• search

ಕೆಎಸ್ಆರ್ ಟಿಸಿ ಬಸ್ಸಿನಲ್ಲಿ ಟರ್ಕಿ ಮಹಿಳೆಯ ರಾದ್ಧಾಂತ

By Srinath
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    turkish-lady-monaco-creates-havoc-in-ksrtc-bus
    ಮಂಗಳೂರು, ಮೇ 24: ಬೆಂಗಳೂರಿನತ್ತ ಹೊರಟಿದ್ದ KSRTC Volvo busನಲ್ಲಿ ವಿದೇಶಿ ಮಹಿಳೆಯೊಬ್ಬರು ರಂಪಾಟ ಮಾಡಿದ್ದು, ಕೆಲ ಕಾಲ ಉದ್ವಿಗ್ನ, ಆತಂಕದ ವಾತಾವರಣ ನಿರ್ಮಾಣವಾಗಿತ್ತು. ಬುಧವಾರ ರಾತ್ರಿ 11 ಗಂಟೆ ವೇಳೆಯಲ್ಲಿ ಈ ಘಟನೆ ನಡೆದಿದೆ.

    ಮೊನಾಕೋ ರೋರಾ ಎಂಬ ಈ ಟರ್ಕಿ ಮಹಿಳೆ ಮಂಗಳೂರಿನಲ್ಲಿ ಕೆಎಸ್ಆರ್ ಟಿಸಿ ಬಸ್ ಹತ್ತಿದ್ದರು. ಆದರೆ ಬಸ್ಸು ಜ್ಯೋತಿ ಸರ್ಕಲ್ ಬಳಿಗೆ ಬಂದಾಗ ಬಸ್ ಸಿಬ್ಬಂದಿ ನನ್ನನ್ನು ಬಲವಂತವಾಗಿ ಕೆಳಗಿಳಿಯುವಂತೆ ಮಾಡಿದರು ಎಂದು ಮಹಿಳೆ ಆರೋಪಿಸಿದ್ದಾರೆ. ಆಗ ದೊಡ್ಡ ನಾಟಕವೇ ನಡೆದಿದೆ.

    ಪ್ರಯಾಣಿಕರಿಂದ ತುಂಬಿದ್ದ ಸದರಿ ಬಸ್ ಲಾಲ್ ಬಾಗ್ ಬಸ್ ಸ್ಟಾಂಡಿನಿಂದ 10.30ಕ್ಕೆ ಬಿಟ್ಟಿತ್ತು. ಆದರೆ ಸ್ವಲ್ಪ ಹೊತ್ತಿನಲ್ಲೇ ಮಹಿಳೆ ರಾದ್ದಾಂತ ಎಬ್ಬಿಸಿದಳು ಎಂದು ಸಹ ಪ್ರಯಾಣಿಕರು ದೂರಿದ್ದಾರೆ. ಟಿಕೆಟ್ ಗೆ ಸಂಬಂಧಿಸಿದಂತೆ ಈ ಜಗಳ ಶುರುವಾಗಿದೆ. ಮೊದಲು ಬಸ್ ಚಾಲಕನನ್ನು ತರಾಟೆಗೆ ತೆಗೆದುಕೊಂಡ ಮಹಿಳೆ ನಂತರ, ಕಂಡಕ್ಟರ್ ಪ್ರದೀಪ್ ಗೂ ಆವಾಜ್ ಹಾಕಿದ್ದಾಳೆ. ಮುಂದೆ ಅದು ತಾರಕಕ್ಕೇರಿದೆ.

    ಕಂಡಕ್ಟರ್ ಹೇಳುವ ಪ್ರಕಾರ ಆ ವಿವಾದಿತ ಮಹಿಳೆಯೇ ಮೊದಲು ಆತನನ್ನು ಬಸ್ಸಿನಿಂದ ಕೆಳಗೆ ತಳ್ಳಿದ್ದಾಳೆ. ಜತೆಗೆ ಹೊಡೆದೂ ಬಡಿದೂ ಸಹ ಮಾಡಿದ್ದಾಳೆ. ಕದ್ರಿ ಪೊಲೀಸರಿಗೆ ವಿಷಯ ತಲುಪಿ ತಕ್ಷಣ ಅವರು ಸ್ಥಳಕ್ಕೆ ಆಗಮಿಸಿದ್ದಾರೆ. ಮಹಿಳೆ, ಕಂಡಕ್ಟರ್ ಮತ್ತು ಚಾಲಕನನ್ನು ಬಸ್ಸಿನ ಸಮೇತ ಪೊಲೀಸರು ಠಾಣೆಗೆ ಕರೆದೊಯ್ದಿದ್ದಾರೆ. ಇತರೆ ಪ್ರಯಾಣಿಕರಿಗೆ ಬೇರೆ ವಾಹನ ವ್ಯವಸ್ಥೆ ಮಾಡಿ, ಬೆಂಗಳೂರಿಗೆ ಕಳಿಸಿದ್ದಾರೆ.

    ಮೊನಾಕೋ ರೋರಾ ಎಂಬ ಈ ಟರ್ಕಿ ಮಹಿಳೆಯ ಬಳಿ ಭಾರತದ ಪ್ಯಾನ್ ಕಾರ್ಡ್ ಇದೆ. ಮಹಿಳೆ ಮದ್ಯ ಸೇವಿಸಿದ್ದಳು. ಜತೆಗೆ, ಇತರೆ ಕಾನೂನುಬಾಹಿರ ವಸ್ತುಗಳನ್ನೂ ಹೊಂದಿದ್ದಳು. ಮಹಿಳೆಯನ್ನು ವೈದ್ಯಕೀಯ ಪರೀಕ್ಷೆಗೆ ಕಳಿಸಲಾಗಿದ್ದು, ತನಿಖೆ ಮುಂದುವರಿದಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    A Turkish lady, Monaco Rora has created havoc near Jyothi Circle in KSRTC Bus in Mangalore on May 23 at 11 PM. KSRTC Volvo bus crew travelling from Mangalore to Bangalore.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more