಕೆಳಗು ಮಾಡಿರುವ ಇನ್ಫಿ, Q3 ಫಲಿತಾಂಶದಲ್ಲಿ ಭರ್ಜರಿ ಇಳುವರಿ ತೋರಿದೆ.

Infosys ಕಂಪನಿಯ ತೆರಿಗೆ ನಂತರದ ಲಾಭ 2369 ಕೋಟಿ ರೂ. ಆಗಿದೆ. ಕಂಪನಿ ಅಬ್ಬಬ್ಬಾ ಅಂದರೆ 2,200 ಕೋಟಿ ರೂ. ಲಾಭ ಗಳಿಸಬಹುದು ಎಂದೇ ಮಾರುಕಟ್ಟೆ ಪಂಡಿತರು ಅಂದಾಜಿಸಿದ್ದರು. ತತ್ಫಲವಾಗಿ, 2012ರಲ್ಲಿ ಷೇರು ಮಾರುಕಟ್ಟೆಯಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ನೀಡಿದ್ದ Infosys ಈಗ ನಿರಾಶಾವಾದದ ಸುಳಿಯಿಂದ ಹೊರಬಂದಂತಾಗಿದೆ.

Infosys ಕಂಪನಿಯ ಆದಾಯ ಅಕ್ಟೋಬರ್-ಡಿಸೆಂಬರ್ 2012 ತ್ರೈಮಾಸಿಕದಲ್ಲಿ ಶೇ. 12 ರಷ್ಟು ಏರಿಕೆಯೊಂದಿಗೆ 10,424 ಕೋಟಿ ರೂ. ಗಳಿಸಿದೆ. ಇದೇ ಅವಧಿಯಲ್ಲಿ ಕಳೆದ ವರ್ಷ 9,298 ಕೋಟಿ ರೂ. ಆದಾಯ ದಾಖಲಿಸಿತ್ತು.

ಕಂಪನಿಯು ಪ್ರಸಕ್ತ ಆರ್ಥಿಕ ವರ್ಷಕ್ಕೆ revenue guidance ಅನ್ನು ಇಂದು 7.45 ಶತಕೋಟಿ ಡಾಲರ್ ಗೆ ಏರಿಸಿದ್ದು, ಭಾರಿ ಆಶಾದಾಯಕ ವಾತಾವರಣ ಮೂಡಿಸಿದೆ. ಮಾರುಕಟ್ಟೆಯಲ್ಲಿ ಅತಂತ್ರ ಸ್ಥಿತಿಯಿದ್ದರೂ ಎಲ್ಲರ ನಿರೀಕ್ಷೆಯನ್ನು ಮೀರಿ ಕಂಪನಿ ಉತ್ತಮ ಸಾಧನೆ ತೋರಿದೆ ಎಂದು ಕಂಪನಿ ಸಿಇಒ ಮತ್ತು ಎಂಡಿ ಎಸ್ ಡಿ ಶಿಬೂಲಾಲ್ ಸಂತಸ ವ್ಯಕ್ತಪಡಿಸಿದ್ದಾರೆ.

ಕಾರ್ಯವಾಹಿ ವೆಚ್ಚಗಳು ಹೆಚ್ಚಾಗಿದ್ದರೂ ಕಾರ್ಯದಕ್ಷತೆ ಸಾಧಿಸುವ ಮೂಲಕ ಈ ಫಲಿತಾಂಶ ನೀಡಿದ್ದೇವೆ. ಮುಂದಿನ ಜನವರಿ-ಮಾರ್ಚ್ ಫಲಿತಾಂಶವೂ ಉತ್ತಮಗೊಳ್ಳಲಿದೆ ಎಂದು ಶಿಬೂಲಾಲ್ ಆಶಾಭಾವ ವ್ಯಕ್ತಪಡಿಸಿದರು.

English summary

Infosys Q3 2013 PAT at Rs 2369 cr: IT major Infosys finally reported profits and revenues that beat estimates, with profit after tax at Rs 2369 crores for Q3 2013, against consensus estimates of around Rs 2,200 crores. Infosys revenue for Oct-Dec quarter was up 12 per cent at Rs 10,424 crore from Rs 9,298 crore in the year-ago period. The company has given a revenue guidance of $7.45 billion for FY 13, which again too is above street expectations.