ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ರೆಡ್ಡಿ ಚಿನ್ನದ ಸಿಂಹಾಸನ ಅಸಲಿಯಲ್ಲ; ನಕಲಿ- ಸಿಬಿಐ

By Srinath
|
Google Oneindia Kannada News

janardhana-reddy-golden-throne-fake-cbi
ಹೈದರಾಬಾದ್, ಜೂನ್ 9: ಅಕ್ರಮ ಗಣಿ ವೀರ ಜನಾರ್ದನ ರೆಡ್ಡಿ ಬಳ್ಳಾರಿಯಲ್ಲಿರುವ ತಮ್ಮ ಕುಟೀರ ಮನೆಯಲ್ಲಿ ಚಿನ್ನದ ಸಿಂಹಾಸನದಲ್ಲಿ ಕುಳಿತು, ದರ್ಬಾರು ನಡೆಸುತ್ತಿದ್ದರು ಎಂದೇ ಚಂದಗೆ ಚಂದಮಾಮ ಕಥೆ ಹೇಳಲಾಗುತ್ತಿತ್ತು. ಆದರೆ ಆ ಕಥೆಗೆ ಕುತೂಹಲಕರ ತಿರುವು ಸಿಕ್ಕಿದ್ದು, ರೆಡ್ಡಿ ಮನೆಯಲ್ಲಿದ್ದ ಕುರ್ಚಿ ಚಿನ್ನದ್ದಲ್ಲ ಎಂದು ಸಿಬಿಐ ಹೇಳಿದೆ. ಸೋ. ಹಳದಿ ಬಣ್ಣದಿಂದ ಹೊಳೆಯುವುದೆಲ್ಲ ಚಿನ್ನವಲ್ಲ ಎಂಬುದು ಮತ್ತೊಮ್ಮೆ ಸಾಬೀತಾಗಿದೆ.

ರೆಡ್ಡಿಯ ಸಿಂಹಾಸನ ಚಿನ್ನದ್ದಲ್ಲ ಎಂಬ ಸುದ್ದಿ ಕೇಳಿ ಬಹಳಷ್ಟು ನಿರಾಶರಾಗಿದ್ದಾರೆ. ಆದರೆ ಅದು ಚಿನ್ನ ಲೇಪಿತ ಕುರ್ಚಿಯಂತೂ ಹೌದು. ಈ ಹಿಂದಿನ ಗಾಲಿ ಸುದ್ದಿಯಂತೆ ಇಡೀ ಕುರ್ಚಿ ಚಿನ್ನದಿಂದ ಮಾಡಿದ್ದಲ್ಲ. ಹೊರಗಷ್ಟೇ ಥಳಫಳ. ಒಳಗೆಲ್ಲಾ...

ಸಿಬಿಐ ಇದೀಗ ರೆಡ್ಡಿ ಮನೆಯಿಂದ ಸೆಪ್ಟೆಂಬರ್ 5ರಂದು ವಶಪಡಿಸಿಕೊಂಡ ಅಕ್ರಮ ಸಂಪತ್ತನ್ನು ಅಳೆದೂ ಸುರಿದು, ತೂಗುತ್ತಿದೆ. ಆ ಕಾರ್ಯದಲ್ಲಿದ್ದಾಗ ಈ ಚಿನ್ನದ ಚೇರಿನ ಮೌಲ್ಯ ಅರಿಯುವ ಸಲುವಾಗಿ ಅಕ್ಕಸಾಲಿಗರ ಮೊರೆ ಹೋದಾಗ... 'ಸ್ವಾಮಿ ಇದೆಲ್ಲ ಚಿನ್ನದ್ದಲ್ಲ. ಮೇಲಷ್ಟೇ ಚಿನ್ನ ಮೆತ್ತಿದ್ದಾರೆ' ಎಂದು ಅಕ್ಕಸಾಲಿಗರು ಹೇಳಿದ್ದಾರೆ.

ಅಂದಹಾಗೆ, ಅಂದು ರೆಡ್ಡಿಯ ಕುಟೀರದಲ್ಲಿ 67 ಕೆಜಿ ಚಿನ್ನಾಭರಣ ಸಹಿತ ಒಟ್ಟು 15 ಕೋಟಿ ರೂ. ಸಂಪತ್ತನ್ನು ವಶಪಡಿಸಿಕೊಂಡಿದ್ದೆವು ಎಂದು ಸಿಬಿಐ ಮತ್ತೊಮ್ಮೆ ತಿಳಿಸಿದೆ.

English summary
Janardhana Reddy golden throne is fake not original finds CBI.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X