ಗಣೇಶ ವಿಸರ್ಜನೆ ಅನುಕೂಲಕ್ಕೆ ಸಂಚಾರಿ ವಾಹನ

ಬೆಂಗಳೂರು, ಸೆ.18: ಗಣೇಶ ಹಬ್ಬದ ಆಚರಣೆಯಿಂದ ಉಂಟಾಗುವ ಜಲ ಮಾಲಿನ್ಯ ತಡೆಗಟ್ಟಲು ಸಂಚಾರಿ ಗಣೇಶ ವಿಸರ್ಜನಾ ವಾಹನಗಳನ್ನು ಸಜ್ಜುಗೊಳಿಸಲಾಗಿದೆ.ಸಾರ್ವಜನಿಕರು ಹೆಚ್ಚೆಚ್ಚು ಪರಿಸರ ಸ್ನೇಹಿ ಗಣೇಶ ಮೂರ್ತಿಗಳನ್ನೇ ಖರೀದಿಸಿದರೆ ಒಳ್ಳೆಯದು ಎಂದು ಮೇಯರ್ ವೆಂಕಟೇಶ್ ಮೂರ್ತಿ ಹೇಳಿದ್ದಾರೆ.

ಕರ್ನಾಟಕ ರಾಜ್ಯ ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿ ಹಾಗೂ ಬಿಬಿಎಂಪಿ ನಗರದ ವಿವಿಧ ಬಡಾವಣೆಗಳಲ್ಲಿ ಸೆ.19ರ ಸಂಜೆಯಿಂದ ರಾತ್ರಿಯವರೆಗೆ ಗಣೇಶ ವಿಸರ್ಜನೆಗೆಂದು ಸಂಚಾರಿ ವಾಹನದ ಸೇವೆ
ಒದಗಿಸುತ್ತಿದೆ. ಸಾರ್ವಜನಿಕರು ಈ ವ್ಯವಸ್ಥೆಯನ್ನು ಸದುಪಯೋಗಪಡಿಸಿಕೊಳ್ಳಬೇಕು ಎಂದು ಮಂಡಳಿ ಮನವಿ ಮಾಡಿದೆ.

* ಬೆಂಗಳೂರು ದಕ್ಷಿಣ ವಿಭಾಗದಲ್ಲಿ ಸಂಜೆ 5 ರಿಂದ 7, ಜಯನಗರ 4ನೇ ಹಂತದ ಪೊಲೀಸ್ ಠಾಣೆ ಬಳಿ ಸಂಜೆ 7.15 ರಿಂದ ರಾತ್ರಿ 10ರ ತನಕ ಸಂಚಾರಿ ಗಣೇಶ ವಿಸರ್ಜನಾ ವಾಹನ ಲಭ್ಯವಿದೆ.
* ಬೆಂಗಳೂರು ಪೂರ್ವ ವಿಭಾಗದಲ್ಲಿ ಸಂಜೆ 4ರಿಂದ 7.45,
* ಜೀವನ್‌ಭೀಮಾನಗರ ಪೊಲೀಸ್ ಠಾಣೆ ಬಳಿ ಸಂಜೆ 8 ರಿಂದ 10 ರವರೆಗೆ
* ಬೆಂಗಳೂರು ಪಶ್ಚಿಮ ವಿಭಾಗದಲ್ಲಿ ಸಂಜೆ 3 ರಿಂದ 6,
* ಮಲ್ಲೇಶ್ವರ ಪೊಲೀಸ್ ಠಾಣೆ ಬಳಿ ಸಂಜೆ 6 ರಿಂದ 6.30 ರವರೆಗೆ,
* ಮಲ್ಲೇಶ್ವರ 13 ನೆ ಅಡ್ಡರಸ್ತೆಯಲ್ಲಿ ಸಂಜೆ 6.30 ರಿಂದ 7.30
* ಮಲ್ಲೇಶ್ವರ 18ನೆ ಅಡ್ಡ ರಸ್ತೆ ಬಳಿ ಸಂಜೆ 7.30 ರಿಂದ ರಾತ್ರಿ 10 ರ ತನಕ ಸೇವೆ ಲಭ್ಯವಿದೆ.

English summary

KSPCB and BBMP has organised Immersion ponds at 36 lakes and tanks across the city, the BBMP will have 88 mobile immersion tanks for smaller idols.Mayor D. Venkatesh Murthy have once again appealed to citizens to buy eco-friendly idols instead of those painted with harmful chemicals, such as lead and chromium