ಒಬಾಮಾ ಬಿಟ್ಟರೆ ಅಮೆರಿಕಕ್ಕೆ ಆಪತ್ತು : ಕ್ಲಿಂಟನ್
ಡೆಮೊಕ್ರೆಟಿಕ್ ನ್ಯಾಷನಲ್ ಕನ್ವೇಂಷನ್ (DNC) ಮೊದಲ ದಿನ ಒಬಾಮಾ ಪತ್ನಿ ಮಿಚೆಲ್ ಒಬಾಮಾ ಅವರ ಭಾಷಣದಿಂದ ಪುಳಕಿತರಾಗಿದ್ದ ಅಮೆರಿಕ ಜನತೆಗೆ ಗುರುವಾರ(ಸೆ.6) ಬಿಲ್ ಕ್ಲಿಂಟನ್ ಮತ್ತಷ್ಟು ಹುರುಪು ತುಂಬಿದರು.
ನವೆಂಬರ್ನಲ್ಲಿ ನಡೆಯಲಿರುವ ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಆಡಳಿತಾರೂಢ ಡೆಮೊಕ್ರಟಿಕ್ ಪಕ್ಷದ ಅಭ್ಯರ್ಥಿಯಾಗಿರುವ ಹಾಲಿ ಅಧ್ಯಕ್ಷ ಬರಾಕ್ ಒಬಾಮ ಮತ್ತು ವಿರೋಧಿ ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿ ಮಿಟ್ ರೋಮ್ನಿ ಅವರ ನಡುವೆ ಸಮಬಲದ ಸ್ಪರ್ಧೆ ಏರ್ಪಡಲಿದೆ ಎಂದು ಸಮೀಕ್ಷೆ ಹೊರ ಬಿದ್ದ ನಂತರ ಡೆಮೊಕ್ರೆಟಿಕ್ ಪಕ್ಷ ಬಿರುಸಿನ ಪ್ರಚಾರ ಆರಂಭಿಸಿದೆ.
ಕ್ಲಿಂಟನ್ ಭಾಷಣದ ಮುಖ್ಯಾಂಶ:
ಆರ್ಥಿಕ ನೀತಿ: ನಾಲ್ಕು ವರ್ಷದಲ್ಲಿ ಆರ್ಥಿಕ ಕುಸಿತವನ್ನು ಸುಧಾರಿಸುವುದು ಯಾರಿಗೆ ಆಗಲಿ ಕಷ್ಟದ ಕೆಲಸ. ಆದರೆ, ಜನಹಿತ ಸುಧಾರಣೆಗಳನ್ನು ತರುವ ಮೂಲಕ ಒಬಾಮಾ ಉತ್ತಮ ಸಾಧನೆ ಮಾಡಿದ್ದಾರೆ ಎಂದು ಕ್ಲಿಂಟನ್ ಹೇಳಿದರು.
ಸಾಲ: ರಾಷ್ಟ್ರೀಯ ಸಾಲವನ್ನು 4 ಟ್ರಿಲಿಯನ್ ಡಾಲರ್ ಗಿಂತ ಕೆಳಗಿಳಿಸಲು ಎದುರಾಳಿ ರಿಪಬ್ಲಿಕ್ ಪಕ್ಷದ ಮಿಟ್ ರೊಮ್ನಿ ಕೊಟ್ಟಿರುವ ಸುಧಾರಣೆ ವಿಧಾನಕ್ಕಿಂತ ಒಬಾಮಾ ವಿಧಾನ ಹೆಚ್ಚು ಸೂಕ್ತ ಹಾಗೂ ಪರಿಣಾಮಕಾರಿಯಾಗಿದೆ. ತೆರಿಗೆ ಹೆಚ್ಚಳದಿಂದ ಸಾಲ ಕಡಿಮೆಯಾಗುವ ಬದಲು ಹೆಚ್ಚಾಗುತ್ತಾ ಹೋಗುತ್ತದೆ ಎಂಬುದು ರೊಮ್ನಿಗೆ ತಿಳಿದಿಲ್ಲ.
ಉದ್ಯೋಗ ಸೃಷ್ಟಿ: ಕಳೆದ 52 ವರ್ಷಗಳಲ್ಲಿ ಡೆಮೊಕ್ರೆಟಿಕ್ ಅಧ್ಯಕ್ಷರು ಹೆಚ್ಚೆಚ್ಚು ಉದ್ಯೋಗ ಸೃಷ್ಟಿಸಿದ್ದಾರೆ. 1961 ರಿಂದ ವೈಟ್ ಹೌಸ್ ರಿಪಬ್ಲಿಕ್ ಅಧೀನದಲ್ಲಿ 28 ವರ್ಷ ಹಾಗೂ ಡೆಮೊಕ್ರೆಟಿಕ್ ಅಧೀನದಲ್ಲಿ 24 ವರ್ಷ ಕಂಡಿದೆ. 66 ಮಿಲಿಯನ್ ಖಾಸಗಿ ವಲಯ ಉದ್ಯೋಗ ಸೃಷ್ಟಿಯಾಗಿದೆ. ಇದರಲ್ಲಿ 42 ಮಿಲಿಯನ್ ಉದ್ಯೊಗ ಡೆಮೊಕ್ರೆಟಿಕ್ ಆಡಳಿತ ಅವಧಿಯಲ್ಲಿ ಸೃಷ್ಟಿಯಾಗಿದ್ದು ಎಂಬುದು ಗಮನಾರ್ಹ.
ಆಟೋ ಕೈಗಾರಿಕೆ: 250,000 ಕ್ಕೂ ಅಧಿಕ ಆಟೋಮೊಬೈಲ್ ಕ್ಷೇತ್ರದಲ್ಲಿ ದುಡಿಯುತ್ತಿದ್ದಾರೆ. ಜನರಲ್ ಮೋಟರ್ಸ್, ಕ್ರೈಸ್ಲರ್ ಸೇರಿದಂತೆ ಅನೇಕ ಬೃಹತ್ ಸಂಸ್ಥೆಗಳು ಇದರಲ್ಲಿ ಸೇರಿದೆ. ಈ ಸಂಸ್ಥೆಗಳು ಆರ್ಥಿಕ ಸಂಕಷ್ಟಕ್ಕೆ ಸಿಕ್ಕಿದ್ದಾಗ ಕೈ ಹಿಡಿದು ಮೇಲಕ್ಕೆತ್ತಿದ್ದು ಒಬಾಮಾ ಅವರೇ ಹೊರರೂ ರೊಮ್ನಿ ಅಲ್ಲ. ಈ ಕ್ಷೇತ್ರದಲ್ಲಿ ಒಬಾಮಾ ಸ್ಕೋರ್ 250,000 ಅದರೆ, ರೊಮ್ನಿ 0
ಆರೋಗ್ಯ ಕ್ಷೇತ್ರ: ಕಾನೂನಿನ ಪ್ರಕಾರ ಪೋಷಕರ ವಿಮೆ ಪಾಲಿಸಿಯ ಫಲವನ್ನು 19 ರಿಂದ 25 ವರ್ಷದೊಳಗಿನ ಮಕ್ಕಳು ಕೂಡಾ ಪಡೆಯಬಹುದು. 1 ಬಿಲಿಯನ್ ಡಾಲರ್ ವಿಮೆ ರಿಫಂಡ್ ನಲ್ಲಿ ತೊಡಗಿಸಲಾಗಿದೆ. ಜನರ ಸುರಕ್ಷತೆಗೆ ನಮ್ಮ ಪಕ್ಷ ಬದ್ಧವಾಗಿದೆ. ಒಬಾಮಾ ಅವರ ಮೆಡಿಕೇರ್ ನಿಯಮಗಳು ಶ್ಲಾಘನೀಯ.
ಭಾರತೀಯ ಮೂಲದ ಮತದಾರರನ್ನು ಓಲೈಸುವಲ್ಲಿ ಎರಡು ಪಕ್ಷಗಳು ನಿರತವಾಗಿವೆ. ಭಾರತದೊಂದಿಗಿನ ದೀರ್ಘಾವಧಿ ಮೈತ್ರಿಯನ್ನು ಮುಂದುವರೆಸಿಕೊಂಡು ಹೋಗಲಾಗುವುದು ಎಂದು ಚಾರ್ಲೋಟ್ನಲ್ಲಿ ಮಂಗಳವಾರವಷ್ಟೇ ಚುನಾವಣಾ ಪ್ರಚಾರ ಆರಂಭಿಸಿರುವ ಡೆಮೊಕ್ರಟಿಕ್ ಪಕ್ಷ ತಿಳಿಸಿದೆ.
ಭಾರತೀಯ ಮೂಲದವರಾದ ಕ್ಯಾಲಿಫೋರ್ನಿಯಾದ ಅಟಾರ್ನಿ ಜನರಲ್ ಕಮಲಾ ಡಿ.ಹ್ಯಾರಿಸ್ ,ಹಾಲಿವುಡ್ ನಟ ಕಲ್ ಪೆನ್ , ಅಮೆರಿಕದ ಜನಪ್ರತಿನಿಧಿಗಳ ಸಭೆಗೆ ಬಹುತೇಕ ಆಯ್ಕೆಯಾಗಲಿರುವ ಹಿಂದೂ ಧರ್ಮ ಅನುಯಾಯಿ ತುಳಸಿ ಗಬ್ಬಾರ್ಡ್ DNC ಪ್ರಚಾರ ಸಭೆಯಲ್ಲಿ ಒಬಾಮ ಪರ ಮತ ಯಾಚಿಸಿದ್ದಾರೆ.
ಅಮೆರಿಕದ ರಾಷ್ಟ್ರೀಯ ಸಾಲ 16 ಲಕ್ಷ ಕೋಟಿ ಡಾಲರ್ನಷ್ಟು ಹೆಚ್ಚಿದ್ದು, ಇದೇ ವಿಷಯವನ್ನು ರಿಪಬ್ಲಿಕನ್ ಪಕ್ಷ ಚುನಾವಣೆಯಲ್ಲಿ ಪ್ರಮುಖ ಅಸ್ತ್ರವಾಗಿ ಬಳಸಿಕೊಳ್ಳುತ್ತಿದೆ.
-
Gold Price: ಇಳಿಕೆಯತ್ತ ಚಿನ್ನ, ಬೆಳ್ಳಿ ಬೆಲೆ: ಇಂದಿನ ದರವೆಷ್ಟು? ಇಲ್ಲಿದೆ ಮಾಹಿತಿ -
Bengaluru Viral: ಆಟೋ ಚಾಲಕನ ಕ್ರಿಯೇಟಿವಿಟಿಗೆ ಬೆಂಗಳೂರು ನಿಜಕ್ಕೂ ಸೃಜನಶೀಲ ನಗರ ಎಂದ ನೆಟ್ಟಿಗರು -
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Video: ಲ್ಯಾಂಬೋರ್ಗಿನಿ ಸ್ಟಂಟ್ ಕೇಸ್: ಮುತ್ತಪ್ಪ ರೈ ಪುತ್ರ ರಿಕ್ಕಿ ರೈಗೆ ಪೊಲೀಸರಿಂದ ನೋಟಿಸ್ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Weekly Horoscope March 23-29: ಯಾರಿಗೆ ಲಾಭ, ಯಾರಿಗೆ ಸವಾಲು? ಸಂಪೂರ್ಣ ವಿವರ ಇಲ್ಲಿದೆ -
ಮೈಸೂರು, ಬೆಂಗಳೂರು, ವಿಜಯಪುರ ರೈಲು ಪ್ರಯಾಣಿಕರೇ ಗಮನಕ್ಕೆ; ರೈಲುಗಳ ಸಂಚಾರ ಭಾಗಶಃ ರದ್ದು -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD -
NWKRTC ಬಸ್ಗಳಿಗೆ ಟ್ರ್ಯಾಕಿಂಗ್ ಸಿಸ್ಟಮ್ ಅಳವಡಿಕೆಗೆ 'ಆಡಿಟ್' ಬಿಸಿ: ಜಗದೀಶ್ ಶೆಟ್ಟರ್ಗೆ ನಿತಿನ್ ಗಡ್ಕರಿ ಪತ್ರ -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು -
Jobs: ಆಯುಷ್ ಇಲಾಖೆ ನೇಮಕಾತಿ; ಬಿ.ಕಾಂ, ಬಿಬಿಎ ಓದಿದವರಿಗೆ ಬೆಂಗಳೂರಿನಲ್ಲಿ ಭರ್ಜರಿ ಉದ್ಯೋಗಾವಕಾಶ -
ಕೆಡಿ ಹಾಡಿನ ವಿವಾದ; ನಮ್ಮವರೇ ಕಾಲೆಳೆಯುವುದು ಸರಿಯಲ್ಲ: ಪ್ರೇಮ್ ಬೆಂಬಲಕ್ಕೆ ನಿಂತ ಯಶ್ ತಾಯಿ ಪುಷ್ಪ
Click it and Unblock the Notifications
Sign in with Google