• search

ಸದಾನಂದ-ಶೋಭಾ ಮೇಡಂ ಮೊನ್ನೆ ಕಿತ್ಲಾಡ್ಕೊಂಡ್ರಾ?

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    sadananda-gowda-shobha-karandlaje-spat-bsy
    ಬೆಂಗಳೂರು, ಮೇ 18: ಮುಖ್ಯಮಂತ್ರಿ ಸದಾನಂದ ಗೌಡ ಮತ್ತು ಇಂಧನ ಸಚಿವೆ ಶೋಭಾ ಕರಂದ್ಲಾಜೆ ಮೊನ್ನೆ ಕಿತ್ಲಾಡಿಕೊಂಡ್ರಾ? ಹಿರಿಯ ಅಧಿಕಾರಿಗಳ ಪ್ರಕಾರ ಹೌದು ಇಂತಹ ಪ್ರಸಂಗ ಅವರ ಕಣ್ಣೆದುರಿಗೇ ಜರುಗಿದೆ. ಇದರ ಫಲಶ್ರುತಿಯಾಗಿ ಯಡಿಯೂರಪ್ಪ ಮೊನ್ನೆ 70 ಶಾಸಕರ ರಾಜೀನಾಮೆ ಪತ್ರ ಪಡೆದು ಬಿಜೆಪಿ ತೊರೆಯಲು ನಿರ್ಧರಿಸಿದ್ದರು ಎಂಬ ಸಂಗತಿ ನಿಧಾನವಾಗಿಯೇ ತಿಳಿದುಬಂದಿದೆ.

    ಸಿಎಂ ಸದಾನಂದರು ಕಳೆದ ವಾರ ಮಧ್ಯಾಹ್ನ 3 ಗಂಟೆಯಾದರೆ ಸಾಕು ವಿಧಾನಸೌಧದಲ್ಲಿ ಉನ್ನತಾಧಿಕಾರಿಗಳ ಸಭೆ ಕರೆದು, ನಾನಾ ಇಲಾಖೆಗಳ ಪ್ರಗತಿ ಪರಿಶೀಲನೆ ಸಭೆಗಳನ್ನು ನಿರಂತರವಾಗಿ ನಡೆಸಿದ್ದರು ಎಂಬುದು ತಿಳಿದ ವಿಷಯವೇ. ಆದರೆ ಈ ಸರಣಿ ಸಭೆಗಳ ಸಂದರ್ಭದಲ್ಲಿ ಸದಾನಂದರು ಇಂಧನ ಇಲಾಖೆಯ ಸಭೆಯನ್ನು ನಡೆಸುತ್ತಿದ್ದರು. ಆದರೆ ಆ ಸಭೆಯ ಬಗ್ಗೆ ಸಂಬಂಧಪಟ್ಟ ಸಚಿವೆಗೆ ಸದಾನಂದರು ತಿಳಿಸಿರಲಿಲ್ಲ. ಅಂದರೆ ಸಚಿವೆ ಶೋಭಾ ಅನುಪಸ್ಥಿತಿಯಲ್ಲಿ ಇಂಧನ ಇಲಾಖೆ ಸಭೆ ನಡೆದಿತ್ತು.

    ಇದು ಶೋಭಾ ಮೇಡಂ ಗಮನಕ್ಕೆ ಬರಲು ಹೆಚ್ಚು ಸಮಯ ಬೇಕಾಗಲಿಲ್ಲ. ವಿಷಯ ತಿಳಿದವರೆ ಸೀದಾ ಸಭಾಂಗಣಕ್ಕೆ ನುಗ್ಗಿದ್ದಾರೆ. ಏನು ಗೌಡ್ರೆ, ಏನಿದೆಲ್ಲ? ನಿಮ್ದು ಅತಿಯಾಯ್ತು ಎನ್ನುವ ಧಾಟಿಯಲ್ಲಿ 'ಮುಖ್ಯಮಂತ್ರಿಗಳು ಸಭೆಯ ಬಗ್ಗೆ ನನಗೆ ಮೊದಲೇ ತಿಳಿಸಬೇಕಿತ್ತು, ನನ್ನ ಇಂಧನ ಇಲಾಖೆಯ ಬಗ್ಗೆ ಸಭೆ ನಡೆಯುತ್ತಿರುವಾಗ ನನ್ನನ್ನು ಏಕೆ ಕತ್ತಲಲ್ಲಿ ಇಟ್ಟಿರಿ?' ಎಂದು ಸ್ವಲ್ಪ ಜೋರು ದನಿಯಲ್ಲೇ ಅಧಿಕಾರಿಗಳ ಸಮ್ಮುಖದಲ್ಲಿ ಗುಟುರು ಹಾಕಿದ್ದಾರೆ.

    ಅನಿರೀಕ್ಷಿತ ದಾಳಿಯಿಂದ ಸ್ವಲ್ಪ ವಿಚಲಿತರಾದರೂ ಸದಾನಂದರು ಪ್ರಸನ್ನವದರಾಗಿಯೇ ಇದ್ದರು. ಆದರೆ ತೀವ್ರ ಸಿಟ್ಟಿನಲ್ಲಿದ್ದ ಶೋಭಾ, ಅಲ್ರೀ ಗೌಡ್ರೇ 9 ತಿಂಗಳ ಹಿಂದೆ ಆಗಸ್ಟಿನಲ್ಲಿ ಸಿಎಂ ಕುರ್ಚಿಯಲ್ಲಿ ನಿಮ್ಮನ್ನೇ ಕುಳ್ಳರಿಸಬೇಕು ಎಂದು ಪಟ್ಟು ಹಿಡಿದಿದ್ದೇ ನಾನು. ಆದರೆ ಈಗೇನಾಗಿದೆ ನಿಮಗೆ ಎಂಬ ಧಾಟಿಯಲ್ಲಿ ತರಾಟೆಗೆ ತೆಗೆದುಕೊಳ್ಳತೊಡಗಿದರು.ಆದರೆ ಪರಿಸ್ಥಿತಿ ವಿಕೋಪಕ್ಕೆ ಹೋಗುತ್ತಿದೆ ಎಂಬುದನ್ನು ಅರಿತ ಮುಖ್ಯಮಂತ್ರಿಗಳು, ನೀವು ಸಭೆಯಲ್ಲಿ ಇರೋ ಹಾಗಿದ್ದರೆ ಇರಿ ಇಲ್ಲಾಂದ್ರೆ ಎದ್ಹೋಗಿ ಎಂದು ಖಡಕ್ ಆಗಿ ಹೇಳಿದ್ದಾರೆ.

    ಯಾಕೋ ಏನೋ ಸರಿ ಹೋಗ್ತಿಲ್ಲ ಎಂಬುದನ್ನು ಗ್ರಹಿಸಿದ ಶೋಭಾ ಮೇಡಂ ಸಿಟ್ಟಿನಿಂದ ಸಭೆಯಿಂದ ಹೊರ ನಡೆದವರೇ ಸೀದಾ ಯಡಿಯೂರಪ್ಪನವರ ಎದುರು ಪ್ರತ್ಯಕ್ಷರಾಗಿದ್ದಾರೆ. ಚಾಚೂತಪ್ಪದೆ ವಿಷಯವನ್ನು ತಮ್ಮ ರಾಜಕೀಯ ಗುರುವಿನ ಕಿವಿಗೆ ಹಾಕಿದ್ದಾರೆ. ವಿಷಯ ತಿಳಿದ ಯಡಿಯೂರಪ್ಪನವರು ಮುಂದೆ ಆಡಿದ ಆಟವೇ ... 70 ಶಾಸಕರ ರಾಜೀನಾಮೆ ಪತ್ರ ಹಿಡಿದು ಬಿಜೆಪಿ ತೊರೆಯಲು... ಆ ಪ್ರಯತ್ನವಾಗಿಯೇ ಶೋಭಾ ದೆಹಲಿಗೆ ತೆರಳಿ ಅಹಮದ್ ಪಟೇಲ್ ಭೇಟಿಗಾಗಿ ಯತ್ನಿಸಿದ್ದು ಎನ್ನಲಾಗಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Did a spat between Chief Minister D V Sadananda Gowda and energy minister Shobha Karandlaje push the former’s relations with former chief minister B S Yeddyurappa to the brink? According to sources the argument occurred in the presence of senior bureaucrats and technocrats during a recent review meeting of the performance of the energy department. 

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more