• search

ಬೆಂಗಳೂರು: ಶಾಲಾ ಮಹಡಿಯಿಂದ ಹಾರಿದ ಬಾಲಕಿ

By Srinath
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    bangalore-girl-leaps-off-college-building-fracture-legs
    ಬೆಂಗಳೂರು, ಸೆ.13: ತನ್ನಿಂದಾಗಿ ಸಹಪಾಠಿಗಳು ಆತ್ಮಹತ್ಯೆ ಮಾಡಿಕೊಳ್ಳುವ ಭೀತಿ ಹುಟ್ಟುಹಾಕಿದ್ದೇ ತಡ 15 ವರ್ಷದ ಬಾಲಕಿಯೊಬ್ಬಳು ಅದಕ್ಕೂ ಮುನ್ನ ತಾನೇ ಆತ್ಮಹತ್ಯೆ ಮಾಡಿಕೊಳ್ಳಲು ಶಾಲಾ ಕಟ್ಟಡದಿಂದ ಹಾರಿ ಅವಘಡ ಮಾಡಿಕೊಂಡಿದ್ದಾಳೆ. ಪ್ರಾಣಾಪಾಯದಿಂದ ಬಾಲಕಿ ಬಚಾವಾಗಿದ್ದಾಳಾದರೂ ಎರಡೂ ಕಾಲುಗಳನ್ನು ಮುರಿದು ಕೊಂಡಿದ್ದಾಳೆ.

    ದೊಮ್ಮಲೂರಿನ ಸರಕಾರಿ ಪಿಯುಸಿ ಕಾಲೇಜಿನಲ್ಲಿ ಬುಧವಾರ ಮಧ್ಯಾಹ್ನ ಈ ವಿಲಕ್ಷಣ ಘಟನೆ ನಡೆದಿದೆ. 10ನೇ ತರಗತಿಯ ರೇವತಿ ನಾರಾಯಣ್ ಶಾಲೆಯ 2ನೆಯ ಮಹಡಿಯಿಂದ ಹಾರಿ ಆತ್ಮಹತ್ಯೆಗೆ ಯತ್ನಿಸಿದ ಬಾಲಕಿ.

    ಏನಾಯಿತೆಂದರೆ ರೇವತಿಯ ಸಹಪಾಠಿಗಳು ಅವಳ ಮುಖದ ಮೇಲೆ ತಮಾಷೆಗಾಗಿ ಚಾಕ್ ಪೀಸ್ ಪುಡಿಯನ್ನು ತೂರಿದ್ದಾರೆ. ಸರಿ ಅಷ್ಟಕ್ಕೇ ಕೋಪಗೊಂಡ ರೇವತಿ ಸೀದಾ ಕ್ಲಾಸ್ ಟೀಚರ್ ಹತ್ತಿರ ಹೋಗಿ ಹೀಗೀಗೆ ಎಂದು ದೂರು ನೀಡಿದ್ದಾಳೆ. ಇದಕ್ಕೆ ಬೇಜಾರು ಮಾಡಿಕೊಂಡ ಆ ವಿದ್ಯಾರ್ಥಿನಿಯರು ರೇವತಿಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

    ಹುಡುಗಾಟಿಕೆ ಮಾಡಲು ಹೋಗಿ...:
    'ಏನೇ ನಮ್ಮ ವಿರುದ್ಧವೇ ಕ್ಲಾಸ್ ಟೀಚರ್ ಗೆ ದೂರು ನೀಡುತ್ತೀಯಾ' ಎಂದು ದಬಾಯಿಸಿದ್ದಾರೆ. ಅಷ್ಟೇ ಆಗಿದ್ದರೆ ಏನೂ ಆಗುತ್ತಿರಲಿಲ್ಲ. ಆದರೆ ರೇವತಿಯನ್ನು ಇನ್ನಷ್ಟು ಗೋಳುಹೊಯ್ದುಕೊಳ್ಳಲು ಮುಂದಾದ ಆ ವಿದ್ಯಾರ್ಥಿನಿಯರು 'ನೀನು ಹೀಗೆ ಟೀಚರ್ ಗೆ ಚಾಡಿ ಹೇಳಿದ್ದರಿಂದ ನಮಗೆಲ್ಲ ಅವಮಾನವಾಗಿದೆ. ಹಾಗಾಗಿ ನಾವೆಲ್ಲ ಆತ್ಮಹತ್ಯೆ ಮಾಡಿಕೊಳ್ಳುತ್ತೇನೆ. ಅದಕ್ಕೂ ಮುನ್ನ ನಮ್ಮ ಸಾವಿಗೆ ನೀನೇ ಕಾರಣ ಎಂದು ಲೆಟರ್ ಬರೆದಿಡುತ್ತೇವೆ' ಎಂದಿದ್ದಾರೆ.

    ಅಷ್ಟೇ. ರೇವತಿ ಒಂದೇ ಧಾವಂತಕ್ಕೆ ಸಿಕ್ಕಿಕೊಂಡಿದ್ದಾಳೆ. ಆತಂಕ ಹೆಚ್ಚಾಗುತ್ತಿದ್ದಂತೆ ಏನು ಮಾಡಬೇಕೋ ತೋಚದೆ ಸೀದಾ ಶಾಲಾ ಕಟ್ಟಡದ ಎರಡನೆಯ ಮಹಡಿಗೆ ಹತ್ತಿ ಅಲ್ಲಿಂದ ಕೆಳಕ್ಕೆ ಡೈವ್ ಹೊಡೆದಿದ್ದಾಳೆ.

    ತಕ್ಷಣ ಶಾಲಾ ಟೀಚರುಗಳು ರೇವತಿಯನ್ನು ಇಂದಿರಾನಗರದಲ್ಲಿರುವ ಚಿನ್ಮಯ ಮಿಷನ್ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಇದೆಲ್ಲ ಆಗುವ ವೇಳೆಗೆ ಮಧ್ಯಾಹ್ನ 3.30 ಆಗಿದೆ. ಸುದೈವ ಮಗುಗೆ ತಲೆಗೆ ಪೆಟ್ಟು ಬಿದ್ದಿಲ್ಲ. ಇಲ್ಲಾಂದ್ರೆ ಅಷ್ಟೇ ಎಂದು ವೈದ್ಯರು ತಕ್ಷಣ ರೇವತಿಯ ಕಾಲುಗಳನ್ನು ಆಪರೇಟ್ ಮಾಡಲು ಮುಂದಾಗಿದ್ದಾರೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Bangalore girl leaps off college building fractures legs. Fearing prank by her classmates Revathi Narayan (15), a Class X student of Domlur Government PU College jumped off the second floor of her school building in Domlur on Wednesday afternoon (Sept 12) and fractured her legs. 

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more