• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಪ್ರಶ್ನೆ ಪತ್ರಿಕೆ ಬಯಲು : ಇನ್ನೂ ಹತ್ತು ಜನರ ಬಂಧನ

By Prasad
|
ಬೆಂಗಳೂರು, ಏ. 2 : 2012ನೇ ಸಾಲಿನ ದ್ವಿತೀಯ ಪಿಯುಸಿ ಪರೀಕ್ಷೆಗಳು ಮುಗಿಯುವ ಮೊದಲೇ ಪ್ರಶ್ನೆ ಪತ್ರಿಕೆ ಬಯಲು ಮಾಡುವ ಜಾಲದ ಮೇಲೆ ಮುಗಿಬಿದ್ದಿರುವ ಸಿಐಡಿ ಪೊಲೀಸರು ಮತ್ತೂ ಹತ್ತು ಖದೀಮರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಪ್ರಶ್ನೆಪತ್ರಿಕೆಗಳು ಬಯಲಾದ ನಂತರ ಶಿಕ್ಷಣ ಸಚಿವ ವಿಶ್ವೇಶ್ವರ ಹೆಗಡೆ ಕಾಗೇರಿಯವರು ತನಿಖೆಯನ್ನು ಸಿಐಡಿಗೆ ಒಪ್ಪಿಸಿದ್ದರು.

ಈ ಸಂಗತಿಯನ್ನು ಸಿಐಡಿ ಡಿಜಿ ಆಗಿರುವ ಐ.ಕೆ. ದತ್ತಾ ಅವರು ಪತ್ರಿಕಾಗೋಷ್ಠಿಯಲ್ಲಿ ಸೋಮವಾರ ತಿಳಿಸಿದರು. ಬಂಧಿತರನ್ನು ಜಿ ಪ್ರಹ್ಲಾದ್, ಟಿ ಸೊಣ್ಣಪ್ಪ, ಎಚ್ಎಸ್ ಸುನೀಲ್, ಮುನ್ವರ್ ಬಾಷಾ, ಸಿದ್ದರಾಮಯ್ಯ, ಯೋಗೇಶ್ವರ್, ರವಿಕುಮಾರ್, ಶಶಿಧರ್, ಅನಿಲ್ ರಾವುತ್, ಸಿಪಿ ರಮೇಶ್ ಎಂದು ಗುರುತಿಸಲಾಗಿದೆ. ಇವರಲ್ಲಿ ಕೆಲವರು ಶಿಕ್ಷಕರಾಗಿದ್ದರೆ ಹಲವರು ಕಾಲೇಜು ಸಿಬ್ಬಂದಿಗಳಾಗಿದ್ದಾರೆ.

ಗಣಿತ, ಭೌತಶಾಸ್ತ್ರ, ರಸಾಯನಶಾಸ್ತ್ರ ಪ್ರಶ್ನೆಪತ್ರಿಕೆಗಳು ಬಯಲಾದ ಹಿನ್ನೆಲೆಯಲ್ಲಿ ವೇಳಾಪಟ್ಟಿಯನ್ನು ಸಂಪೂರ್ಣವಾಗಿ ಪರಿಷ್ಕರಿಸಲಾಗಿತ್ತು. ಪರಿಷ್ಕರಣೆಯ ಪ್ರಕಾರ, ಮಾರ್ಚ್ 24ರಂದು ಮತ್ತೆ ಆರಂಭವಾಗಿರುವ ಪರೀಕ್ಷೆಗಳು ಏಪ್ರಿಲ್ 5ರಂದು ಕೊನೆಯಾಗುತ್ತಿವೆ. ಒಟ್ಟು 5,96,739 ವಿದ್ಯಾರ್ಥಿಗಳ ಭವಿಷ್ಯವನ್ನು ಈ ಪರೀಕ್ಷೆಗಳು ನಿರ್ಧರಿಸಲಿವೆ.

ಈ ಪರೀಕ್ಷೆಗಳ ನಡುವೆಯೂ ಕೆಲ ಪ್ರಶ್ನೆಪತ್ರಿಕೆಗಳು ಬಯಲಾದ ಸುದ್ದಿ ಹಬ್ಬಿತ್ತು. ಆದರೆ, ಎಚ್ಚೆತ್ತುಕೊಂಡಿದ್ದ ಪದವಿಪೂರ್ವ ಶಿಕ್ಷಣ ಮಂಡಳಿ ಎಲ್ಲ ಪರೀಕ್ಷಾ ಕೇಂದ್ರಗಳಲ್ಲಿ ಭಾಗೀ ಬಿಗಿಭದ್ರತೆ ಒದಗಿಸಿತ್ತು ಮತ್ತು ಯಾವುದೇ ಗಾಳಿಸುದ್ದಿ ಹರಡಲು ಅವಕಾಶ ನೀಡಿರಲಿಲ್ಲ. ಬಂಧಿತರಾಗಿರುವವರು ಹಣ ಗಳಿಸುವ ಉದ್ದೇಶದಿಂದ ಈ ಕೃತ್ಯಕ್ಕೆ ಇಳಿದಿದ್ದಾಗಿ ಪೊಲೀಸರ ಮುಂದೆ ಒಪ್ಪಿಕೊಂಡಿದ್ದಾರೆ. ಕೆಲ ದಿನಗಳ ಹಿಂದೆ ಕೋಲಾರದ ಮೂರು ಶಿಕ್ಷಕರನ್ನು ಬಂಧಿಸಲಾಗಿತ್ತು.

ಎಸ್ಸೆಸ್ಸೆಲ್ಸಿ ಪರೀಕ್ಷೆ, ಡಿಬಾರ್ :
ಏ.2ರಿಂದ 2012ನೇ ಸಾಲಿನ ಎಸ್ಎಸ್ಎಲ್ ಸಿ ಪರೀಕ್ಷೆಗಳು ಕೂಡ ಆರಂಭವಾಗಿದ್ದು, ಕಾಪಿ ಹೊಡೆಯುವಲ್ಲಿ ತೊಡಗಿದ್ದ 33 ವಿದ್ಯಾರ್ಥಿಗಳನ್ನು ರಾಜ್ಯಾದ್ಯಂತ ಡಿಬಾರ್ ಮಾಡಲಾಗಿದೆ. ಕೋಲಾರದಲ್ಲಿ 18, ಬಿಜಾಪುರದಲ್ಲಿ 10, ಗುಲಬರ್ಗದಲ್ಲಿ 3, ಚಿಕ್ಕಮಗಳೂರಿನಲ್ಲಿ 1, ಚಿಕ್ಕಬಳ್ಳಾಪುರದಲ್ಲಿ 1 ವಿದ್ಯಾರ್ಥಿಯನ್ನು ಡಿಬಾರ್ ಮಾಡಲಾಗಿದೆ ಎಂದು ಪ್ರೌಢ ಶಿಕ್ಷಣ ಪರೀಕ್ಷಾ ಮಂಡಳಿ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.

lok-sabha-home

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
CID police have arrested 10 more people involved in leaking 2nd PUC examination 2012 question papers. After leakage of few papers education minister Vishweshwar Hegde Kageri had ordered CID inquiry. SSLC examinations have commenced from Apr 2 om Karnataka. 33 students have been debarred for malpractice.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more