• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ನಿತ್ಯಾನಂದರ ವಿರುದ್ಧ ಸಿಐಡಿ ಹೊಸ ಆರೋಪಪಟ್ಟಿ

By Prasad
|
ರಾಮನಗರ, ಮಾ. 22 : ಕರ್ನಾಟಕ ಹೈಕೋರ್ಟಿನಲ್ಲಿ ಜಾಮೀನು ಪಡೆದು ಬಿಡದಿ ಆಶ್ರಮದಲ್ಲಿ ಭಕ್ತಾದಿಗಳ ಜೊತೆ ನಿತ್ಯ ಧ್ಯಾನ, ಭಜನೆ, ಯೋಗಗಳನ್ನು ಮಾಡುತ್ತ ಇಹಲೋಕದ ಅರಿವನ್ನೇ ಮರೆತಿದ್ದ ಧ್ಯಾನಪೀಠಂನ ಸ್ವಾಮೀಜಿ ನಿತ್ಯಾನಂದರನ್ನು ಮತ್ತೆ ಎಚ್ಚರವಾಗುವಂತೆ ಮಾಡಿದ್ದಾರೆ ಸಿಐಡಿ ಅಧಿಕಾರಿಗಳು.

ಚಿತ್ರನಟಿಯೊಬ್ಬಳ ಜೊತೆ ಅನೈತಿಕವಾಗಿ ರಾಸಲೀಲೆಯಲ್ಲಿ ನಿರತರಾಗಿದ್ದ ಪ್ರಕರಣದಲ್ಲಿ ಸಿಲುಕಿರುವ ಸ್ವಾಮಿ ನಿತ್ಯಾನಂದರ ವಿರುದ್ಧ ಹೊಸ ಆರೋಪಗಳನ್ನು ಸಿಐಡಿ ಪೊಲೀಸರು ರಾಮನಗರ ನ್ಯಾಯಾಲಯದಲ್ಲಿ ಸಲ್ಲಿಸಿದ್ದಾರೆ. ನಿತ್ಯಾನಂದ ಮಹಿಳೆಯೊಂದಿಗೆ ಮಾತ್ರವಲ್ಲ ಒಬ್ಬ ಪುರುಷನ ಜೊತೆ ಕೂಡ ಬಲವಂತದ ಮತ್ತು ಅಸ್ವಾಭಾವಿಕ ಲೈಂಗಿಕ ಕ್ರಿಯೆ ನಡೆಸಿದ್ದರು ಎಂದು ಆರೋಪಿಸಿದ್ದಾರೆ.

ಸದ್ಯಕ್ಕೆ ಅಮೆರಿಕಾದ ಸಿಯಾಟಲ್ ವಾಸಿಯಾಗಿರುವ ವ್ಯಕ್ತಿಯೊಬ್ಬರು, ತಮ್ಮೊಂದಿಗೆ ನಿತ್ಯಾನಂದ ಬಲವಂತವಾಗಿ ಲೈಂಗಿಕ ಕ್ರಿಯೆ ನಡೆಸಿದ್ದ ಎಂದು ಆರೋಪಿಸಿದ್ದ ಹಿನ್ನೆಲೆಯಲ್ಲಿ, ನ್ಯಾಯಾಲಯದ ಅನುಮತಿ ಕೋರಿ ಅವರ ಹೇಳಿಕೆಗಳನ್ನು ಪಡೆದಿರುವುದಾಗಿ ಸಿಐಡಿ ಡೈರೆಕ್ಟರ್ ಜನರಲ್ ಆರ್ ಕೆ ದತ್ತಾ ಹೇಳಿದ್ದಾರೆ. ನಿತ್ಯಾನಂದರ ವಿರುದ್ಧ ಈ ಬಾರಿ ಬಲವಾದ ಸಾಕ್ಷಿ ಲಭಿಸಿದೆ ಎಂದು ತಿಳಿಸಿದ್ದಾರೆ.

ಬಿಡದಿ ಆಶ್ರಮದಲ್ಲಿ ಆರು ಬಾರಿ ಮತ್ತು ಸಿಯಾಟಲ್ ಹಾಗು ಅಮೆರಿಕಾದ ಇತರ ನಗರಗಳಲ್ಲಿರುವ ಆಶ್ರಮದಲ್ಲಿ ಕೂಡ ತಮ್ಮೊಂದಿಗೆ ನಿತ್ಯಾನಂದ ಲೈಂಗಿಕ ಕ್ರಿಯೆ ನಡೆಸಿದ್ದರು ಎಂದು ಆರೋಪಿಸಿರುವ ಅವರು, ಹೇಳಿಕೆ ನೀಡಿದ್ದಾರೆ ಮತ್ತು ಸಾಕ್ಷ್ಯಾಧಾರ ಒದಗಿಸಿದ್ದಾರೆ. ಸಿಐಡಿ ಅಧಿಕಾರಿಗಳು, ಈ ಆರೋಪಪಟ್ಟಿಯ ಜೊತೆಗೆ, ನಿತ್ಯಾನಂದರು ಅನೇಕ ಮಹಿಳೆಯರ ಜೊತೆ ಸಂಬಂಧ ಹೊಂದಿದ್ದನ್ನು ತಮ್ಮ ಬಳಿ ಒಪ್ಪಿಕೊಂಡಿದ್ದರೆಂದು ಅಮೆರಿಕಾದ ಮನಶ್ಶಾಸ್ತ್ರಜ್ಞರೊಬ್ಬರು ನೀಡಿರುವ ಹೇಳಿಕೆಯನ್ನು ನ್ಯಾಯಾಲಯಕ್ಕೆ ಒದಗಿಸಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Swami Nithyananda of Bidadi Dhyanapeetham ashram in trouble again. CID police have filed fresh charges against Bidadi swamiji, alleging he was not just in relationship with many women, Nithyananda had unnatural sex with a US based Indian several times.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more