40000 ವಿದ್ಯಾರ್ಥಿಗಳಿಗೆ ವಾಲ್ಮಾರ್ಟ್ ಗಾಳ
ಭಾರ್ತಿ ವಾಲ್ ಮಾರ್ಟ್ ಹಾಗೂ ಭಾರ್ತಿ ಎಂಟರ್ ಪ್ರೈಸಸ್ ಸಂಸ್ಥೆ ಶೇ 50:50 ಅನುಪಾತದಲ್ಲಿ ಆರಂಭಿಸಿರುವ ಈ ಯೋಜನೆಯಲ್ಲಿ 15 ಕ್ಯಾಶ್ ಅಂಡ್ ಕ್ಯಾರಿ ಮಳಿಗೆಗಳು ಸೇರಲಿದೆ ಎಂದು ಸಂಸ್ಥೆ ಮುಖ್ಯ ನಿರ್ವಾಹಕ ರಾಜ್ ಜೈನ್ ಹೇಳಿದ್ದಾರೆ.
50 ಸಾವಿರ ಚದರ ಅಡಿ ವಿಸ್ತೀರ್ಣದ ಮಳಿಗೆಗಳು ಮೊದಲಿಗೆ ಅಮೃತಸರ್, ಜಲಂಧರ್, ಕೋಟಾ, ಲೂಧಿಯಾನಾ, ರಾಯಪುರ, ಗುಂಟೂರು ಹಾಗೂ ವಿಜಯವಾಡದಲ್ಲಿ ಆರಂಭವಾಗಲಿದೆ.
ಈಸಿ ಡೇ, ಈಸಿ ಡೇ ಮಾರುಕಟ್ಟೆ ಎಂಬ ಹೆಸರಿನಲ್ಲಿ ದಕ್ಷಿಣ ಹಾಗೂ ಪಶ್ಚಿಮ ಭಾರತದಲ್ಲಿ 175 ಮಳಿಗೆಗಳು, 70 ಅಂಗಡಿಗಳನ್ನು ಈ ವರ್ಷದಲ್ಲಿ ಆರಂಭಿಸಲಾಗುತ್ತದೆ. ಕರ್ನಾಟಕ, ಮಧ್ಯಪ್ರದೇಶ, ಪಂಜಾಬ್, ಚತ್ತೀಸ್ ಗಢ, ಉತ್ತರ ಪ್ರದೇಶ ಹಾಗೂ ರಾಜಸ್ಥಾನಲ್ಲಿ ಮಳಿಗೆಗಳನ್ನು ತೆರೆಯಲಾಗುತ್ತದೆ.
2016ರ ವೇಳೆಗೆ 50,000 ರೀಟೈಲ್ ವೃತ್ತಿಪರರನ್ನು ತಯಾರಿಸುವುದಾಗಿ ಭಾರ್ತಿ ವಾಲ್ ಮಾರ್ಟ್ ಹೇಳಿಕೊಂಡಿದೆ.
ಬೆಂಗಳೂರು, ನವದೆಹಲಿ ಹಾಗೂ ಅಮೃತಸರ್ ನಲ್ಲಿ ವಿದ್ಯಾರ್ಥಿಗಳ ಆಯ್ಕೆ, ತರಬೇತಿ ಕಾರ್ಯಕ್ಕೆ ಚಾಲನೆ ನೀಡಲಾಗಿದೆ. ಮುಂಬೈ ಸೇರಿದಂತೆ ಇನ್ನೂ 12 ಕಡೆ ತರಬೇತಿ ಕೇಂದ್ರಗಳನ್ನು ಆರಂಭಿಸಲಾಗುತ್ತದೆ ಎಂದು ಜೈನ್ ಹೇಳಿದ್ದಾರೆ.
ಗ್ರಾಹಕ ಸೇವೆ, ಅಕೌಂಟ್ಸ್ ವಿಭಾಗಕ್ಕೆ ನೇಮಕಗೊಂಡಿರುವ ವಿದ್ಯಾರ್ಥಿಗಳು ತಿಂಗಳಿಗೆ ಕನಿಷ್ಠ 7,500 ರು ಸಂಬಳ ಪಡೆಯುತ್ತಿದ್ದಾರೆ. ಹೈಸ್ಕೂಲ್, ಕಾಲೇಜು ಮುಗಿಸಿದ ವಿದ್ಯಾರ್ಥಿಗಳಿಗೆ ವೃತ್ತಿಪರ ಸಂಸ್ಥೆಯಲ್ಲಿ ದುಡಿವ ಅನುಭವ ಪಡೆಯಲಿದ್ದಾರೆ.
Click it and Unblock the Notifications
Sign in with Google