• search

ವೇಶ್ಯೆಯರ ಡೈಲಿ ಬ್ರೆಡ್ ಕಿತ್ತುಕೊಂಡ ಒಲಿಂಪಿಕ್ಸ್

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    London Olympics 2012
    ಲಂಡನ್, ಜು.24: ಲಂಡನ್ ಒಲಿಂಪಿಕ್ಸ್ 2012 ಹತ್ತ್ತು ಹಲವು ಕ್ಷೇತ್ರದ ಜನರಿಗೆ ಉದ್ಯೋಗ, ಕೈ ತುಂಬಾ ಸಂಬಳ ಎಲ್ಲವನ್ನೂ ನೀಡಬಹುದು. ಆದರೆ, ಒಂದು ವರ್ಗ ಮಾತ್ರ ಪ್ರತಿನಿತ್ಯ ಹಿಡಿಶಾಪ ಹಾಕುತ್ತಿದೆ. ಶುಕ್ರವಾರದಿಂದ ಆರಂಭವಾಗಲಿರುವ ಒಲಿಂಪಿಕ್ಸ್ ಗೆ ಲಂಡನ್ ಮಹಾನಗರಿ ಸಂಪೂರ್ಣ ಸಜ್ಜಾಗಿದ್ದು, ನಾಗರೀಕರು ಅದರಲ್ಲೂ ಕ್ರೀಡಾಭಿಮಾನಿಗಳು ಸಭ್ಯತೆಯ ಎಲ್ಲೆ ಮೀರದಂತೆ ಪೊಲೀಸರು ಕಠಿಣ ಕ್ರಮಗಳನ್ನು ಕೈಗೊಂಡಿದ್ದಾರೆ. ಅದರಲ್ಲಿ ಮುಖ್ಯವಾಗಿ ವೇಶ್ಯೆಯರನ್ನು ನಗರದಿಂದ ಹೊರದಬ್ಬುವುದು.

    ಲಂಡನ್ ಸೇರಿದಂತೆ ಇಂಗ್ಲೆಂಡ್ ನ ನಗರಗಳಲ್ಲಿ ವೇಶ್ಯಾವಾಟಿಕೆಗೆ ಕಾನೂನಿನ ಮಾನ್ಯತೆ ಇದೆ. ಆದರೆ, ಒಲಿಂಪಿಕ್ಸ್ ಸಂದರ್ಭದಲ್ಲಿ ಸೆಕ್ಸ್ ಟೂರಿಸಂ ಭೀತಿ ಎದುರಾಗಿದೆ. ಅಲ್ಲದೆ, ಕೆಲ ದೇಶಗಳ ಅಥ್ಲೀಟ್ ಗಳು ವೇಶ್ಯಾವಾಟಿಕೆ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿದ್ದು ಇದೆ. ಹಾಗಾಗಿ ಆಯೋಜಕರು ಯಾವುದೇ ಮುಜುಗರಕ್ಕೆ ಒಳಗಾಗುವುದು ಬೇಡ ಶಿಸ್ತು ಕ್ರಮ ಕೈಗೊಳ್ಳಲಾಗಿದೆ ಎಂದು ನ್ಯೂಹ್ಯಾಮ್ ಪೊಲೀಸರು ಹೇಳಿದ್ದಾರೆ.

    ಒಲಿಂಪಿಕ್ಸ್ ಕ್ರೀಡಾಗಾಮದ ಸಮೀಪದಲ್ಲೇ 80ಕ್ಕೂ ಅಧಿಕ ವೇಶ್ಯಾಗೃಹಗಳಿತ್ತು. ಆದರೆ, ಬಹುತೇಕ ಎಲ್ಲವನ್ನೂ ಮುಚ್ಚಿಸಲಾಗಿದೆ. ಕಳೆದ ಎರಡು ವರ್ಷಗಳಿಂದ ಪೊಲೀಸರ ಕಾಟ ತಡೆಯಲು ಅಸಾಧ್ಯವಾಗಿದೆ. ಹೊಟ್ಟೆಪಾಡಿಗಾಗಿ ಈ ವೃತ್ತಿ ಮಾಡುತ್ತಿದ್ದೇವೆ. ಈಗ ಒಲಿಂಪಿಕ್ಸ್ ನಿಂದಾಗಿ ಬೀದಿಗೆ ಬೀಳುವಂತಾಗಿದೆ ಎಂದು ವೇಶ್ಯಾವೃತ್ತಿಗೆ ಆಸರೆಯಾಗಿರುವ ಯೋಜನೆಯ ಓಪನ್ ಡೋರ್ ನ ಜಾರ್ಜಿಯಾ ಪೆರ್ರಿ ಹೇಳಿದ್ದಾರೆ.

    ಲೈಂಗಿಕ ಕಾರ್ಯಕರ್ತೆಯರು ಬೀದಿಗಿಳಿದರೆ ಎಲ್ಲರಿಗೂ ಅಪಾಯ ಎಂಬುದು ತಿಳಿದಿದೆ. ಆದರೆ, ಪೊಲೀಸರ ವರ್ತನೆ ಬೇಸರ ತರಿಸಿದೆ ಎಂಬ ವೇಶ್ಯೆಯರ ಕೂಗಿಗೆ ಪ್ರತಿಕ್ರಿಯಿಸಿರುವ ನ್ಯೂಹ್ಯಾಮ್ ಪೊಲೀಸರು, ಒಲಿಂಪಿಕ್ಸ್ ಗೂ ವೇಶ್ಯಾಗೃಹಗಳ ಮೇಲಿನ ದಾಳಿಗೂ ಯಾವುದೇ ಸಂಬಂಧವಿಲ್ಲ ಎಂದಿದ್ದಾರೆ.

    ಪ್ರಧಾನಿ ಡೇವಿಡ್ ಕೆಮರೂನ್ ಒಲಿಂಪಿಕ್ಸ್ ನಿಂದಾಗಿ 13 ಬಿಲಿಯನ್ ಪೌಂಡ್(20.2 ಡಾಲರ್, 16.3 ಯುರೋ) ಲಾಭ ಗಳಿಸುವ ನಿರೀಕ್ಷೆಯಲ್ಲಿದ್ದಾರೆ. ವೇಶ್ಯಾ ವ್ಯಾಪಾರ ನಿಂತರೆ ಸರ್ಕಾರಕ್ಕೆ ಭಾರಿ ನಷ್ಟವಾಗುವುದಲ್ಲದೆ, ವೇಶ್ಯೆಯರನ್ನು ಸರಿಯಾಗಿ ನೋಡಿಕೊಳ್ಳಲು ಸೂಕ್ತ ವ್ಯವಸ್ಥೆ ಕಲ್ಪಿಸುವ ಜವಾಬ್ದಾರಿ ಕೂಡಾ ಸರ್ಕಾರದ ಮೇಲಿರುತ್ತದೆ.

    ವೇಶ್ಯಾಗೃಹಗಳ ಮೇಲಿನ ದಾಳಿಯನ್ನು ಸಮರ್ಥಿಸಿಕೊಂಡಿರುವ ಲಂಡನ್ ಮೇಯರ್ ಬೊರಿಸ್ ಜಾನ್ಸನ್, ವೇಶ್ಯಾವಾಟಿಕೆ ಹೆಸರಿನಲ್ಲಿ ಮಾನವ ಕಳ್ಳಸಾಗಣೆ ಹಾಗೂ ಸೆಕ್ಸ್ ಟೂರಿಸಂ ಬೆಳೆಯಲು ಬಿಡುವುದಿಲ್ಲ. ಅದರಲ್ಲೂ ಒಲಿಂಪಿಕ್ಸ್ ಸಂದರ್ಭದಲ್ಲಿ ನಗರದ ಗೌರವ ಕಾಪಾಡಬೇಕಿದೆ ಎಂದಿದ್ದಾರೆ.

    ಸ್ಥಳೀಯ ಬಾಂಗ್ಲಾದೇಶಿ ಮುಸ್ಲಿಂ ಕುಟುಂಬದವರು ಪೊಲೀಸರ ಕ್ರಮವನ್ನು ಸ್ವಾಗತಿಸಿದ್ದಾರೆ. ಕಾಂಡೋಮ್ ಗಳ ರಾಶಿಯ ಮೇಲೆ ದಿನ ನಡೆದಾಡುವುದು ಇನ್ನು ತಪ್ಪುತ್ತದೆ ಎಂದು ಉದ್ಗರಿಸಿದ್ದಾರೆ. ಇನ್ನೊಂದೆಡೆ ವೇಶ್ಯೆಯರಿಗೆ ತಾತ್ಕಾಲಿಕ ಪುನರ್ವಸತಿ, ಇತರೆ ಸೌಲಭ್ಯ ಒದಗಿಸುವಲ್ಲಿ ಸರ್ಕಾರೇತರ ಸಂಸ್ಥೆಗಳು ನಿರತವಾಗಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Prostitution is legal in Britain, but keeping a brothel is outlawed, London Olympics 2012 is has snatched daily bread of many Street women who are experiencing a lot of police requests to move on from the area. As Authority not wanted there during the Olympic Games.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more